الهلال والمريخ يضمهم فندق واحد فى مصر يتمرنون فى الصباح والمساء تمارين جرى وشد حبل وشدت الاستغماية والتيوة وشليل وين راح اكلو التمساح والجرى من الترعة للترعة( مصر فيها ترع) والدردقة والجرى بكراع واحدة وكله لاكتساب اللياقة البدنية وقد اخضعوا لنظام غذائى بلدى متين الفطور شربة كوارع بالاضلاف مع قليل من حبيبات ام فتفت مع فحل بصل وقرن شطة خضراء ورغيفة مصرية وليست سودانية وكوب عصير عرديب بالقضيم والحنبق والغداء ملاح شرموط اخدر وقرع اصفر وسلطة طماطم منزوعة اللبةمع كوب روب رايب قديم لزيادة الانزيمات الهاضمة للطعام مع ماء زير يلحم العشاء فول حبة غليظة مع جبنة قديمة صعيدى مع كباية شاى عقرب وهذا البرنامج الغزائى موصى به من الهيئة الغزائية العالمية (فاو) وقد امن عليه كل من الكوتشيين وسوف تبدا المباريات الاعدادية بالتدرج من فرق الدرجة السادسة وحوارى السيدة زينب ووعدة فرق من جبل المقطم للوقوف على مستوى الفرقتين ومدى الجاهزية للمعترك الافريقى وصرح الكابتن ابو جريشة ان الاعداد يسير على قدم وركبة وعرقوب وان مريخ 2011 وفرقة الاحلام الوردية قد وجدت رأس الخيط كما صرح المستر مشاميش ان طموحاتنا لا سقف لها وكل يأمل ويحلم بكاس خاصة جيران الوصيف الذين كلما تدخل معهم فى نقاش يقولك نحنا جايبين كاس الكاس دا انا مابتزكره بس سالت امى قالت لى امكن الزمن داك ما جينا من الربع؟

مصطفى البله على كتب:

الفطور شربة كوارع بالاضلاف مع قليل من حبيبات ام فتفت مع فحل بصل وقرن شطة خضراء ورغيفة مصرية وليست سودانية وكوب عصير عرديب بالقضيم والحنبق والغداء ملاح شرموط اخدر وقرع اصفر وسلطة طماطم منزوعة اللبةمع كوب روب رايب قديم لزيادة الانزيمات الهاضمة للطعام مع ماء زير يلحم العشاء فول حبة غليظة

يا مصطفى

كلامك دا انا شايفو وحــم بتاع مغتربين سااااااااااااااااااااااااااااى .. !!

اضرب البلد خليهم يرسلوا ليك كرتونة اللوازم الوحمية زى بتاعت طارق

لكن ما ينسوا ليك حجر الويكاب آب آب آب آب ............ !!!

[quote="مصطفى البله على" بس سالت امى قالت لى امكن الزمن داك ما جينا من الربع؟[/quote]

ههههههههههههههههههههههها .. خطير والله يا عم مصطفى ..
إنت مصطفى زيزو .. والله مصطفى الأغا ؟

الاخ وليد التلب لك التحية اى حاجة قلت عليها هنا موجودة الويكة والويكاب والكسرة بس انا ما قاعد اكل الحاجات دى عامل رجيم دايت كدا

حبيبى طارق شوية خطرفة كدا نسخن بيها العالم الرياضى لكن الظاهر عليهم كسلانين كتابة او الواحد يقرا الموضوع ويعمل نايم لك تحياتى ومبروك الظلط وعقبال دار الرياضة

يا ودالبله

اليومين دى الجرائد الرياضية نايمة نوم مافى اى احداث مثيرة عشان الدورى لسه
لذلك منتدى الرياضة ذاتو عندو نزلة برد ,,
كتاب الرياضة كلهم ركبوا التونسية ,, مافى صفرى وصفرك وكاسى وكاسك ,,
وكتاب الهلال عشان يسخنوا الاجواء شوية ,, الايام دى يتكلمو عن انتخابات مجلس الهلال
اللسه باقى ليها شهر .. والصراع بين البرير والارباب و الكاردينال ..!!
عشان كدا يا خوى ركز لينا فى القصص وحكاوى زمان ,, نحن ذاتنا زيك عايشين فى غربة وفاقدين ح ن ا ن .. !!!

انت يا وليد فى كسلا غربة برضو القصص خش على القسم فى واحدة جديدة لنج تسلم يا حبة الرياضة مافى رياضة بس فى مناكفات لا تودى لا تجيب

يا ود البله
أكيد أنت قاصد سيد اللبن
لأنو الزعيم في نعيم
والكوارع والحاجات دي حقت اصحاب الانسحابات والاضرابات والطعميه البايته
الزعماء جنبكم يلزم أي خدمه

تشكر يا حبيبى على المرور الجميل ويا الفى العصر مرورو والله لا فيها زعيم ولا زعامة زعيط ومعيط عندهم سباق حمير والناس تصفق اسمع جعجعة ولا ارى طحنا

يا ود البله

انتو براكم زعيط ومعيط وان شاء الله السنه دي المعط راجيكم (معط داخلي ومعط خارجي كله باسم الزعيم)
أخبار سادومبا شنو؟ لقي حق التذكره ولا لسع يجمع في القروش.
دعواتكم معاهوا (ربنا يسهلها)

يا صديق انت فاكر انو البدرى حا يسوى من الفسيخ شربات موسى الزومة اياهو الاشتر الدولى وهنو وياهو جنو وقلق وخلقتو الزى الشيطان الرجيم لاهو شبه كورة ولامكركر والطياشة محمداكم والوصافة حقت اهلى شندى قال زعيم قال زعيم على اتحاد مدنى ونعامة مع S FAN

وراجـــــــــــــــــــــــــــــــــــــــــــــــــــــــى جى جى جى ...... !!!

راجييييييييييييييييييييييييييي ميييييييييييييين؟

يا مصطفي

الحمد لله انك فاكر هنو
بقية العقد الفريد حسم آخر معركه مع الصفيرابي
يعني بدون واوا (حيخليكم بعدين تقولوا وآآآه وآآآه)
وبدون سكواها والذي (حيسويها فيكم)وبدون حضرتك يابيه.
يعني السنه دي لو ما شلنا كأس العالم (للمنتخبات الوطنيه) نكون صفيراب ساااااي

انتم يا صديق اخوى مريخكم بدون تخدير مزمل ابو القاسم اليومى صفر وماينس سكواها من فرنسا للمريخ سادومبا جا منو البرجا الوصافة السنة الله اعلم تلموا فيها الليقرا جرايد المريخ اقول جرايد ريال مدريد كل سنة مريخ 2011 نار منقد ومريخ السنة دى ومريخ سنة النجمة ام ضنب واحد

يا مصطفى بتعرف دخان الشرقية ؟؟؟

يا وليد دى تجارب ما زى تجارب المريخ السنة الفاتت وفريق الهلال كله فى النتخب ايه العظمة دى

ياصفراب سوف نجعل ايامكم تعاسه ونضربكم ضرب غرائب الابل _جيناكم ياحبايبنا بعد غربه _تحياتنا للناس الدخلوا الحوش ونحن غياب

مصطفى البله على كتب:

يا وليد دى تجارب ما زى تجارب المريخ السنة الفاتت وفريق الهلال كله فى النتخب ايه العظمة دى

تسلم ودالشريف وحمدلله على الظهور بعد غياب طويل , نرجو عدم تكراره مرة ثانية

يا ود البله التجارب ما عندنا فيها كلام , دخان الشرقية تجربة , ولخويا ام حكمين برررررررضو تجربة ,

وفريق الهلال كلو فى المنتخب , عشان كدا السودان احرز المركز قبل الطيش فى بطولة حوض النيل

منتخب كلو صفراب حا يجيب لينا أييييييييييه ..؟؟............................. إحتكاك كاك كاك كااااااك

ليك وحشه ياجاري وماداري (مابي الحيطه لكن جاري) تخلي لينا قنوبه درواب. غايتو السنه دي احسن تروح امريكا ،هسه انا قلت عادل خياري

أهلا بكل الأحباب
الصفوة يقعدوا علي اليمين والصفيراب خليكم واقفين
التعيس ليكم وخايب الرجاء كمان ليكم دا كلو عشان ما تزعلوا مننا واشربوا اللين قدام مع سيد اللين.
يا ناس المحليين منقوله علي ياتو قناه
يا بتاع كوره 2009 ان شاء الله يكون معاك خبر عشان ناس السودان قالوا حينقلوها ليهم علي البث الأرضي
ولكم تحياتي

تحياتي واشواقي الي كل اهل الهدي وان شاء الله تكونو بالف خير

الخال عثمان الشريف كيف احوالك واحوال الاسره الكبيره جدنا محمود والوالده والاخوان والاخوات ان شاء الله بخير )
وتحياتي الي كل الصفوه بالهدي وعاشقي الاحمر الوهاج
‏

صديق ياخوى انت شايت وين هذه الصفحة خاصة بالموضوع اعلاه السلام على خالك ود الشريف فى الصالون هنا تسلم على مصطفى البله فقط وتعلق على الطرح ولك التحية

يا مصطفي
صديق آدم صفوه خليهو يشوت زي ما هو عايز أن شاء الله يلعب جوز كمان

ياصديق يا صفوة ونشرب ان وردنا الماء صفوا ويشرب غيرنا كدرا وطينا انت صفوة وانتو البشيلو فوق الدبر وتركبو العرجا هيع صفوة مرت عليها كتاحة صفوة ب دغلوبا الصفوة ام ربوب

حباب صديق الاصيل.(ياود البله ابعد بعيد) كل الاهل بخير .امورك انت كيف .امنياتنا لك بالتوفق ويبعد عنك الحساد الصفراب وكل زول مابقول ماشاء الله

ود الشريف الحسادة لى شنو وعشان شنو؟

الحساده للمريخ المولع نار منقد دي داير درس عصر (احسن حاجه ياودالبله السنه دي ماتفكر تجي السودان)طبعا نحن قاعدين نفطر رمضان جنب بيتك

المريخ كل سنة مولع نار بعر بتهمد سريع وخصوصا مع الفرق المغمورة اقعد اسمعوا كلام مزمل مرة نار منقد ومرة نار بعربقر والسنة دى نار دفيس ما سمعت تعليق البدرى فى اللعيبة بتاعين المريخ

يا ودالبلـــــــــــــــــــــة

اسكت ساااااااااااااااى وروق فى علبك ,

الرجفة والجرسة خليها

عارفنك شفت جدول قرعة الممتاز وعرفت الحاصل

القمة فى الاسبوع التانى

ونشوف نار الدفيس منو

يا ود البله حمعه مباركه
اليوم مع السودان ضد محاربي الصحراء
وغدا مع الزعيم ضد كل من تسول له نفسه اللعب بالنار
وراجي راجيك
وسكواها ان شاء الله حيعملها فيك
واوا أه يا واوا

جمعة مباركة عليكم جميعا صديق خالد ووليد التلب ما دفعنى الى هذا القول هو ود الشريف القال المريخ نار منقد وهو ليس بكلامه وانما كلام مزمل ابو القاسمصدقنى كرهت الكورة كان المريخ غلب الهلال خلاص الحكاية شطبت مرة كده ومرة غير كده ولك التحية والتقدير