الخبر مصدره جريدة الخرطوم عدد البوم 16/6
ياجماعه الخبر صاح ولا كلام جرايد

دشن امس مشروع القمر الصناعي (كيوبسات) التعليمي الذي نفذته مجموعة من شباب كلية الهندسة بجامعة الخرطوم بالتعاون مع مركز النيل للأبحاث التقنية بايدي سودانية شابة.وأوضحت مدير المشروع د. تهاني عطيه ان جامعة الخرطوم هي دائماً رائدة في البحث العلمي ومشروع القمر الصناعي البحث التعليمي (كيوبسات) يفتح الباب على مصراعيه لاقتحام مجال الفضاء والذي نأمل أن يعود بالفائدة امام مشاريع مستقبلية في هذا المجال.

لك التحية ابو الطيب

ونرسلها إعجابا وتقديرا لمجهودات هؤلاء الشباب الذين نتمنى أن يكون التقدم والسبيل الى الرقي والنهضة عبرهم .. وعبر إنجازهم العلمي لرفعة هذا الوطن وتقدمه ..وأن يفتحوا المجال للدخول الى عالم الفضاء الأرحب والأوسع .. و أليس بالعلم ترتقي الأمم ؟
أجدد لكم ولهم التحية ..

قمر صناعي وبس يا أبو الطيب
نحن بحمد الله حلينا مشاكل السودان علي الأرض والآن متوجهين لحل مشاكل الانسان في الفضاء
يعني أي طبق طائر أو ما طاير لازم نعرفه ونكتب عليهو ذكرياتنا عشان نثبت اننا رواد فضااااااء
أنت ما شقت كوارو المويه تحوم في شوارع الخرطوم
هذه الكوارو صممت لنقل مياه النيل للفضاء من أجل حل أزمة مياه الفضااااء
نحن بنصنع طائرات وهي جاهزه لارتياد الفضاء بجانب كارو الحمار
يعني الامريكان والروس أحسن مننا في شنو
في أمريكا في( ناسا) وفي السودان في ك(ناسا)
لك التحيه بس ما تصدق

سلام حبيبنا طارق
لك التحية وشكرا على المرور
نتمنى ان يكون الخبر حقيقة حتى وان جابه بعض المعوقات والتي حتما ستجد حلا
ان هم واصلوا في تلك التقنية ان تبدا صغيرا حتما ستكبر ولكن ان تخلد للياس فلن تصلل ابدا
على كل نتمنى ان يكون الخبر صحيحا
ونرساهل معك

اقتباس :

ونرسلها إعجابا وتقديرا لمجهودات هؤلاء الشباب الذين نتمنى أن يكون التقدم والسبيل الى الرقي والنهضة عبرهم

سلام ياحبيبنا صديق خالد
طمنا عليك على الدوام ان شاءالله تخت نقطة معناها انك كويس
بس اوع تقطع وياريت لو تكرمت تعمل لينا الو للشاب احمد الضؤ
احتمال تكون الكهرباء او النت مشكلة عندهم ناس الاقاليم ديل
طمنا عليه من خلالك حفظكم الله جميعا

اقتباس :

يعني الامريكان والروس أحسن مننا في شنو

ذكرتني الهادي محمد يحيي قال
انت ياعادل لو عايز تقارن قارن بدول زي تشاد وبوركينا فاسو ودول تعبانة كدى وبرضو ح تلقاهم احسن مننا
لكن ياصديق يجب ان تهتم الدولة بمشاريع التخرج للطلاب وتشجع الابداع والمدارس الفنية
وحتما عندنا الافذاذ ولكن عدم وجود الفرصة وعدم اهتماام الدولة يموت الابداع قبل ان يولد
وعايز اشوفك يابلادي تبقي زي مايريد فؤادي
وختاما تشكر على المرور

لك التحية يا عادل
نحن الحمد لله بخير والأخ أحمد بعيد عن الأحداث وقد اكتب في أيام قادمة عن شئ مما يحدث هنا.
بخصوص القمر الصناعي يا عادل أحسن نمد كرعينا علي قدر لحافنا أما بخصوص الأفذاذ فهم موجودون ولكن مكانهم ليس السودان فعندما يكونوا خارج السودان فقد يقدموا شئ يفيد العالم أما داخل السودان فلن يفيدوا أنفسهم أفما بالك غيرهم.