رفع طالب يده استاذ : انت معين؟
قلت له: لا مربع...!
استاذ طيب بدرسنا شنو ؟
قلت له : بدرسكم الحاجه الماعندكم (حيث كانت الحصه ادب)
- طيب كنت بدرس شنو ؟
- كنت بدرس طلاب
- لا انا قصدي ما (ولم ادعه يكمل )فقلت له : انت قصدك دفعتو ؟
فقال الطالب بخفة دم انت يا استاذ قصدك معاي شنو؟
قلت له: الاول والثاني ؟!
فاقم طالب اخر : استاذ نحن جبنا (فلم ادعه يكمل ) فقلت : له نحن طعميه .
وقال اخر انت اسمك منو؟
قلت له : عرفتني كيف !
فقال خلاص انا اسمي نجيب
قلت له : نجيب طماطم !
وقال اخر : شكلك كده بدرس احياء
قلت له والله ما اظن...!
وضج الفصل...يعني نحنا اموات...وصاح طالب استاذ...استاذ اجيب السوط
قلت له : جيب النبله
وقال طالب : يعني نحنا طيور ؟!
والفصل (جاط )...!
وقام اخر قالئا : استاذ عاين ديلك لابدين
قلت له : لابدين ولا لاب كيمياء !
قوم يا لابدين بتقولو في شنو ؟
استاذ كنا بنتحدث عن الحلبه وفوائدها
ضحك طالب وقال : انتو دايرين تعملو مديده
فردو عليه : نحن بتكلم عن الحلبه كنبات
قلت له : كنبات ولا كراسي .
قام اخر ثم قال : استاذ الطالب ده بذات مايتكلم معاي
قلت له : بذات دى يا بني جمع بذه
قام اخر : استاذ قرصتني نملا
قلت له : نملا ولا نفضي
وقال اخر : استاذ امبارح نمت خلت رقبتي معسا
قلت له : معسه ولا مع الوطه
وضج القصل بالضحك ....وقال طالب دقهم يا استاذ
قلت له : انا يا بني طيب جدا الجرس ما بدقو
خلاص يا طلاب نرجع لحصتنا

                                                                                  

تضحك الدنيا وتطير....يادكتورصلاح

الجو في الهدي جمييييييييييييييييييييييل يخلي الواحد يضحك براهو
الحمد لله الذي وهب لنا نعمة الضحك و كيف انتو في عاصمة الكباب ؟؟

والله هنا في الخرطوم سخانه يادكتور تبكي بس ...ربنا افرغ علينا صبرا

صبرا جميلا هي يكا