حقيقي .. ظاهرة خطيرة ومابتشبهما نحن كسودانيين .. إستغلال ضعاف النفوس لظروف الناس وهم مشغولين سواء في فرح أو كره .. ووضع الجوالات في الشاحن .. حيث يكثر الحديث والإتصالات .. مما يؤدى الى إنقضاء البطارية سريعا .. غير أن ضعاف النفوس يقضون على هذه الجوالات في هذه الزحمة واللمة .. هذه الظاهرة .. سرقة وإختفاء الجوالات وإستغلال ظروف الناس وإنشغالهم بترتيب بعض أمورهم .. وفجأة بلتفت ويجد جواله الذي وضعه في الشاحن قد إختفي .. إننا نضرب هذه الظاهرة السالبة في التااااااانك ...

طارق السلام عليك يا ابن اخى مرة الدنيا رمضان وانا مفلس وراكب حافلة والحر والجوع والعطش عندى موبايل عادى ولا استطيع ان اشترى اخر الكلام ده فى امدرمان الموبايل رن مرة ومرتين بالقرب منى قلت النغمات تتشابه نزلت رحت البيت فقدت لقيتوه بحا شالو عصار غشا البلدات اتاريه الراكب جمبى شالو ورن فى اثناء السرقة

لك التحية الصباحية العم مصطفى ود البلة
هذه من الظواهر السالبة التى يجب علينا جميعا محاربتها ..ويجب توجيه الناس للإنتباه لها وهي إستغلال ضعاف النفوس لإنشغال أهل المناسبة في ترتيب بعض أمورهم .. والقضاء على الجوالات وبعض الشياء .. اثناء اللمة والزحمة ..
لك التحية ياعم ..

حاضربا معاك ضربا مكعب اذا كانت في البكيات
الواحد شايل الموبايل وبتكلم في البزنس والناس موجوعه
يستاهل

حسن اسماعيل كتب:

حاضربا معاك ضربا مكعب اذا كانت في البكيات
الواحد شايل الموبايل وبتكلم في البزنس والناس موجوعه
يستاهل

حسن ياحبيب .. السرقة الحاصلة لي ناس الوجعة ذاتهم .. مش المعزيين

طارق مامون كتب:

حسن اسماعيل كتب:

حاضربا معاك ضربا مكعب اذا كانت في البكيات
الواحد شايل الموبايل وبتكلم في البزنس والناس موجوعه
يستاهل

حسن ياحبيب .. السرقة الحاصلة لي ناس الوجعة ذاتهم .. مش المعزيين

برضو ياجبيب في حاجه اسما الحرص
يعني ماتخت ليك حاجه ساااي وتجي تقول الناس نفوسا بقت كعبه
انت برضو خليك واعي واحرص علي وضعو في امان

حسن اسماعيل كتب:

طارق مامون كتب:

حسن اسماعيل كتب:

حاضربا معاك ضربا مكعب اذا كانت في البكيات
الواحد شايل الموبايل وبتكلم في البزنس والناس موجوعه
يستاهل

حسن ياحبيب .. السرقة الحاصلة لي ناس الوجعة ذاتهم .. مش المعزيين

برضو ياجبيب في حاجه اسما الحرص
يعني ماتخت ليك حاجه ساااي وتجي تقول الناس نفوسا بقت كعبه
انت برضو خليك واعي واحرص علي وضعو في امان

احرصوا كيف يا حسن .. يعني يختوها في الخزنة والله الدولاب .. طيب ما الناس بتتصل عليهم عشان تبارك وتهني أو تعزي .. يعني بعد كل إتصال .. يقفلوا الجوال .. في الخزنة .. .. يا اخي الناس في الوقت داك .. مشغولة وما مشغولة .. وماسمعت بالمثل البقول ليك .. عامل زي أم العروسة .. الناس مابتكون فاضية ..

كدي اتخيل الديوان ملان زحمه والناس خاشه وطالعه والشفع وانت يا ابوقلب طيب خاتي الموبايل في الشباك
قال ايه قال عاوز يشحن قال
هههههههه
يعني لو ختيتو في غرفه خاصه لمده نص ساعه وتعال افتحو تاني

حسن اسماعيل كتب:

يعني لو ختيتو في غرفه خاصه لمده نص ساعه وتعال افتحو تاني

وهنا مربط الفرس غرفة خاصة دي .. اليوم داك كل الغرف بتكون عامة

وأضرب أضرب يا صدام بالكيماوى يا صدام

ونحن معك ضاربين يا طارق

هل تعلم ان هؤلاء النشالين قد تغلفت قلوبهم تماما حتى صارت بلا احساس او خوف او اعتبار لنوعية الموقف ..
قبل فترة وقد كنا امام مشرحة مستشفى الخرطوم لتشريح جثة احد الاقارب فى حادث , وبينما الجميع مشدوهين واذهانهم مع هذا الحدث تستدعى كل مشاعر الحزن ,, فإذا بنشال موبايلات سقطت منه كل قيم الانسانيه يمارس مهنته فى هذا الجو المخيم بالحزن ويتم قبضة وقد نال علقة ساخنة جدا من كل الحاضرين وتم تسليمة للشرطة , وقد علمنا انه توجد شبكة فى هذا المكان .. !!

وليد التلب كتب:

وأضرب أضرب يا صدام بالكيماوى يا صدام

ونحن معك ضاربين يا طارق

هل تعلم ان هؤلاء النشالين قد تغلفت قلوبهم تماما حتى صارت بلا احساس او خوف او اعتبار لنوعية الموقف ..
قبل فترة وقد كنا امام مشرحة مستشفى الخرطوم لتشريح جثة احد الاقارب فى حادث , وبينما الجميع مشدوهين واذهانهم مع هذا الحدث تستدعى كل مشاعر الحزن ,, فإذا بنشال موبايلات سقطت منه كل قيم الانسانيه يمارس مهنته فى هذا الجو المخيم بالحزن ويتم قبضة وقد نال علقة ساخنة جدا من كل الحاضرين وتم تسليمة للشرطة , وقد علمنا انه توجد شبكة فى هذا المكان .. !!

لك التحية الحبيب وليد ..

فعلا هو تبلــد إحســـاسيس.. وإنتهازية وإستغلال لظروف الناس .وإنشغالهم بماهو أهم .. وهي أيضا سقوط لكل القيم الإنسانية .. أجدد لك التحية .. وأنت تضرب معي في التانك كل الظواهر السالبة في هذا المجتمع ..

غايتو البسو الحركة دي ماظريف
ثم تاني يعني زاتو سواها كيف