يا طير .. يا مشــي لي أهلــــنا
بســــارع وصــــل رسائلنـــــا ..

والشـــوق لاتنســـــى يا طائـــــر
لكل البســــألك مـــــنـــا .....

الاخ : طرق
قال الشايقى :
رمال حلتنا زولاً كان بانسك يا حليلو
راح من بلدوا روح و الله روح راحلوا لى بلداً مها هيلو
رمال تبكى و تعاين تبكى منو و تشتكيلو

د.حسن حمدالله عبدالله كتب:

الاخ : طرق
قال الشايقى :
رمال حلتنا زولاً كان بانسك يا حليلو
راح من بلدوا روح و الله روح راحلوا لى بلداً مها هيلو
رمال تبكى و تعاين تبكى منو و تشتكيلو

لك التحية الدكتور حسن

تشكر على المرور والإضافة .. الحنين الى الوطن .. فيه كثير من الشجـــــن

بأسمك تغنى السواقــي
بيوت الطواقـــــــــــــــى
كلام التلاقـــــــــــــــــــي
ودموع الفـــــــــــــراق ..
بحبك حقيقـــــــة .. وبحبك مجــــاز

و ابدع فى
حضرة جلالك يطيب الجلوس مهذب امامك يكون الكلام
وابدع فى
الحزن القديم :
طبعاً يا ود المامون الحزن القديم تم تسجيلها بطريقتين
الاولى : الطريقة القصيرة
الثانية : شريط كامل ساعة ونصف على طريقة ام كلثوم
بالله كان عندك سمعنا مرة

الشاعر المتفرد اسحق الحلنقي يشدو
هجرت عصافير الخريف في موسم الشوق الحلو
هيج رحيلا مع الغروب احساس غلبني اتحملو
وكتمت اشواق الحنين داير الدموع يتقلو
و رجعت خليت الدموع ينسابو مني و ينزلو

وعارف ده ما اول سفر لبلاد بعيده بدون متاع
زي مابتخافي من الرياح بنخاف كمان نحنا الضياع.

الشاعر المتميز حسين بازرعة من جدة يكتب
كل طائر مرتحل عبر البحر قاصد الاهل
حملتو اشواقي الدفينه
ليك يا حبيبي للوطن لترابو للدار الحنينة

اسماعيل حسن القامة يكتب
يا طير يا طاير من بعيد و صل رسائل
لي حبيبي تحمل الشوق و الحنان
الى ان يقول
لو تعب منك حناح في السرعة زيد

الاخ طارق لك التحية وانت تنثر الدرر على المنتدى دون كلل او ملل
اغنية يا طير يا ماشي لاهلنا ديي حقت الفنان المتميز صالح الضي
الحنية و الحنين الظاهرة في الاغنية سمه مصاحبه لاهل كردفان التي ولد و عاش فيها بدايات حياته
ودرس الموسيقى بمصر مما انعكس تجويداً لادائه، وهو شاعر كتب معظم اغانيه و لحن بنفسه كل اغانيه.
غنى من اشعاره
بتتغير نقول ما انت نحنا كمان بنتغير
وزي ما عيونك الحلوين بتتحير نحنا كمان بنتحير

وكتب و غنى
يا جميل يا حلو الدم الشربات مكملو
في الغرام مين بشغلو يا قلبي حاول و اسالو

وكتب و غنى
ان قلت و الله بحبوني يزداد دلالم و ينسوني
وان قلت خليتو هواهم يحيو الهوى و يلوموني
عملت ايه يا ناس فيكم ذاد همي حيرتوني.

وكتب و غنى
اوعك تخلف الميعاد وانت عارف شوقي كم
اوعك تخلف الميعاد و تسبب لي الالم
بستناك وقلبي خافق في لحظات العشم

وكتب و غنى
يوم سافر قطارك جاني الخبر عشية
عزوني العوازل وما نامت عينيه
ايه ذنبي الجنيتو هل في الحب جنيه

و غنى للحلنقي
عيش معاي الحب عيش معاي حناني
خليني انسى سنين عشتهم وحداني
ايه يضرك تسال يوم علي يا غالي
وانت وحدك عارف همي عارف حالي

وغنى لابو امنه حامد ( ما ناسك)
لو بتلقى زول يحبك زينا
زول يشيلك في عينو
وفي ضلوعو وفي دموعو
في ابتسامتو و هناهو في شجونو

لوتحس دقات قلوبنا كان بكالك كان شكالك
نحنا ما ناسك
انت ما علمتنا الحب بسمة صافية
فيها عزة وفيها بهجة بتستجير بعاطفة دافئة

تخريمة
زمن رسائل الجوالات دة ما خلا اكل عيش للطير عشان توصل رسائل. عشان كده لا نجد قصائد فيها لهفة و شوق و انتظار رسائل بالشهور.

الاخ الهادى :
كلامك جميل و حلو
و تانى مافى زول يكتب معاك و لا شنو

نستاذنك استاذ طارق لنحي اخونا د. حسن حمد الله
لك التحية الاخ حسن حمد الله
ده كل من عمنا ود المامون ده. وبعدين كتاباتنا تتواضع امام ما تجود به قرائحكم و لكنها محاولة للتعبير.

alhadi mohd yahya كتب:

نستاذنك استاذ طارق لنحي اخونا د. حسن حمد الله
لك التحية الاخ حسن حمد الله
ده كل من عمنا ود المامون ده. وبعدين كتاباتنا تتواضع امام ما تجود به قرائحكم و لكنها محاولة للتعبير.

لك التحية الحبيب الهادى محمد يحي
وعبرك التحية للدكتور حسن ..

يانسمة
يا جاية من الوطــن ..بتقولي لي ايام زمان مابرجعــن ..

حقا ايام زمان مابرجعن .. وحقا أنها ايام الطرب الأصيل والنبيل ..

.. وشوشني العبير .. فأنتشيت
ساقنى الهوى .. فما أبيـــــت
يد الحرير ارتعشت بكفــي
فبكيت من رقتها بكيــت
صبية العطر يشتهيها
أمذنب أنا إذا إشتهيت ؟

أجدد لك التحية الحبيب الهادى .. وسأعود اليك لاحقا للفنان المبدع صالح الضى

سلام ياسيد طارق
شنو ياخوي انت الايام دي نازلين فينا حنية وبكاء للبلد
يكون ناوي تعمل خروج بدون عودة ولا شنو
ربك يستر
كدي اتصبر بي دي لحدي الاجازة ماتخلص وبعدين نشوف ليك دبارة

سلام اخوي الهادي يادفعه
انت بس تخش على البوست يزداد طلاوة وحلاوة وعذوبة الحان

اقتباس :

اسماعيل حسن القامة يكتب
يا طير يا طاير من بعيد و صل رسائل
لي حبيبي تحمل الشوق و الحنان
الى ان يقول
لو تعب منك حناح في السرعة زيد

حسب معرفتي البسيطة الجزء الاخير ده من قصيدة الطير المهاجر للشاعر الاديب الانيق الديبلوماسي الرفيع طيب الله ثراه صلاح احمد ابراهيم
شوف الاولاد ديل كرروا كان تعب منك جناح في السرعة زيد تقول بغالطوا فيط يالهادي
لكن في النهاية كلو طير يوصل كلام للحبيبة بس قول ليه ناس قسم الله وعبدالفضيل مايسمعوا بيك بلحقوك الرهو وبكرة بنلقاه في سوق الاتنين

المبدع دوماً ابو الطيب
الاشواق بالكوم
في كل مرة تفاجئنا بحاجات احلى، بنحسدك على تفردك.
ازهارك البتنثرها لينا في المنتدى هي المحلياه.
وزيدنا من دنك شوية . و التحية

شكرا أبووضاح على هذه السلوى الجميلة عبر ابداع صالح الضى الذى سمت إنسانيته ليخاطب الطير بلحن يشبه تغريده البرىء ،ويكلفه بكل ثقة بتوصيل الرسائل لعلمه أنه لا يعرف المكر كما فى بنى البشر ،فالطير ضرب به المثل فى الايمان والتوكل فى القران حيث يغدو خماصا ويعود بطانا ،لذلك حق لذاك الشاعر الفذ ان يولى ثقته التامة الى من يستحقها ،عقب أخى أبووضاح وزدنا من دنك شوية