اثار مفتى مصر الدكتور على جمعة جدلا بين علماء الازهر والمجتمع المصرى بسبب الفتوى التى قال فيها : ان طلاق المصريين لا يقع على نساءهم لانهم
( لاينطقونه بالقاف بل بالهمزة ) .. !!
وكان قد اعد بحثا اورد فيه ان الطلاق لايقع لانهم يقولون : طالئ وليس طالق ..!!
واعتمد مفتى مصر فى فتواه على راى قديم للفقهاء كانوا يعدون لفظ ( تالق ) التى ينطق بها البعض وقتها لا يعد طلاقا بحسب ما اوردته بعض الصحف المصرية على موقعها الالكترونى ,, ومعلوم ان اكثر العلماء يرون وقوع الطلاق بالفظ مع النيه ,, ولفظ الطلاق او ما يعنيه تعنى وقوعه .
وان من لفظ الطلاق نوع صريح وهذا يقع بمجرد لفظه حتى ولو لم يقصد الانسان الطلاق .
( نقلا عن صحيفة حكايات )

طيب يا وليد الناس الذين طلقوا من زمااااان يعملوا شنووووووو.
طبعا أخوانا لو الواحد منهم ماشي السوق بقول ماشي السؤ دي كمان حكمها شنو علي رأي فتوي شيخ الأزهر.
ولك تحياتي

صديق حمدلله على السلامة والظهور

الامر يخيل لى تحت دائرة الضوء والبحث حتى يصدر كفتوى رسمية وهو مجرد اجتهاد ولكنه من المفتى ,, والجدل دائر مع شيوخ الازهر ..

والذين طلقوا زمااااان ديل بكون واقع عليهم حكم القاف ..!!

والكلام دا ياستاذ ذكرنى نكتة :

قالوا ليك فى استاذ عندو مشكلة نطق فى حرفى السين والشين !! حيث ينطق السين شين والعكس ,,
ذات مرة كان يراقب الطلبة فى امتحان ,, وشاف طالب ببص على ورقة جارو ,,
الاستاذ صاح : انت هناك ما تسف ,, وفى نفس الوقت الطالب كان سافى ...!!
فما كان منه إلا وبصق السفة والاستاذ ينظر ,,
فاندهش الاستاذ وصاح : وكمان بتشف ......!!

الحبيب وليد لك التحية . ـ
انها فوضــى الفتاوي ..
الآية واضحة .. يا أخي الكريم ( الطلاق مرتان فأمساك بمعروف أو تسريح بإحسان ) ..
ومع ذلك حتى يتم توثيق الطلاق .. على المصريين عدم اللفظ بالكلمة وإنما كتابتها على ورقة..
عشان يكون الفرق واضح بين السفة والشفة ..

الواحد لو من اول مره ما ينطق الكلمه وخلاص
كفي المؤمنين شر القتال
لكن الايام دي بقت في موضه اسما ( علي بالطلاق)

طارق نحييك على المرور ونهارك سعيد

اعتقد انها مسالة تدخل فى اطار التلاعب بالالفاظ والذى يخلق جدليات

تدخل الناس فى متاهات ,,

وبعد داك لو قلنا بالورقة والقلم يقولوا ليك : الزول المطلق او المطلقة لو كان أميا ؟؟

هل الطلاق واقع ..!!

يا حسن هذى من غرائب الفتاوى !!

والطلاق حلال مبغوض ,, ولكنه احيانا يكون حلا وضرر اخف من استمرار العلاقة

الغريبة ان استخدام هذا اللفظ صار متداول في غير مكانه في السوق _الشارع_ويستخدم في المعاملات بعيدا عن الزوجة _اما موضوع الفتوي فهنالك اركان لها لاتأتي ألا من عالم _وفي السودان من يلعب بهذا اللفظ ويقول (الطلاش) لكن الفيصل في تحديد المعني المراد الشهووووود

(على بالطلاش ) و (حررش ) و (حرأمس )

عبارات متداولة بكثرة وسط الناس وهناك من يحلف بالطلاق عديييييل
{ومن كان حالفا فليحلف بالله او ليصمت }
وهناك طلاقات رجعية تكون من باب (شيلى زيرك وخلى لى عقربى ) .....!!

الشيخ وأبوالنسب وليد (شيخ دى حلوة معاك؟)،أرجو أن تجهز خلوتك وتستعد لنسوان الفريق ،خلى البياض حاجة رمزية، وأقترح تعيين مساعد شيخ لإستقبال الرجال المدروشين وانزلقت منهم كلمة كدى على الماشى،بس خليك متخصص فى إبطال مفعول الغام الطلاق فقط ولاتتعداه الى مسألة الجناوغيرها

الاخ ود الياس نحييك على التشييخ

لكن هل سمعت بشيخ وليد ؟؟ أو فكى وليد ؟؟
وهناك جارنا الاستاذ صديق الشيخ محمد يوسف كان كثير ما يقول لى : اصلو ما لاقى فكى اسمو وليد !!
والله فكرة جميلة جدا وخصوصا انها اصبحت ذات دخل مضون وعائد سرييييع
والحكاية كلها ديك احمر,, وضنب سحلية عزباء ,, وشنب بعوضة مارقة من الحبس ,, وجلد نملـــة شهر ما استحمت ..... !!
وحاجات من النوع دا
والطلاق بنعالجوا بى ( هيي يا ود بلال لازينى وين ) ...... !! ومساعد الشيخ جاهز وهو عوض الله ..
لانو العلاج ذاتو مرات بيحتاج ل ( داون لوووود )

الاخ وليد
الحلف بالطلاق في هذا الزمن زي شراب الشاي واذا حلفت فحلف بالله او اصمت.
واحد بيحلف يقول والله وحيات اولادي وحرم وعلي الطلاق اقوم عليك ما اخليك
( إن أبغض عند الله الطلاق)

يا أبو ريان تسلم

والطلاق لا يجوز الحلف به كما اشرت لان الزواج رباط مقدس لايجوز تعريضه للمزايدة والحلفان .
يعنى زول يطلق ام اولادو فى كباية شاى بى حلفة طلاق فى نص السوق .
الطلاق ما سمح .. !! لكن سمح الطلق .. !!
والطلق طبعا طلق القطن زمان ..!! حيث السعية شبعانة والدنيا درت وجركانة اللبن بى اتنين جنية بس .. والنغمة السائدة فى الشوارع كلها :
ورد ورد ,, ورد ورد ,, ورد ورد

لك التحية ياوليد .. إين أنت يارجل !!!

المصريون يطلقون حسني .. وبالثلاثة .. ويبقون على نسائهم بكل همزات الوصل !!

الاخ وليد لك التحية والتجلى الفتوى غريبة والموضوع تلاعب بالالفاظ والعبارات ليس الا فالطلاق هو الطلاق كما هو معروف

ياود التلب سلام مصري اطرش داير اطلق اعمل شنو اهي اهي اهي

طارق مامون كتب:

لك التحية ياوليد .. إين أنت يارجل !!!

المصريون يطلقون حسني .. وبالثلاثة .. ويبقون على نسائهم بكل همزات الوصل !!

يا طارق كيفك ,

نعم المصريون يطلقون حسنى ويخلعونه بلا رجعة , ويعضدون رمزية الزواج وبناء الاسرة فى قمة ثورتهم وهم فى ميدان التحرير

حيث تم عقد قران فريد من نوعه , ونتمى كذلك طلاق لا رحعى لكل الطواغيت فى العالم العربى

المعز حمودة على كتب:

الاخ وليد لك التحية والتجلى الفتوى غريبة والموضوع تلاعب بالالفاظ والعبارات ليس الا فالطلاق هو الطلاق كما هو معروف

احييك المعز على المرور , اين انت يا شاب؟؟

طبعا انعقاد النية هو الاهم فى هذا الموضوع

طلحة عبدالحليم كتب:

ياود التلب سلام مصري اطرش داير اطلق اعمل شنو اهي اهي اهي

سلامات طلحــــــــــــة

والله موضوع الاطرق دا ضحكنى شديد ..!!

لكن الطرش دائما تفاتيح .. !! عليه ان يكتب لافتة كبيرة مكتوب عليها : انت طالق ..!!