دق النحاس .. أو ضرب النحاس .. في الماضي السحيق .. يعنى إعلان للحرب أو أن هنالك أمر جلل
اشقياء الزمن الماضي في الهدى .. رحمهم الله أموات وأحياء .. اشتركوا عملوا شركيت كما يقولون .. لذبح عتود .. وحيث أن صاحب البيت الذي تقام فيه هذه اللمة .. قريب من المسجد .. واليوم كان جمعة .. يعنى أي زول جاي للصلاة يشم ريحة الشية .. يجي داخل .. توش ..من غير إحم ولادستور .. وبعد فترة تجمع عدد كبير جدا .. لو أن العتود تم توزيعوا لحمة لحمة مابكفي .. فتهامس الجماعة فيما بينهم .. عن كيفية المخرج من هذا المأزق .. واحد من الجماعة شال جريدة قديمة .. وقال :
اسمعوا الخبر دا .. طبعا غالبية الجماعة ما بعرفوا القراءة .. ؟
قالوا ليه : آها الخبر .. شنو ؟
قال : الخبر بقول ( الزعيم إسماعيل الأزهري .. يمنع الأنصار من الصلاة في مسجد الخليفة ) ..
رد غالبية الحضوربإندهاش وإستغراب : كيف ؟ .. والله ياهو الفضل ؟ وقام واحد من الجماعة سل سكينو .. وقال الله أكبر .. ولله الحمد .. وردد خلفه الجماعة التكبير . وطلعوا خارج المنزل صوب المسجد العتيق .. وطلبوا دق النحاس .. وفعلا .. ضرب النحاس .. وتجمهر الناس .. وفي هذا الأثناء ... الشلة المذكورة .. تقوم بالواجب وتقضي على العتود .
وهنا الجماعة متجمهرين أمام المسجد .. بالمئات .. طالبين تجهيز اللواري للذهاب لأمدرمان للقتال والمواجهة ؟
غير .. واحد من أهل الرأي وهو كبير وحكيم .. قال ليهم : يا اخوانا القال ليكم إنو الزعيم الأزهري منع الأنصار من الصلاة في مسجد الخليفة دا منو ؟ .. فأشاروا الى فلان بن فلان .. والخبر منشور في الجريدة ..
قال ليهم : جيبوا الجريدة هنا ؟ ولما مشوا للجماعة حصلوهم قضوا على العتود ويغسلوا في ايديهم ..
ومن ذلك الحين اطلق على فلان بن فلان ( إنو أي خبر يجيكم من فلان بن فلان لا اساس له من الصحة ) ..

تخريمة : هذه ذكريات قديمة رويت لنا ..وتعمدت في هذا البوست عدم ذكر الأسماء ..

اقتباس :

هذه ذكريات قديمة رويت لنا ..وتعمدت في هذا البوست عدم ذكر الأسماء ..

يا طارق مع تعمدك لعدم ذكر الاسماء ولكن نشتم فى هذا المقلب رائحة حسين اليمانى

والذى اشتهر بكثرة مقالبه للناس , فاصبح شخصية قومية ولاتثريب علينا فى ذكر اسمه ان كان هو أو العليش ..!!

النحاس دقا والسخل دغا

تل تلل تل تل ميييييييغ تل تلل تل تل مييييييغ

!!!!!!!!!!!!!!!!!!!!!!!!!!!!!!

وليد التلب كتب:

اقتباس :

هذه ذكريات قديمة رويت لنا ..وتعمدت في هذا البوست عدم ذكر الأسماء ..

يا طارق مع تعمدك لعدم ذكر الاسماء ولكن نشتم فى هذا المقلب رائحة حسين اليمانى

والذى اشتهر بكثرة مقالبه للناس , فاصبح شخصية قومية ولاتثريب علينا فى ذكر اسمه ان كان هو أو العليش ..!!

النحاس دقا والسخل دغا

تل تلل تل تل ميييييييغ تل تلل تل تل مييييييغ

!!!!!!!!!!!!!!!!!!!!!!!!!!!!!!

الحبيب وليد
لك التحية ومشكور على المرور ..
وماقصرت إجتهدت كثيرا .. وعلى الرغم من أن المقلب يشبه عمنا حسين ود اليماني .. إلا أنه وكذلك العم ود العليش لم يكونوا من ضمن الحضور في ذلك اليوم .. على حسب ما روي لنا ..
كما وأن النحاس دقا للعتود وهو مذبوح وبالتالي إنتفت صفة الدغا ..

سلام ابووضاح وتحايا صباحية ندية
ياخي انت والله زول عجوز خلاس الجابك تلعب معانا شنو ماعارف بتتذكر حاجات الناس نست زمنها زاتو
لكن بيني وبينك انت بتكون كنت معاهم
بالجد كدة قصة طريفة وفيها العفوية المطلقة
واصل ياعجوز المجلة منتظرين الجديد

شكرا طارق تسلم الموضوع طريف
طريف

شكرا طارق تسلم الموضوع طريف
طريف

شكرا طارق تسلم الموضوع طريف
طريف

شكرا طارق تسلم الموضوع طريف
طريف

عادل خياري كتب:

سلام ابووضاح وتحايا صباحية ندية
ياخي انت والله زول عجوز خلاس الجابك تلعب معانا شنو ماعارف بتتذكر حاجات الناس نست زمنها زاتو
لكن بيني وبينك انت بتكون كنت معاهم
بالجد كدة قصة طريفة وفيها العفوية المطلقة
واصل ياعجوز المجلة منتظرين الجديد

لك التحية الحبيب ابو الطيب .. وأنا داخل على المنتدى .. وشايف الأطفال الحلويين ديل شايلين حملان صغار ذكروني موضوع العتود الدقو ليهو النحاس .. بالجد صورة جميلة جدا وفيها من العفوية الكثير .. لكم التحية ..

اشكرك على المرور .. الموضوع انا كاتب بأنه ذكريات حكيت لنا ولم نكن قد ولدنا وقتيها .. وأنا ماعجوز .. لكن أكبر منك دي حقيقة .. ما بنكرا ابدا .. وسوف نواصل من ذكريات كلما سنحت وجادت لنا الذاكرة ..

الصادق خيارى كتب:

شكرا طارق تسلم الموضوع طريف
طريف

لك التحية أخي الصادق خياري .. وشكرا على المرور الذي اسعدني كثيرا ..