زمان قالوا
جحا اولى بي لحم تورو

وقالوا : المابكفي أهل البيت حرام على الجيران ..

37 سيارة من مصنع جياد .. للعيبة المنتخب المصري والإداريين وهيئة التدريب
وفوقها كمان 20.000( عشرين الف دولار .. الدولار يحك الدولار ) .. لكل واحد منهم ..
غير حفل الإستقبال والوداع ..
وغيرها ؟
اطنان من اللحوم الحية والمذوبحة .. تم إرسالها هبة .. للشعب الشقيق ..
وغيرها كمان .. ودي جديدة لنــج :
إستحداث وظائف لحل مشكلة البطالة في مصر الشقيقة .. بحوالي800.000 ( ثمانمائة الف ) شاب مصري ..
وحاجات تانية غيرها كثيرة ..

أنا شخصيا .. أصبت بإحباط ..
فيما يفكر هؤلاء القوم ؟

سلام حبيب الشعب طارق
وليك الف تحية
ياخوي دة كلام عجيب ياريت لو اول حاجة تورينا الخبر ده لقيتو في ياتو جريدة او اخبار تلفزيونية او اذاعية
وبعدين نعلق ليك عليه ولو ولو يعني بقى من مصدرا قوي ومؤكد يكون الزاد كان ماكفى ناس البيت حرام على الجيران
وانعل ابو دي محاولة كتلة رئيس كملوا بيها واطاتنا

لو عمر البشير ما عمل كدة يكون ما سودانى وشيمة السودانى هى النفاق والكذب والبوبار فى بيت الايجار
طارق خليك من عمر البشير الذى فى يده مال سائب يوزع فيه لليسوى والما يسوى
تعال شوف فى أقرب مكان ليك حتى فى الهدى
ممكن واحد مالاقى ياكل ويقوم يضبح لى زول عشان يكرمه وممكن يستلف أموال عشان يحج ويسمع كلمة حاج
ولو تبحرت فى عاداتنا السودانية السخيفة تلى منها الكثير على شاكلة عمر البشير فهو مثلنا جميعا متربى غلط على الكذب والفشخرة
جيب لى سودانى ما بحب الفشخرة الكدابة الا من رحم ربي

أتفق مع ألأخ صديق فى أن شعبنا وحكومتنا غلبت عليهم المظاهر أكثر من صميم الأشياء ،وهذا يصب فى موضوع الخلل الثقافى المتجذر فى أمتنا السودانية ، والعلاج يكمن فى أجيال الشباب وتفكيرهم نحو التغيير، وبصراحة يبدو الأمل خفيا داير ليهو كنس

ود الياس : سلام
ما الصادق المهدى فى الانتخايات قال

( اكلو توركم و ادو زولكم ) فالتور ده حق منو

الاخوة الكرام بعد التحية في الحقيقة الكلام دة كلو حاصل في مثل بقول فلان ده ضل الدليب يغطي البعيد ويخلي القريب 0الكلام ده انطبق علي ثورة الغطاس0000