توب الكرب الجابوه النقاده٠القنجه٠الفرده٠ابوقجيجه ٠ضلوع الدكاتره٠الدش٠الناله٠الهمر٠اسامي لبعض موضة الثوب السوداني الاصيل والذي يميز حواء السودان في بلد معروف واضح للعيان فهو جميل يتميز به السودانيات حيث لايخلو بيت سوداني منه بتشكيلتو الجميله المتعدده والوانه الزاهيه البراقه خاصه في الاعراس حيث تتنافس حواء في ظهورها والله يافلانه توبك اجنن حلاتك بت بلدي بالتوب

الاخ طلحة لك التحية
بتجيب لينا في الهوى مالك ياشاب
اسه يقوموا يقول ليك جيب وجيب
ولكن مع اطلالة هذا الصباح والناس لسه نايمين نديك لحن ابوعركي مع شاي الصباح

الأخ طلحة
الحبيب عادل
لكم التحية..

الثوب السوداني ..يعنى الأم .. الأخت .. الخالة العمة .. الحبيبة الزوجة ..
الثوب هو الموروث الأصيل الجميل .. يجب المحافظة عليه .. لأنه هو ارث ثقافي متوارث جيل بعد جيل ..

شفت الثوب .. ومالا قاني اجمل منو
بس الثوب .. وسيد التوث .. يكون كيفنو ( شوفو اصيل كيفنو )
ومن جاراتا .. قادلة حلاتا .. دخلت بيتا

ما اروعك .. عركي .. مبدع اصيل .. اصالة الثوب وجماله ..

عادل خياري كتب:

الاخ طلحة لك التحية
بتجيب لينا في الهوى مالك ياشاب
اسه يقوموا يقول ليك جيب وجيب
ولكن مع اطلالة هذا الصباح والناس لسه نايمين نديك لحن ابوعركي مع شاي الصباح

في هواء كمان عند اليانكي

لكم التحيه شباب
هناك منافسات للمراه السودانيه في هذا التوب الذي يميزها عن كثير من بنات( آدم ) وعلي سبيل المثال هناك المرأة الموريتانيه وهي أخطر المنافسن وكذلك المرأة التشاديه وقليل من نساء جنوب المملكة المغربيه ولكن ما يميز المرأة السودانيه أنه الزي رقم واحد ولا يوجد له منافس علي الرغم من ظهور العبايات والتي لا اعتقد انها منافس قوي.

[/center]

حقيقة التوب السودانى سيمة و قيمـــــــة و هوعلامة مميزة للمرأة السودانية

على مر الثقافات

وهو عنوان للزوق والجمال والاناقة والحشمة ..

وهو من الاشياء الجميلة التى يجب الحفاظ عليها ..

وهناك محاولات لتشويهه وافراغة من اهم ميزاته وهى الحشمة

حيث اطل علينا مايسمى مجازا بـــ( توب الربط )

والذى يجعل الفتاة او المراة فى موضع الكاسية العارية

حيث يشف كل ما تحته ويدعو للفته ويصيب صاحبته باللعنة

وهو توب ولكنه غير ساتر ولا محتشم بالمرة

ندعو الاخوات لمحاربتة والتمسك بالتوب الاصيل ..

ياطلحه دحين انت التياب القلت اساميها دي كلها اشتريتا
هههههههههههه
مافي زول بحفظ اسم الحاجه الا يكون دفع فيها قرش
هههههههههههههههه

انا غايتو اطلب من الاداره اغلاق البوست ده عشان ما يحفظوني الاسامي الغريبه دي
ههههههههههههههههه