نهنئ جميع الرياضيين بالفوز الذى حققه المريخ فى اولى مبارياته الافريقية على انتركلوب الانجولى

بهدفين دون رد بتوقيع اللاعب النشيط محمد عثمان ( هنو ) والذهب الذى لا يصدأ المعتق ( فيصل العجب ) ...

نبارك الفوز لعشاق الاحمر الوهاج ونتمنى ان يحقق نتيجة مماثلة فى مباراة الاياب وهوبعيداً عن الديار ...

العجب كان فى الموعد والكبير كبير ...........

كما نتمنى فوز الهلال غدا على منافسه وكلنا نتوشح باللون الازرق من اجل السودان ......

الهلال السنة دي محلي بس وليس بمقدوره تخطي الدور الأول

ولا ما كدي يا ود البله؟


2000سلام

محمد احمد الصادق المقبول كتب:

الهلال السنة دي محلي بس وليس بمقدوره تخطي الدور الأول

ولا ما كدي يا ود البله؟


2000سلام

انا وابن عمى على الغريب ...

ولا ما كدا يا خدورى ؟؟

1000000000 مبروك للمريخاب....
سيد البلد موقعه من الاعراب وين يا اخوانا؟

نبارك لي كل الشعب السوداني واهل المريخ بصفة خاصه جدا والي كل مريخاب وصفوة الهدي الف مليار مبروك
العجب دا مفروض صورتو تكون في العمله الجديده لانه رمز من رموز الفخر وهو من يعطي البسمه لي كل الشعب السوداني
(وعقبال الجماعه الليله يفرحونا!!!!)
وربنا يدينا الفي مرادنا

أحر التهاني للصفوة ولأهل الرياضة عموما بمناسبة انتصار المارد الأحمر والذي حول مساء السودان الي وهج والي نهار أبهر الانظار.
هنو كان سيد الافتتاح المريخي وقد عملها من قبل ومن بعده كان القائد والزعيم والدرة والذهب الذي لا يصدي حيث كان العجب من العجب.
هدف العجب اسطوره يجب أن يدرس علي مستوي العالم ابتداءا بأمريكا الجنوبيه ومرورا بالشماليه واخيرا بالقاره العجوز.
دمت يا العجب ذخرا للسودان.
ضاعت الكثير من الاهداف والتي كانت كفيله بأن يؤدي المريخ مباراته القادمه بدون لاعبين تماما ولكن هو سؤ الطالع الذي لازم الزعماء وان شاء الله القادم أحلي.

الما عندو كبير يفتش ليهو كبير ،الله يجازي مازدا وهو يحرم السودان من غيثاره الفن الجميل .قلوبنا اليوم مع الهلال .ماراينه بالامس دي صعبه بالجد مافي حمام

مبروك عليكم الفوز الباهت والعجب اكد ان الشجر الكبار فيه الصمغ وان الدهن فى العتاقى اوعى حكاية النيجرى تتكرر تانى والى الامام والكفاح الاحمر مستمر

محمود رحمه كتب:

1000000000 مبروك للمريخاب....
سيد البلد موقعه من الاعراب وين يا اخوانا؟

الله يبارك فييك يا حووودة

لكن سيد اللبن حالتو اتحسنت بعد السهوكة

لما ليهو فى حمام كدا نساهو الاحزان شوية

الاخوه الصفوة

صديق وجميع مريخاب الهند ,, بى شاروخان ذاتوو ..

صديق وجميع مريخاب اليمن ,, المخزنين والغير مخزنين للقات ..

عثمان الشريف وكل مريخاب الداخل ..

نهنئكم جميعا بعودة الملك فيصل الذى اثبت لكل الحاقدين انه ثروة قومية وكنز يجب الحفاظ عليه

وبالامس تم استدعاؤه للمنتخب ..

وهل لمــــــــــازدا ان يستغنى عن هداف السودان الاول و قائد الطريق الى غانا ..؟؟

مصطفى البله على كتب:

مبروك عليكم الفوز الباهت والعجب اكد ان الشجر الكبار فيه الصمغ وان الدهن فى العتاقى اوعى حكاية النيجرى تتكرر تانى والى الامام والكفاح الاحمر مستمر

باهت مقبولة منكم .. !!

الظاهر مفعول حبة السكوهــــــــــــــــــة لسه معاكم ,, والطشاش حاصل .. !!

اخى وليد انت ما شايف صديق المقبول وود الشريف بكتبوا فى شنو ولا عين الرضا عن كل عيب كليلة وعين الرضا تبدى المساويا