بحمد الله وعون الشباب يريد اسقاط التصحر وتشجير المدينة تم انجاز الجزء الاكبر من المشروع والجائزة لحي التعاون والمهدية هذا في الوقت الراهن
ومازال العمل مستمرا حاليا في حي المستشفى والذي بدأ حفرا فرديا بقيادة هاشم خالد عوض الكريم والان تم الحفر الجماعي
على العموم نتمنى لبقية الشوارع في بقية الاحياء ان ترى التشجير قريبا وقريبا جدا وخصوصا الخريف على الابواب والذي نريده للشجر ولانريده للزلط حتى لايعيق العمل البطئ اصلا
ولنترككم مع الصور والتي نتمنى ان ترى ترجمة على الشريط بواسطة البيجو او كل من له علم بموقع تلك الصور

[img][ندعوك للتسجيل في المنتدى أو التعريف بنفسك لمعاينة هذه الصورة][/img]
النار تبدأ من مستصغر الشرر
خلي انا شجرة رمضان ده جاء فجأة لكن التاني باذنه تقيلوا تحت ضلي

[ندعوك للتسجيل في المنتدى أو التعريف بنفسك لمعاينة هذه الصورة]
كيف نمت من حبة وكيف ستصير شجرة ذات غصون نضرة انظر لتلك الشجرة
بعد الخريف

[ندعوك للتسجيل في المنتدى أو التعريف بنفسك لمعاينة هذه الصورة]
داري على شمعتك تقيد
شكرا ليكم عملتو لي ضرا وبردوا ليكم ضل كبيييييييييير ان شاءالله

[ندعوك للتسجيل في المنتدى أو التعريف بنفسك لمعاينة هذه الصورة]
ياحسبو في انتظار عينيك كملت الصبر كلو
شارع الجامع يشكو

[ندعوك للتسجيل في المنتدى أو التعريف بنفسك لمعاينة هذه الصورة]
ياجماعه جهزنا ليكم فطور بي بيض تعالوا احفروا بس

[ندعوك للتسجيل في المنتدى أو التعريف بنفسك لمعاينة هذه الصورة]
احزموني ولزموني وبعد داك اسالوني

[ندعوك للتسجيل في المنتدى أو التعريف بنفسك لمعاينة هذه الصورة]
ياعلاء الخليل الحفرة جااااااااااااهزة اغرس غرسك قبل ماتندفن

[ندعوك للتسجيل في المنتدى أو التعريف بنفسك لمعاينة هذه الصورة]
حفرنا وبنينا
جيبو الجاهزة جاي

[ندعوك للتسجيل في المنتدى أو التعريف بنفسك لمعاينة هذه الصورة]
ديييييييييييييييييييييييييييييييييييييييييييييييييييك شدرة
لكن بالغت ياعلاء الا تجيب لينا مكبر
وتقول يالحاق بعيد عشان نشوفها

[ندعوك للتسجيل في المنتدى أو التعريف بنفسك لمعاينة هذه الصورة]
ياعمك ماتخمنا ساي شغلك جدادة تنطو زيد ليك مدماكين تلاتة عشان نجيب ليك التالتة والتالتة واقفة على الهبشة جاااااااااااااهزة

[ندعوك للتسجيل في المنتدى أو التعريف بنفسك لمعاينة هذه الصورة]
كملوا الشارع كلو زي دة
ولومكم على افسحكم جنس فسحة الف بيكم الحلة دي بص سيرة بس
دة البص الواقف ده منتظر الشارع يتم يتكلم عن انجازات الشباب ويحفز

[ندعوك للتسجيل في المنتدى أو التعريف بنفسك لمعاينة هذه الصورة]
ياعوض الله ده شيتا قديم ماتخمنا
شدر كبار ماشاءالله

[ندعوك للتسجيل في المنتدى أو التعريف بنفسك لمعاينة هذه الصورة]
شباب تمام والله لكن
جهجهتوا الغنماية اسمع ام غُرة دي بتنادي في اختها
مييييييييييييغ ديل قفلوها علينا عديل كدة بعد ده الا نمشي نكابس فراشين العيش وياخُمشة خشم ياخُمشة صوط

[ندعوك للتسجيل في المنتدى أو التعريف بنفسك لمعاينة هذه الصورة]
ياحسبو الخزين
ماقلت بتجينا وتزورنا وتسعدنا يا امل الزمان

[ندعوك للتسجيل في المنتدى أو التعريف بنفسك لمعاينة هذه الصورة]
غنماية واولادها في نقاش مع صاحب الدار
نجدِع ولا نبلِع
مامعقولة ياخ شدرالشارع داك قفلتوه علينا وده قفلتوه
ماناكل شدر في البلد دي معاكم ولا شنو

[ندعوك للتسجيل في المنتدى أو التعريف بنفسك لمعاينة هذه الصورة]
اها ياجماعه السور بتاعنا اطول مني
باقي ليك في غنماية بتحصلها تاني

[ندعوك للتسجيل في المنتدى أو التعريف بنفسك لمعاينة هذه الصورة]
يابيجو الموية المجدعة في الشارع دي ساي مابتستاهل ليها منك كم شتلة كدة على الجنبات

[ندعوك للتسجيل في المنتدى أو التعريف بنفسك لمعاينة هذه الصورة]
ياريت لو كل الشغل منظم زي ده
حاجة تشرح الصدر

[ندعوك للتسجيل في المنتدى أو التعريف بنفسك لمعاينة هذه الصورة]
عين الحسود فيها عود
ماشاءالله وتبارك الله
وفي الختام نتمنى ان يكون الشغل زي دة
وجاهة وانترفيو

يابيجو وعوض الله بما انو انتو عارفين اخدتو الصور دي من ياتو شارع بالزبط وياتو حي
ياريت تشرحوا لينا بالعربي

لكم التحية والتقدير على هذا الجهد الجميل ..
ويالها من مناظر خلابة .. عشنا معها لحظة بلحظة .. شكرا على هذا النقل والتوثيق ..
ربنا يكلل مساعيكم بالنجاح ..
لكم التحية مجددا

شكرا سيادة الرئيس على المرور
ونحمد الله ان قيض لنا شباب بعملون في صمت وصبر لخدمة المنطقة
ومن هنا نشد على يد كل من ساهم ودعم هذا العمل ماديا او عمليا او بفكره ورايه
واذ نخص وليد بهذا البوست لانه اول من ساهم بفكره وقلمه وفتح بوست بهذا الموضوع
ولكننا لاننسى الجنود المجهولين والذين عملوا ومازالوا يعملون في صمت ميدانيا
اذكر منهم على سبيل المثال لا الحصر الاخ عوض الله والذي لم تلين له عرينة
والمساعد الهميم البيجو والشاب الذي تولى المهمه بهمة محمد صلاح عبدالسلام
ونشكر شكر خاص الاخ الياقوت والذي تبرع بالشتول وايصالها وتسليمها في الهدى
ولايفوتني ان اتقدم بالشكر لمولانا علاء عبدالرؤف السني لمتابعته ودعمه المادي السخي
والشاب الخلوق حسبو الخزين
وارجو من الاخوة عوض والبيجو المرور على هذا البوست لان هناك جند معهم في خندق واحد
حتى لانبخس الناس اشياؤهم نرجو ذكر محاسنهم وهم بيننا اعطونا ظلا ومن واجبنا ان نعطيهم حقهم

شرحت صدورنا الله يفرحك الصورة جميلة زانتها تعليقاتكم ألقاً ووهجا والشكر لك وكل شاب ببلدي أركزو وكل نساء الهدى وراكم وفي شمار حارقني كل ما أقول أصبر بكرة علاءالدين بنزلو مدقوق مغربل المهم علي كيفو أنا غلبني أسكت الشمار تكريم متفوقي مرحلة الأساس لوحة من الإبداع وميزه مشاركة 12 جمعية ومنظمة عمل طوعي بها أثنان للنساء كل عمل لانجاز مهامه كخلية النحل ورغم الأتربة الكثيفة حققنا هدفنا التحية لكل من ساهم في تكريم 70 طالب من أبنائنا درجاتهم فوق 225 الف الف مبروك

التحية ليك شخصيا اخت مسرة
ادخلت السرور في البلد بقدوم ذلك التيم الميداني والذي قام بتحليل التربة
ووضع التوصيات وذلك بفضل اهتمامك ومتابعتك
ونشكر لك احضارك لكمية مقدرة من الشتول
ومننا ياحضرة النائب ليك الف تحية

التحية ليك عادل خيارى على المجهود الرائع والروعه كانت فى التعليقات الطريفه واشكرك على اهتمامك بملف التشجير
واديك الجديد والله الناس بدت تتفاعل والصور الجديدة تتكلم براها
ح ارسلها ليك تنزلها

سلام حبيبنا ابووضاح تشكر على المرور
والقادم احلى خليك قريب وحرر الصفقة
بس ماتطلع زي صفقة البدري بتاع المريخ

سلام يابيجو
مازلنا منتظرين الصور الجديدة
والاخبار الجديدة
ومطلوب منك توثيق التخريج
وزيارة الوالي

كما افادت تقارير مؤكدة
ان شباب منظمة الامل الخيرية بحي المستشفى باشرت الحفر ووردم الحفر بالقريرة
نتمنى ان يكون هناك عمل حماية من الاغنام لنرى بعدها الشجر ترفرف اغصانه في ذلك الحي

و الله ياعادل جملت الموضوع و ما فعلت بحتاج قعده و كباية شاى
و من وين جبت كل الصور
ما سك لينا موضوع التوثيق زى سك شجر و ليد
لك حبى

شكرا اخي حسن حمدالله على المرور

اقتباس :

ما سك لينا موضوع التوثيق زى سك شجر و ليد

ماعندك اي مشكلة يادكتور بس همتك معانا نخلص من التشجير دة ونجيك بي هناك
شوف ناس حلتكم بي هناك خليهم يحفروا والتراب على جمعية الامل الخيرية والشجر كمان بس احفروا واعملوا التسوير

ابي فوق الشجرة
والله ياحاج تستحق كل التقدير بدون مجاملة
ياريت لو قعدت ليك كم يوم تاني تكش لينا الشباب ديل كان يبغروا منك ويعملوا زيك
الله يديك العافية
[ندعوك للتسجيل في المنتدى أو التعريف بنفسك لمعاينة هذه الصورة]

نقلة كبيرة في التشجير والتحية لكل القائمين بهذا الأمر من كل الأحياء
أرجو أن تنال المساجد حقها كاملا من التشجير ولا تضيع في زحمة الاهتمام بالشوارع

اخبار الشجر والتشجير
طولنا ماسمعنا لينا حس
الخبر شنو ؟؟
وله برضو قالوا ماعائزين شجر!!!

سيدي العزيز عادل خياري.

والله كما قال أحد المداخلين في إحدي المداخلات: حيرتنا عديل!.

ونحن نتساءل كما تساءل هو: من أين بهذه المعلومات التي لايستطيع من في الداخل متابعتها.

أهي من السي آي أيه، ولا من المتابعة عبر فكي سكايب!.

عموماً أشكرك علي النشاط الخلاق الذي ينم عن وعي وإدراك وملامسة لهموم أهل المنطقة.

أخيراً لك شكري ومحبتي.

الزبير.

الاخ صديق خالد
لك التحية
وتقبل الله منك العمرة
والصيام وحفظكم من مكروه حرب يمنية الى ان ترجع سالما غانما

اقتباس :

أرجو أن تنال المساجد حقها كاملا من التشجير ولا تضيع في زحمة الاهتمام بالشوارع

ناس الجامع والمدارس فك ليهم شيخ عماد بسكهم ليك في الجامع زاتو
لمن يجيب خبرهم بس ركز معانا في الشوارع دي وقرط على كدة
ان شاءالله تكون رجعت من السعودية بالسلامة ودعيت لينا معاك في العمرة

علاءالدين الصديق الخليل كتب:

التحية ليك عادل خيارى على المجهود الرائع والروعه كانت فى التعليقات الطريفه واشكرك على اهتمامك بملف التشجير
واديك الجديد والله الناس بدت تتفاعل والصور الجديدة تتكلم براها
ح ارسلها ليك تنزلها

ياجماعه البيجو ده نسوي فيه شنو للان منتظرين كلامو ده
يكون ده التخدير السياسي البقولوه

سلام ام ضحى

اقتباس :

اخبار الشجر والتشجير
طولنا ماسمعنا لينا حس
الخبر شنو ؟

ومعك نسال
يكون ياربي الناس دي ركلست في ضل الشدر دة وما ادونا خبر