االعم جاد الله رجل عركته السنين وتركت اثارها واضحة على معالمه النظارة السميكة وثقل الاطان الشديد كان يعمل خفيرا فى مشروع الجزيرة تنقل من قنطرة الى اخرى وكون علاقات وطيدة مع الناس حت اولاده تصاهروا مع اهل القرى التى كان بها واخيرا طابت له المقام فى قريته بشمال السودان ام وزين وصار قليل الحركة ملازم عنقريبه الهباب صباح ومساء فى الصباح يوضع له العنقريب تحت شجرة وارفة الظلال يشرب شاى الصباح بها والفطور والجبنة ويعزم هذا ويحلف على هاذاك وينادى بناته بصوت عالى يا نفيسة يا امنة جيبو الفطور الشاهى يا فاطمة وكل ما مر به احد حرم تجى انا حلفت تعال

ياود البشير ابوك بقى كويس ما قام على حيلو؟ امك جات من البلد ؟ سؤال فى طنب السؤال لايكل ويملي يحس بفراق يريد يملاه باى حاجة


وفى يوم من الايام كان هنالك تور ابزرد ل خلف الله ود جاه الرسول التور متورت من سنتين يعلق صباح ومساء ولايسرح ابد فى الضل تور يزن 400 كيلو هذا التور قطع الحبل وكسر الزريبه وصار يجرى فى ازقة الحلة وكتاحة وعجاجتو رابطة فى السماء والناس تفر من امامه كالجرزان والنساء تسمع الصياح وتغلق عليها الدار ولا احد يجرؤ على الامساك خطر داهم داهية تجرى وتبرطع على اربع كل الناس اخدوا ساتر الا الحاج جاد الله لا يدرى ويندن يا دمعة الشوق كبى ومرات الهبرو ملو وهو فى هذه الدندنة واذا بالثور يأخذ العنقريب بالفيه بقرنيه ويطيح به فى الهواء اربعة امتار ويسقط عم جاد الله مغشيا عليه لا يجبد ايد لا كراع تلاتة ايام فى المستشفى والناس متكسرة عليه وفى اليوم التالت صاح بصوط جهورى يا احمد يا على يا رزق الله يا وهب الله اولاده قالوا هذه فجة الموت ممكن الوصية وقال لهم والله لا اعفى عنكم دنيا ولا اخرة ان فتحتوا بلاغ فى سيد اللورى الضربنى دا

ههههه

لكن زولك من حقوا يقول لوري بعد وصفك لمنظر التور وهو جاري ,,,,,,,,اللوري ما كدا ....
دمت

ود البله ياممتع وينك وين قصصك
واصل ...

يا سلام يا ود البلـــــــــــــــه

ذكرتنا اهلنا ناس القناطر , والمكاتب , عمال المشروع

الذين مهما طالت فترة بقاءهم بالجزيرة إلا انهم دوما فى تحنانٍ لاهلهم فى الشمالية ..

حيث ينتهى بهم المقام وسط الاهل وهم فى دائرة فراغ لعدم التكيف معهم بفعل الغربة الطويلة ..

لكن خلف الله ودجاه الرسول دا اتلوم لوم شديد

التور لحدى ما بقى لورى داير بيهو شنو ؟؟ ما يبيعو للجزارين ..

الاخ عوض خيارى تحياتى لك ومشكور اخى على الصور

يا وليد وين انتى مدة طويلة مختفى مشيت الهدى اجازةعساك بخير وصحة جيدة مشتاقين ياخى اين ود الشريف

سلام ودالبله (موسي الزومه ده بخليهو زول يظهر )

اخى ود الشريف ولا يهمك الجايات اكتر من الرايحات والمريخ السنة بطل الدورى