والله ياوليد الايام دى انا مامتابع اخبار الكورة والمباراة انا شفت الشوط الاول فقط مهتم جدا باخبار المعارك فى ليبيا وقلبى مع الثوار واليوم زعلان وزهجان حتى رفضت العداء للاخبار وسيطرت عصابة القذافى على المدن التى احتلها الثوار ومتابعهم على الفيس بوك ومشترك فى منتدى ليبى واكتب فيه حتى الدورى الاسبانى والايطالى ودورى الابطال لم اتفرج على اى مباراة منذ اندلعت المعارك فى ليبيا اتابع الاخبار على مدار الساعة

تعرف طبعا انا كنت فى ليبيا ولى اصدقاء وناس واصحاب واحباب واعرف طرابلس بيت بيت زنقة زنقة ودار دار وفرد فرد

مصطفى البله على كتب:

تعرف طبعا انا كنت فى ليبيا ولى اصدقاء وناس واصحاب واحباب واعرف طرابلس بيت بيت زنقة زنقة ودار دار وفرد فرد

يا ود البلة مساء الخير الكل تضامناً مع الشعب الليبى الشقيق وثورتة الظافرة بإذن الله ..!!

احد الخواجات الذين نتعامل معهم صاحب طرفة

سأل صديق كان معى فى المكتب عن ماذا يعمل ,, فقال صديقى : انه مترجم لدى احدى المنظمات

فقال له الخواجة بلكنة سودانية مكسرة وبطرافة : كيف تترجم كلام القذافى زنقة زنقة ؟؟

وليد انت الوحيد الذى اجده على طول معى معظم الناس الفى المنتدى يشترى نت ب الفين وعيييييييييييك تانى ما تلم فيه ادام الله التواصل بيننا اخى مرات انسى الكمبيوتر مفتوح على منتدى الهدى وما اتذكره الا اليوم التانى يعنى لو دخلت على المنتدى فى اى وقت تجدنى متصل زمان كنت بقرأ جرايد الرياضة هسى بقت السياسة والمنتدى كلما اعلق على اى موضوع القاك وراى على طول شكرا اخى على هذا التواصل شكرا يا باش مهندس

ود البلــــــــــــــــة ادام الله التواصل بيننا

وجزى الله خيرا من كان سبباً فى هذا الملتقى الذى جمع كل ابناء الهدى فى صحن واحد

نتفاكر ونتحاور ونتهاتر ونتشاكل وتفرقنا بمحبة انتماءات الرياضة ويجمعنا بود انتماء الهدى

خدمات وتنمية وزكريات جميلة تنكئ عليها لتنسيناعذابات الغربة المريرة ..

وحقنا يامصطفى بإنضمامك للمنتدى فقد اضفت نكهة خاصة له تجعلنا فى شوق لمداخلاتك

ومناكفاتك اللذيذة ..

خليك متواصل وما تبقى زى عوض الله أقل حاجة داير يعتصم .. !!

وان غبت فقد غابت عنا كثير من الابتسامات

وليد التلب كتب:

خليك متواصل وما تبقى زى عوض الله أقل حاجة داير يعتصم .. !!

وان غبت فقد غابت عنا كثير من الابتسامات

هوووووووووووى بطل كسير ؟؟؟؟؟ قرع
داير ودالبله اقبف من مناكفتو ليك
لانك انت ومن معك ما قدرتو عليهو
الجاب سيرة الكاشف منو

يا عوض نحن ما بنكسر قرع ولا بنعتصم فى ميدانو .. !!

نحن بنقفل الموسم بى نمرة (2 ) ونفتتحو بى نمرة (1 )

تدويرة بالنقرة وما بنقيف فى العالى وبعد داك نطلب دفرة .. !!

ومناكفات ودالبلة دى بهارات وتوابل الكورة .. !!

بس مرات بكتَر الشطة .. !!

إسسسسسسسسسسسـسسسسسسح

ياعوض صاحبك خليناه شويه قال الروب ومراعاه لظروف ليبيا نحن برضو مصدومين بمايجري بعد رحيل القذافي لنا معه سجال (ياود البله اشتراك النت بقي بالشهور مع تقديرنا لمن يستقطع جنهان ليتواصل في المنتدي) ان تاتي مره مره خير من الا تاتي مطلقا)وتبقي انت لك نكه خاصه

وليد التلب ياظريف ودمك خفيف اسأل ود الشريف الماسكاه ام فريحانة بالقوين الجابو سكسهاها لو لقيتو نايم حيكون مبتسم ويتمتم سكواااااااااااااهههههههههاها والله ياود الشريف تذكر لما كنت بتتفرتقوا انت وهاشم خالد وخالد عوض الله من النقاش معاى ومحمد البيطرى ود امدرمان بجرسكم كلكم يا وليد اسأل اى واحد مريريخابى فى الهدى كنت المتحدث الرسمى باسم الهلالاب فى الهدى ولا يجرأ اى واحد ان يخش معى فى نقاش رياضى بالدليل ومدعم بالصور

الكلام لوليد ماليك يا ود الشريف ما تقابض _ كثير من الهلالاب لما يخسروا مباراة لايدخلوا فى نقاش والواحد يكون متوتر واعصابه بايظة مصطفى البله لا ابدا بمجرد ما تنتهى المباراة اخرج للشارع للنقاش والسخرية وعندى سياسة الهجوم خير وسيلة للدفاع وتترك فرصة للخصم يشمت فيك ابدا كل من يجادلنى لا يستمر اكثر من دقيقتين ويهرب وبالتالى اشيع البهجة والامل فى الهلالاب التعساء ويتمسكون بالامل للمباراة القادمة