يوم الثلاثاء سمحت للظروف بان اكحل عيونى بنور الهدى .. وافطر هناك وسط الحبان

ياسلام على الهدى بالليل .. جو ليلكى .. ومرتبه لو طلعتها من بدرى بتكون غلطان لانها ستجدها مشبعه

بالبروده الاقرب لتحولها لمويه ساااااااقطه ..

الهدى جميله بالليل .. بالرغم من حظر التجول .. لكن مرات التمرد وخميج الطين فيه مافيه من المتعه

اها فطرنا بباميه مفروكه ياسلاااااااام

وقبلها كدا مع صافره البدايه كانت النشيه البتقول ليك كلام داففففففففى ومزاق شاااافى .. وحنين كااااافى

دا كلو كووووووم

ولمممممه الحبان كووووم تانى

الضرا احتمال نحن نكون فقدنا الحاجه دى فى العاصمه لانها فقدت معناها طالما كنت تخرج امام باب بيتك

وتقوم بصينيتك براااااك .. مع تعدد الثقافات فى العاصمه .. كدى النحكى ليكم دى

عندنا اهلنا هناك فى طيبه الحسناب .. الصادق ابوشنب زول كرم .. بتاع قدح يكفى الضيف اها قال لى جنبنا ناس

من الشماليه تقريبا .. محس تقريبا .. اها اول يوم فى رمضان طلعوا ناس الشارع كولهم ... قال لى نحن معانا ناس خضر كلهم

طلعنا بقدااااحه حدادى مدادى .. اها جيرانا طلعوا بحاجات كدا خوازيق كدا ماعرفنالها شى .. ومعاها عنب وبعض الفواكه

اها هم ماقدرو ياكلو من قدحنا

ونحن ماقدرنا نتماشى مع عنبهم وحاجاتهم

عندها طوالى وقف ابوشنب على حيلو

وقال ليهم والله ياجماعه نحن عافين ليكم ممكن تفطروا جوووه بيوتكم سااااى اذا انتو مابتقدروا تاكلو اكلنا

ونحن برضو ماقادرين على حاجاتكم ... ونقصت الللمه بيت .. بيت وكارا

تعرف يا أخ عبدالرحمن ، نحن كلنا حكاية الطلعة برا دى كاسرة فينا ضلعة ولن نشعر بالإستمتاع الطلق إلا معها مهما كانت بساطة الأكل وأنواعه ،ولكن شئنا أم أبينا يبدو أنها بدأت تسرع الخطى نحو الزوال ومعها حاجات تانية قيمية كثييييرة ،لذلك يجب علينا المساهمة فى عملية التلقيح التى تحفظ وجود قيمنا ولو بصور مختلفة عن ما كانت عليه،وذلك بتطبيق ظاهرة قدر ظروفك بنكهة فيها مزج الموروث مع المعاصر ،دون حرج ،حتى نخرج من دهليز التصالح مع النفس بسلام ،لأن نفوسنا الآن تحن الى الماضى وهى تعلم أن واقعها ما عاد يناسبه ،وتنغمس مستمتعة بتقنية العصر وهى تخشى الإستلاب ،لذلك نحن فى حاجة لحل وسط معها - النفس - لكى تعيش متصالحة مع الحاضر بنكهة الماضى - نكهة فقط - وليس فرجخة و قرش عضام ،والحاجة للشباب وحراكهم فى هذا المزج ...لا غنى عنها،تحياتى لكم جميعا مع رمضان وتقبل الله منا ومنكم فقد هيجتم فينا ذكرى الهدى وجمالها الطبيعى فى شتى صوره، وإن شاء الله نلفى لينا معاكم خم رماد قبل أن يتمكن عصر النهضة الذى لازالت معالمه غير واضحة

ماتهتموا للايام طبيعة الدنيا زو الموج تشيل وتودى
شيعود الماضى بي حلاوته ونقاوته لوكو الصبر

نتمني أن لا تنقرض بعض عاداتنا الطيبة والتي هي ماركة مسجلة باسمنا
رمضان في السودان غير رمضان في اي مكان
اذكر قبل ثلاثة اعوام كنا في طريقنا لليمن في تاسع يوم من رمضان
السفرية قبل الافطار بقليل
ونحن في طريقنا للمطار وقبل الوصول اليه قدم لنا البلح والماء البار في الشارع
وعند وصولنا للمطار اذن المغرب ولقينا احد كرماء البلد أحضر فطورا كاملا وفطر تقريبا كل الناس سوداني وغير سوداني وباقي الاكل رجع
هذا هو السودان في رمضان وغيره وكمان في العاصمة ناهيك عن الطرق السريعة
نتمني أن تبقي العادات الحلوة رغم تغير الظروف كما ذكر الاخ محمد احمد الياس
وآه من رمضان في الهدي

الاحباب ودالياس

ودالماحى

ودعوض الكريم .. طلتكم فرحه .. وكلامكم طاعم بالحيل

اها النتم ليكم الردحى دا ..

يوم الاربعاء بالصباح كدا قلت قبل اسافر الخرطوم النقوم اغشى المدارس ونقيف على واقع الحال

ونشوف النفره وصلت وين ... فبدات بمدراس البنات للاساس وختمتها بالبنين وبعدها غادرت الهدى

والحسره تسكن فى الدواخل والعيون ...


* اضاءات من جوه الجوووه (مدارس الاساس )


* هناك فصلين رايت اثار النعمه (الكمر ) ظاهره عليهم فى انتظار تكمله السقف فى سباق مع الزمن

والظروف .. وفى افادات للاستاذه (سينيا ) اكدت بان الاحوال تمام التمام .. لكن الصوره التى نقلتها

تؤكد بان المدارس محتاجه الكثير .. الكثير ..


مااحزننى حقا انه ناس الهدى بالداخل مفروض يعسكروا فى المدارس من اجل انتفاضه زى انتفاضه ميدان

التحرير .. وغضبه ثوار الساحه الخضراء ... هناك خطط اسكانيه .. هناك قطع توزع وتباع الاولى بها ان

توجه للمدارس (ولا شنو ياجماعه )


* المدرسه واحد ومديرتها الاستاذه اميره .. احسن حالا ... بالرغم من تاكيدها على حوجتها لبعض التشطيبات

خصوصا الفصول الاخيره المرتبطه بالثانويه بنات


* مدرسه (أ) ومديرها الاستاذ الهادى عبدالرحمن صاحب المجهودات المقدره جلست معه فى مكتبه الذى انهار

سقفه .. وقال لى انه لو كان فى سخانه شويه بس المكتب مابتقعد من ريحه (ابوالرقيع )


* بلدنا دى محتاااااااجه لترقيع كتير خلاس ياحبااااااااااااان

* بعدها توقفت كثيرا عند مدرسه استاذه عواطف .. ومكتب سغير وقصير بداخله اربعه من المعلمات

الجليلات .. وهناك مرق مكسور .. ومرق تانى بشاور فى الجنبو (على وشك ) بس كتلتو الحنيه على الحال

المايل اصلا


* الفصول حدث ولا حرج .. دخلت مع الاستاذ الهادى والاستاذه عواطف كم فصل اثناء الحصه ورايت

العجب العجاب ..






النفره يااحباب تحتاج الى مجهود اكثر من التبرعات

تحتاج لضمير حى .. لوعى الهدى من خلال ناسها باهميه المدارس وترقيتها















اخر الحكى


وانا طالع من المدرسه (ب) رايت تجمهرا فى المجلس هناك .. واصوات تعلو وتهبط

فسالت بعفويه ... ياجماعه الخير فى شنو هناااااااااااااك

فعلمت انها حرب اللجان ...(الم اقل لكم اننا نحتاج الى وعى اولا )

علمت ان لجنه حى البان بها خلافات كثيره .. والمؤسف حقا انها تحولت من خلافات فكريه .. وخلافات

فى كيفيه تقديم الافضل من خلال برنامج او اعدادات .. تحول الحال الى تكتلات جهويه .. وقبيلتى وقبيلتك

اظننا عدنا الى زمن الجاهليه الاولى



ودعت الهدى .. ومدارسها تبكى

ومدارسها تستنجد ... وااااااااااااا معتصماه




ودعت الهدى ... ومفاهيم مغلوطه تطفو على السطح بفعل حرب نجوم اللجان الجديده التى لاااعرف الى اين

تقود بلدنا

تلحيقه :

عندى صور فى الموبايل بعمل ليها اجتهادات و مجازفات كدا وبنكمل بيها الصوره

عبد الرحمن الله افتح عليك دنيا وأخرة
عليك الله البيئة الشفتها دى تصلح
للتحصيل الاكاديمى
يعنى بتل ديل بجو الثانوى حدث ولاحرج
نضم صوتا ليك النفرة النفرات الا ان نرى
مدارس الهدى وهى تسر الناظرين
وتُفرح هدى المتقين .

عبدالرحمن مدثر كتب:

الاحباب ودالياس

ودالماحى

ودعوض الكريم .. طلتكم فرحه .. وكلامكم طاعم بالحيل

اها النتم ليكم الردحى دا ..

يوم الاربعاء بالصباح كدا قلت قبل اسافر الخرطوم النقوم اغشى المدارس ونقيف على واقع الحال

ونشوف النفره وصلت وين ... فبدات بمدراس البنات للاساس وختمتها بالبنين وبعدها غادرت الهدى

والحسره تسكن فى الدواخل والعيون ...


* اضاءات من جوه الجوووه (مدارس الاساس )


* هناك فصلين رايت اثار النعمه (الكمر ) ظاهره عليهم فى انتظار تكمله السقف فى سباق مع الزمن

والظروف .. وفى افادات للاستاذه (سينيا ) اكدت بان الاحوال تمام التمام .. لكن الصوره التى نقلتها

تؤكد بان المدارس محتاجه الكثير .. الكثير ..


مااحزننى حقا انه ناس الهدى بالداخل مفروض يعسكروا فى المدارس من اجل انتفاضه زى انتفاضه ميدان

التحرير .. وغضبه ثوار الساحه الخضراء ... هناك خطط اسكانيه .. هناك قطع توزع وتباع الاولى بها ان

توجه للمدارس (ولا شنو ياجماعه )


* المدرسه واحد ومديرتها الاستاذه اميره .. احسن حالا ... بالرغم من تاكيدها على حوجتها لبعض التشطيبات

خصوصا الفصول الاخيره المرتبطه بالثانويه بنات


* مدرسه (أ) ومديرها الاستاذ الهادى عبدالرحمن صاحب المجهودات المقدره جلست معه فى مكتبه الذى انهار

سقفه .. وقال لى انه لو كان فى سخانه شويه بس المكتب مابتقعد من ريحه (ابوالرقيع )


* بلدنا دى محتاااااااجه لترقيع كتير خلاس ياحبااااااااااااان

* بعدها توقفت كثيرا عند مدرسه استاذه عواطف .. ومكتب سغير وقصير بداخله اربعه من المعلمات

الجليلات .. وهناك مرق مكسور .. ومرق تانى بشاور فى الجنبو (على وشك ) بس كتلتو الحنيه على الحال

المايل اصلا


* الفصول حدث ولا حرج .. دخلت مع الاستاذ الهادى والاستاذه عواطف كم فصل اثناء الحصه ورايت

العجب العجاب ..






النفره يااحباب تحتاج الى مجهود اكثر من التبرعات

تحتاج لضمير حى .. لوعى الهدى من خلال ناسها باهميه المدارس وترقيتها















اخر الحكى


وانا طالع من المدرسه (ب) رايت تجمهرا فى المجلس هناك .. واصوات تعلو وتهبط

فسالت بعفويه ... ياجماعه الخير فى شنو هناااااااااااااك

فعلمت انها حرب اللجان ...(الم اقل لكم اننا نحتاج الى وعى اولا )

علمت ان لجنه حى البان بها خلافات كثيره .. والمؤسف حقا انها تحولت من خلافات فكريه .. وخلافات

فى كيفيه تقديم الافضل من خلال برنامج او اعدادات .. تحول الحال الى تكتلات جهويه .. وقبيلتى وقبيلتك

اظننا عدنا الى زمن الجاهليه الاولى



ودعت الهدى .. ومدارسها تبكى

ومدارسها تستنجد ... وااااااااااااا معتصماه




ودعت الهدى ... ومفاهيم مغلوطه تطفو على السطح بفعل حرب نجوم اللجان الجديده التى لاااعرف الى اين

تقود بلدنا

لك التحية الحبيب عبدالرحمن
حزن كبير .. وألم أكبر قبالة العيــد
وهي مرثية وبكائية .. على الهدى التى كانت ..
هل الوعي يشتري ؟..
هنالك كثير من المفاهيم يجب أن تتغيير .. يجب تصحيحها
ونتمنى أن يكون المنتدى .. هو نواة التصحيح والتغيير
المطلوب في الهم العام تضافر كل الجهود ..