[b]هو السودان هو المريخ الذين يقابل العطاء بمزيد من العطاء.
*مجلس المريخ وصفوة السودان لم ينسوا ما قدمه الفلته ايداهور طيلة مشواره الرياضي بالسودان فكان الوفاء لأهل العطاء.
*المريخ العظيم يصنع الفرح وسط عائلة الراحل ايداهور وهذه شيمة أهل المريخ.
*المريخ نجم السعد يجمع كل النيجيريين بالسودان ولسانه حاله يقول أشهدوا بأننا في السودان أهل وفاء وفي المريخ القلعة الحمراء سنظل نشتعل من أجل اراحة كل قادم لوطن الزعيم.
*اسرة الراحل ايداهور ستظل تحت رعاية مجلس المريخ ممثلا في الانسان السوداني الأصيل الخلوق ابن الجزيرة جزيرة الخير والوفاء والعطاء الدكتور جمال الوالي ووهو في الأصل جمال السودان.

انه المريخ لا عجب وكابتنه فيصل العجب

الوفاء يتجلى فى اسمى آياته فى هذا التكريم الرائع

لشخص غاب عن الدنيا .. وهو غريب الوجه واليد واللسان

الوفاء شيمة الاخيار .. والسودان زاخر بكرمه وعطاءه ووفاءه

والمريخ يجسد السودانوية واقعا

( لن ننســــــــــــاك يا إيداهـــــــــــور )

إنني انسى إنتمائي في مثل هذه الأمور .. وأسجل صوت شكر لإدارة المريخ على هذه اللفتة الإنسانية .. الرائعة في حق الراحل الكابتن إيداهور الذي كان قبل رحيله المفاجي رمز للعطاء والوفاء .. وانه سكب عرقه ومات في ارض الملعب .. لهم التحية

شكر باشمهندس وليد علي المرور والاضافة
وبالطبع هذه شيمة الأوفياء وهم الذين يردون الجميل لأجمل منه
والزعيم أعطي و ما بخل علي أسرة الراحل ايداهور
وسيكون ذلك شيمة أهل الزعيم مع كل من قدم له بتفان واخلاص
ولك تحياتي

الأخ العزيز ود المامون
تسجيلك صوت شكر لادارة المريخ هو دليل نقاوة قلبك وبالطبع هذه شيمة أهل السودان الأصيليين بمختلف ألوانهم
أنت صفوة ونجمه وسط بني زرقان وليس الصفوة هم محبي لزعيم فقط

يا ود المامون
التحيه لك وانت تمثل صفوة بني زرقان
وهذا هو طبع المخلصين والكرماء وانت بالتأكيد أولهم
والشكر لك علي وقفتك المعنويه مع من يكرمون أهل العطاء

مات اداهور وهو جندى من جنود المريخ والله عوضكم بواحد اشد منه عنده حساسية شديدة مع الشبكات الاوهو المدعو ساكواها الفلتة عبقرى الزمان الذى شات الكورة عاما عاما ودخلت زى النعامة وخلت ابدريشة يجرى وبطنه تنخج خج ماصدق والبدرى ينطط زى العبلانج والعجب عبد الرحمن عبد الرسول عايز يطير العوير اب حسن رايح الله اداكم الفى مرادكم وهو هزيمة الهلال وبعدها ويييييييييين الضحك ما يوديكم فى مشاكل

وفاز الزعيم وانتهت الحكايه وعم الهدوء مناطق بني زرقان ولن ننساك يا ايداهور ستظل في وجدانا متي ما تذكرنا المريخ إذآ سوف تظل في خاطرنا دوما لاننا لن ننسي المريخ يوما شكرا لك لانك اعطيتنا البسمه في يوم من الايام
وشكرآ اسره المريخ العظيم وهي تعكس صوره جميله عن السودان وسيظل المريخ والوالي سفراء للسودان
اخر الحكايه
شكرا ابوشنب

يا ود البله
رحل ايداهور وكنا نعتقد ان الافراح بالقلعة الحمراء قد رحلت ولكن زادت افراح المريخ بتوالي العلقات علي الهلال (ثنائية هنو وراجي) ومن ثم مسمار سكواها ولكن علي العموم الانتصار علي الهلال لا يعني الكثير لأن الهلال ما عندو حاجة السنة دي الله يرحم أيام الهلال.
المهم هو التصفيات الأفريقية والذهاب لأدوار متقدمة للفريقين.
وان شاء الله سيمون الضحك كثيرا هذا العام ونتمني أن تشاركونا الأفراح في القلعة الحمراء نهاية الموسم.

اخي صديق لك التحيه
والتهنئه لكل الصفوة بالانتصار المستحق علي الرغم من الاداء لم يكون المتوقع لأن الزعيم عودنا علي الأداء والنتيجه ونتمني أن يعوض الزعيم أنصاره بالأداء القوي والذي يدخل الطمانينة في النفس خاصة وان أمام الزعيم منافسات شرسة ولن تكون سهلة كمباريات الهلال والتي تعتبر مجرد تمرين خفيييف.

مساء الخير صديق خالد

لمحة وفاء اخرى يجسدها جمال الوالى فى ابهى واجل معانيها

وتدعوك للتحدث همساً مع النفس ,, من اى كوكب نزل هذا الملاك السامى

المفعم انسانية وخيرا جمال محمد عبدالله الوالى

وذلك بتبرعة بنفقات علاج كابتن الهلال السابق والمنتخب السودانى ( ودالجنيد )

والتكفل بسفرة وعلاجه بالخارج ....

الوالى يؤكد فعلاً لا قولاً ان الرياضة جسرا حقيقياً للتواصل وفضاءاً رحباً للانسانية

ولا مجال فيهو للتضييق والدخول فى ازقة الانتماء المتعصب ..

دمت جمالاً وفخراً للسودان ولكل للرياضيين

لك الشكر أخي وليد
علي هذه الاضافة الجميله من ملك الجمال جمال السودان
هو جمال بكل حق و حقيقة أدامه الله للسودان وحفظه للزعيم
ناس قريعتي راحت يتقاتلون من أجل يرأس الهلال
والجمال ينثر الجمال حتي علي الخصوم
لله درك يا والي

نشكر جمال الوالى تكفله بعلاج لاعب الهلال ود الجنيد رغم ان اقطاب الهلال تبرعوا لعلاجه برضو الشكر لجمال الوالى القروش قروش الشعب السودانى نشكره لاجر المناولة

يا ود البله
مرضانين تحننوا سليمين تجننوا
انتو ينطبق عليكم المثل رزيه ونطاحه
جمال الوالي هو ابن الشعب و فلوسه هي فلوس الشعب
اما ناس قريعتي راحت ما راضين يدفعوا حق السندوتش من مال الشعب
لله درك يا والي تنفق كمن لا يخشي الفقر