الاستاذ الخلوق صديق عبدالرحمن التلب يحزم حقـائبه هـذه الايام متوجها نحو مملكة آل سعود العربية ,
بعقد عمل هناك , ونسأل الله له التوفيق والسداد وان يطيب له المقام هناك ,
وانشاء الله رحلة مباركة وعودة مثقلة بكل ما هو جميل ومفرح , ونقول لك قول حبوباتنا انشاء الله تغيب وتجيب ... !!
وندعوك للتواصل عبر هذا المنتدى بعد الوصول بالسلامة والاستقرار ..

رحلة عمل سعيده للاستاذ صديق عبدالرحمن التلب
انشاء الله التواصل ما ينقطع ويالله ياجماعه نعمل شركيت انا بجيب الدقيق واحد يجيب الزيت والخميره ولمه حلوه كده يا راقين

تشكر ياوليد اكلنا الزلابية عبر الاثير
وياريت البوست دا اكان من بدري
اكان عملناهو مباشر
والناس تتواعد انها تتلاقي في زمن معين وتتخيل الباقي ونحنا نجغم في الشاي ياكل في الزلأبية
بالتوفيق استاذ صديق
وربنا اسهل لك الطريق
واصلو ماتشوف ضيق
والخير دائما ليك رفيق
يازول ياراقي ورقيق

صحبتك السلامه عزيزي وأستاذي صديق ع الرحمن التلب--
والله وحدوا بينا البارحونا وراحوا وشالوا من وادينا ----------------
و2000ريال اقصد 2000سلام

التحية للأخ وليد وانا هنا من داخل منزل الأستاذ صديق وهاهم الاهل والاحباب يودعون الأستاذ صديق ليبدأ هناك رحله جديده من الكفاح
نسأل الله العظيم رب العرش الكريم
ان يبارك له في هذا النقل وكما نسأل الله أن يديم عليه الصحه والعافيه ويعود سالما غانما لارض الوطن
ياعوض الزلابيه ضربناها وجغمنا الشاي ونسبة لضيق الزمن لم يسعنا ان نبرمج له قعدة منتدئيه( في ناس لغه عربيه هنا )
مشي ) والعزر لكل الأحباب _ تجوهو في العودة إنشاء الله

محمد الطيب ابراهيم كتب:

رحلة عمل سعيده للاستاذ صديق عبدالرحمن التلب
ياجماعه نعمل شركيت انا بجيب الدقيق واحد يجيب الزيت والخميره ولمه حلوه كده يا راقين

والله يا محمد طيب كلمة شركيت دى ما يفهمها ليك إلا طارق مامون المعتق .. !!

واحتمال لو قدمتوا ليهو الدعوة يجيكم بى كورة عكارة ولا بسكلة قاشيت .. !!

الزلابيه دى عندو ليها سنون ..؟؟

عوض خيارى كتب:

تشكر ياوليد اكلنا الزلابية عبر الاثير
وياريت البوست دا اكان من بدري
اكان عملناهو مباشر

يا عوض زلابية الاثير دى كلنا اكلناها وبالتاكيد هى ما زى بتاعت علاء الدين ,,, والباقى تميناهو خيال .. !!

محمد احمد الصادق المقبول كتب:

صحبتك السلامه عزيزي وأستاذي صديق ع الرحمن التلب--
والله وحدوا بينا البارحونا وراحوا وشالوا من وادينا ----------------
و2000ريال اقصد 2000سلام

نحييك على المرور زولى هوى زولى اللخـــدر كان شفتو بـخـــدر,,

علاءالدين الصديق الخليل كتب:

التحية للأخ وليد وانا هنا من داخل منزل الأستاذ صديق وهاهم الاهل والاحباب يودعون الأستاذ صديق ليبدأ هناك رحله جديده من الكفاح
نسأل الله العظيم رب العرش الكريم
ان يبارك له في هذا النقل وكما نسأل الله أن يديم عليه الصحه والعافيه ويعود سالما غانما لارض الوطن
ياعوض الزلابيه ضربناها وجغمنا الشاي ونسبة لضيق الزمن لم يسعنا ان نبرمج له قعدة منتدئيه( في ناس لغه عربيه هنا )
مشي ) والعزر لكل الأحباب _ تجوهو في العودة إنشاء الله

نحييك يا علاء وانت دائما تعودنا على النقل المباشر وتجعلنا فى عمق الحدث مع جغمات الشاى المقنن وقرمشة اللقيمات بى زيت صباح .. !!

بس ياريت لو كان شلت معاك الكاميرا وصورت لينا اللمــــــة الحلــــــــوة دى ,,

شكرا ابن عمى وليد
شكرا الغالى محمد الطيب
شكرا عزيزى اللخدر
شكرا الأخ الحبوب عوض خيارى
شكرا ابنى البار علاء شكرا لكم جميعا على المشاعر الطيبة
وإنشاء الله أكون معكم فى المنتدى على طول وخاصة هنا ما فى (مفراكة و لا .... )

وليد التلب كتب:

محمد الطيب ابراهيم كتب:

رحلة عمل سعيده للاستاذ صديق عبدالرحمن التلب
ياجماعه نعمل شركيت انا بجيب الدقيق واحد يجيب الزيت والخميره ولمه حلوه كده يا راقين

والله يا محمد طيب كلمة شركيت دى ما يفهمها ليك إلا طارق مامون المعتق .. !!

واحتمال لو قدمتوا ليهو الدعوة يجيكم بى كورة عكارة ولا بسكلة قاشيت .. !!

الزلابيه دى عندو ليها سنون ..؟؟

نرحب بالأخ صديق .. ونتمنى له طيب الإقامة في السعودية .. وللتواصل ارجع لبوست التعارف تجد رقم الإتصال الخاص بي .. لتقديم أي خدمة في الإستطاعة أن نقدمها لك .. حاضرين .. بي عكارتنا .. وقاشيتنا وسلطاتنا اما الزلابية ماعندنا ليها سنون لكن بنمصها سااي !!!

شكرا الأخ الأكرم طارق
على هذه الحفاوة والكرم الفياض ....
وهذا هو ديدنكم
‏ (لكن يا طارق عكارة البلد دى بدقيس و لا ب ود أحمد)
فلك الشكر أولا وثانيا و
...

صديق عبدالرحمن التلب كتب:

شكرا الأخ الأكرم طارق
على هذه الحفاوة والكرم الفياض ....
وهذا هو ديدنكم
‏ (لكن يا طارق عكارة البلد دى بدقيس و لا ب ود أحمد)
فلك الشكر أولا وثانيا و
...

لك التحية الأخ صديق ..
لا .. ود الفحل

الاخ صديق سلامات

أها طمئنا عليك وعلى اخبارك والشغل

وكيف لقيت عكارة السعودية والتى هى لا دقيس ولا وداحمد .. !!!

بالتوفيسق ونتمنى للأستاذ صديق اقامة طيبة وشركيت ود التلب ينمو الى شركات صديق التلب ونتمنى لك خم الريالات والدولارات والرجوع غانما ظافرا

سلام .. سلام
ابن عمى العزيز ب.م وليد
لى فترة بحاول أدخل على النت مش عارف ادخل كيف وما لاقى زول يفهم فى النت وخدماته وباقاته
الحين تو انا دخلت باجتهاد شخصى
الحمد لله استلمت العمل فى شركة عكاظ للتجارة والمقاولات فسم مصنع البلوك والخرسانة الجاهزة .
‏ تخياتى لكل أعضاء المنتدى وكل أهل الهدى

شكرا .. شكرا
العزيز صديق الماحى
‏ ربنا يستجيب دعواتكم لنا ولكم مثلها ولك الأحباب ... آمين