رمية وكسرة
المرة ولدها في العراق وضرب ليها تلفون ياحاجة مرسل ليك 200 دولار مع واحد صاحبي وكلمها بالاسم والعنوان وتاريخ الوصول
قومي انتي ياحاجة تنقش تنقش زي مابقول عبدالرحمن مدثر مشت للولد في بيتهم
سلام عليك ياولد انا ام فلان معاك هناك بتعرفوا
ايوا ياحاجة
اها ولدي قال مرسل معاك 400 دولار
ابدا ياحاجة والله العظيم 200 دولار بس
آي ياولدي عارفاهن بس بدور اثبتن باقي انتو ناس العراق ديل مامضمونين
شفتوا الحاجة طلعت تفتيحة كيف
مادفعني لتلك الاسطر ان الزيارات الاخيرة للهدى وعد المسؤلين بتنفيذ بعض الطلبات الخدمية
واتمنى ان نرفع سقف المطالب لاكبر قدر ممكن ونعلم كعلم تلك الحاجة لايمكن ان ناخذها كلها ولكن ان وصلنا الى الحد المعقول
نعلم ان هذا ما أرسله لنا ابننا من العراق بس نثبت انو عندنا حق
ونطالب بحقوقنا الخدمية وان لانركن لليأس وماضاع حق وراءه طالب
ورمضانكم كريم

رمضان كريم يا أبو الطيب
علي الرغم من أن مثلك يحاكي الواقع تماما لكن تحقيق تلك الوعود التي قرأناها علي صفحات المنتدي سوف لن يكون صعب المنال ان كان هناك أصحاب حاره وتهمهم مصلحة مدينتهم.
نتمني من الأحباب بالهدي وخاصة منتسبي المؤتمر الوطني أن يخرجوا لينا حقنا من المسؤلين ومن كل من فتح فاه متبرعا ان شاء الله بمكنة واااااااحده ناهيك عن تسوير للمستشفي أو صيانة عنابر أو غيره.

السلام عليكم ورمضان كريم
رمية جميلة بس وين البيمشي يجيب الحق

سلام يامُعمِر انت وجائي مشبع ايمانيات وروحانيات
تقبل الله منك وجعلك من عتقاء هذا الشهر
تشكر على مرورك بطعم التحليل الصاح

اقتباس :

سوف لن يكون صعب المنال ان كان هناك أصحاب حاره وتهمهم مصلحة مدينتهم.
نتمني من الأحباب بالهدي وخاصة منتسبي المؤتمر الوطني أن يخرجوا لينا حقنا من المسؤلين ومن كل من فتح فاه متبرعا ان شاء الله بمكنة واااااااحده ناهيك عن تسوير للمستشفي أو صيانة عنابر أو غيره.

وهذا ماعنيناه بهذا المقال
اها ياناس المؤتمر الزطني ورونا وقفتوا وين وبدينوا من وين اصلا والباقي كم من شنو
نقف معكم قلبا وقالبا لاجل الخدمات للمنطقة ونشد من ازركم لو طلعتوا لينا اي حاجة خدمية من الحكومة للمنطقة
نرجو كريم تفضلكم بالتوضيح يالماسكين ملفات البلد والصديق رماها ليكم في عِبكم عديل كدة
ودمتم

المعزاحمدالبشير كتب:

السلام عليكم ورمضان كريم
رمية جميلة بس وين البيمشي يجيب الحق

سلام المعز
سلام يغشاك ويبرد ليك نهار رمضان
ماضاع حق وراءه طالب
دايرين الشباب ينزل ميدان التحرير في الهدى ويطالب بالتغيير للاحسن ويمشي يجيب حقو