ماهى القراية ام دق؟
هى القراية ام عصاية ام صوط عنج
الفلقة والجلد فى الرجلين
وهو يوم التسميع
التسميع يوم مشهود ومجموع له التلاميذ
وكنا نخاف خوف شديد من التسميع حتى ولو كنت حافظ
حافظ ابراهيم صم
سوف ترتعب من الفكيه
وتطاير منك السورة ايد سبأ
لان زجرة واحدة كفيلة بأن تطير ابراج مخك
ابعد من كمل نومك
مرة احدنا وكان رابط الجِأش وكان
يدعى الشجاعة
وقال له الشيخ اقرأ يا فلان وبصوط عالى
اسمعنا سورة كذا من الاية كذا الى-----
ووقف صاحبنا وعدل جلابيته ام لياقة
وقال له الفكيه اقرأ وانت جالس وجلس وتحكر
وتننحنح ومطا شفتيه ولو بوزه
بسم الله الرحمن الرحيم
وصار يكرر البسملة مرات ومرات
واخيرا قال ياسيدنا - انا ماحافظ
والقراية ام دق تقال لكل من يشاتر فى شىء
لايقوى عليه يقال له ياخوى مالك ومال القراية ام دق
يحكى فى قديم الزمان وسالف العصر والاوان
ان فارا كان يسكن فى مسيد 0
اى خلوة وكان بالخلوة حجر للتيمم فى الشتاء القارص لاصحاب الاعذار
يسمى حجر المثنى
كان من يأتى ويتيمم يكون اكل
لحما محمرن او كوارع
او حتى كمونية
ويترك الريحة على الحجر بعد التيمم
ويأتى ذلكم الفار ويلحس ماعلق بالمثنىمن رائحة اللحم
والكباب وكان سعيدا
ويوم من ايام الليالى الباردة دخل عليه فارا تبدو على محياه حياة
االدعة والرفاهية
وسلم عليه سلامات سلامات وقال ياخونا ساكن هنا عندك شنو
انت مسكين ياخوى تعال معاى انا ساكن فى مخزن
ملىء بخيرات الدنيا
من بلح وبسكويت وطحينية وزيوت تشرب
منها مالذ وطاب عصارة ومصنع
وخيرات الدنيا
فاقتنع صاحبنا وذهب مه ودخلا بجحر ضيق وهنالك وجد امامه
كديسا نمريا عيناه تقدح شررا
وخلفه كديسا اسود مثل الليل البهيم وكدايس بجميع الجهات
وخاف صاحبنا وهرب بسرعة الى المسيد
وثانى يوم جاءه صاحبه وساله لماذا هربت
فقال له لا لا لا
الحس مثنى وارقد متهنى
اى مالى ومال القراية ام دق

سلام ودالبلة يارهيب وياتفتيحة
وارهب من الفار زاتو
مررنا للتحية ومارقين باقي ياخوي جابت ليها صوت الامة ولا صوت امريكا ماعارف
ومع السيطان دي نمشي ندبل نلبس لينا كركاسة ونجيكم راجعبن
باقي نحن ماحافظين

تشكر عدولى انت الوحيد الذى يشجع على الكتاية

لك التحيه ودالبله نوارة وريحانة ونكهة منتدانا فانت باختفاءك يعم الظلام المنتدي وبظهورك يشع النور داخل المنتدي ولكن اصبحت تختفي فجاءه ارجوك لاتحرمنا من قفشاتك وظهورك الدائم لان لديك الكثير لم تبوح به حتي الان ربنا يديك طولت العمر وتتحفنا بروائعك ودمت في امان الله

هسة يا ود البلة القراية بقت كمبيوتر
لا دق ولا يحزنون

اها ياودالبلة
والفار رجع المخزن تاني ولامارجع

ههههههههههههههههههههه يوم التسميع ده انا كنت بشيل دفتر العياده