موظف يتقاضي الف جنيه المرتب زايد البدلات الايجار زايد الكهربا والماء والتلفون ٥٠٠ج علي اسوا الفروض اقساط المدارس والترحيل ٣٠٠ج باقي ٢٠٠ج الاكل العلاج فلان مات فلان عرس اختك اخوك في الجامعه اقرباك المحتاجين المواصلات الحنانه الاولاد عايزين شوكلاته وايسكريم الحاج والحاجه ياولدي المصاريف ياحاجه ناس المويه جو اصلو الشهر روح جري ٠اتزكرت نكته يابوي اديني قروش امش الحاوي ياولدي في حاوي اكتر من ابوك ولكن مامن دابه الا علي الله رزقها وماتخافو الارزاق بيده سبحانه كدي احسبوها معاي ياالله بتظبط

الف جنيه والله انت فى نعيم يا طلحة عبد الحليم

طلحة عبدالحليم كتب:

موظف يتقاضي الف جنيه المرتب زايد البدلات الايجار زايد الكهربا والماء والتلفون ٥٠٠ج علي اسوا الفروض اقساط المدارس والترحيل ٣٠٠ج باقي ٢٠٠ج الاكل العلاج فلان مات فلان عرس اختك اخوك في الجامعه اقرباك المحتاجين المواصلات الحنانه الاولاد عايزين شوكلاته وايسكريم الحاج والحاجه ياولدي المصاريف ياحاجه ناس المويه جو اصلو الشهر روح جري ٠اتزكرت نكته يابوي اديني قروش امش الحاوي ياولدي في حاوي اكتر من ابوك ولكن مامن دابه الا علي الله رزقها وماتخافو الارزاق بيده سبحانه كدي احسبوها معاي ياالله بتظبط

يا طلحـــــــة قول بسسسسم الله

كدى وانت بتشخبط فى الواطة وتقسم فى المر تب

وقبل ما تنساهو فى محلو وتمشى

اضف لقائمة المنصرفات : حق الصندوق الاخضر وحق النفرة ..... !!!

اوعك تحسبها بالارقام
دا مقطع من اغنية شايقية
ياحبوب
الملاحظ كمان إنو كلما
زاد المرتب بزيد سقف الصرف
يعنى البصرف 150 او 200
مابكون مضايق ذى سيد المليون؟

الأخ / طلحة
السلام عليكم
جيت فى الجرح وتعالوا نحسبها صح
انا اعتقد كل المشاريع الفاشلة سببها الرئيسى سؤ التخطيط وهذا يبدأ من البيت الى ادارة الدولة
وهنا فى مصر سبب تقدمهم هو هو ميزانية البيت
مافى حاجة اسمها صرف غير موزون واديك مثل
المصريين اى زول يتصرف على حسب مرتبه لا زيادة ولا نقصان
لو فى المواصلات اى زول يدفع لى نفسه فقط لأنه ما عندو ميزانية لدفع مليم زيادة مش جبن لكن هذه هى حساباته ولو ناقشته فى الموضع يقول لك لو دفعت ليك هسة بكرة امشى على رجلى ولا ايه

الأخ طلحه وكل الأخوه المتداخلين لكم التحيه
تحسبها صاح تطلع غلط
هذا حال السودانيين داخل وخارج البلد
هو في الأصل المرتب لا يكفي مهما كبر أو صغر لأننا في السودان الوضع الاجتماعي يختلف عن سائر شعوب الدنيا (مع وجود شيه واختلاف قليل هنا أو هناك) لأن بالسودان تكافل اجتماعي غير مسبوق فأنت لا تعمل لنفسك بل لغيرك وعندنا مثل يحث علي ذلك (الدابو وداب نفسه قصر في نفسه) وهذا المثل له مرامي كثيره بعضها دنيوي وبعضها ديني.
في السودان كل انسان تعرفه هو قريبك ويهمك أمره أ ي مناسبة فرح في الحله هي مناسبتك ولازم تشارك حتي لو كنت في القضارف ,أي عزاء هو يهمك لذلك يصعب الحساب من اصله وهذا هو سر بقاء انسان السودان في هذا الوضع الذي نراه.