الجواز السودانى الجديد والسفر إلى بلاد الغرب
هل يمنكن لاحدكم ان يتخيل انه ممنوع من دخول اى دولة بمجرد انه يحمل جواز سفر ما ؟ هذا يحدث عندما تكون انت سودانى تحمل جواز السفر الجديد (الجواز الالكترونى) , قد لا يصدق البعض هذه المقولة ولكنها حدثت لاحد اصدقائى وهو يستعد للسفر للولايات المتحدة بعد ان اكرمه الله بنعمة اللوترى , فعند جوزات بانت بمدينة ام درمان وهو المكان الوحيد فى السودان الذى يمكنك من خلاله إستخراج الجواز السودانى الجديد فبعد الذهاب والإياب و لمدة اسبوع إستطاع صديقى مقابلة المتحرى و قد اصيب بالصدمة بمجرد سماعه بان جواز سفره الجديد ليس هو الوثيقة التى يمكنه الإعتماد عليها عند مقابلة السفير الامريكى فى القاهرة (مع العلم بان تكلفة الجواز 400,000 جنيه سودانى قديم) فماهو الحل ؟ الحل ياسادتى انه يتوجب عليه إستخراج الجواز القديم , والذى يتم إستخراجه من جوازات السلطةالقضائية بالخرطوم فقط فبد ان كانت الإجراءات سهلة نوعا ما قبل ميلاد الجواز الكارثة اصبحت الان لاتطاق فلماذا كل هذا؟ وما هو السبب فى عدم إعتماد الجواز الجديد عند الغرب مع العلم بان الغرب يعتمد وبصورة تكاد ان تكون كاملة على التكنلوجيا ؟ ولماذا تتفاخر الحكومة بهذا الجوار الذى لايصلح لشئ .

ماهى المواصفات التى تمت مراعاتها عند تنفيذ هذه الفكرة؟ وماهى معايير إختيار الشركات الموردة والمنفذة للمشروع ؟ فليعلم اهل الانقاذ ان الجواز ليس هو ورقة للسفر بل هو هوية تميزك عن غيرك , كما ان رفض الغرب للجواز السودانى قد يكون فى المقام الاول لاسباب تقنية بحتة . فلا حول ولاقوة إلا بالله





احمد عبد الرحيم- الخرطوم

منقووول .. دائرين رائكم
ام ضحى

اخي الفاضل حسب علمنا ان سبب رفض الجواز لانه يحمل الاسم الرباعي والغرب يتعامل باسم العائلة .. الكثير من الاخوه السودانيين والعرب يقعون في هذا الخطأ .. عند التقديم الي اللوتري او اي سفارة غربية يجب اعطاء اسم العائلة الموجود في الجواز السوداني .

جواز السفر السوداني يحرم مواطنيين من قضاء اجازة العيد

2009-09-20 حصريا شبكة وطني الاخبارية - غاندي ابراهيم - نيويورك

جواز السفر السوداني الجديد يحرم مواطنيين سودانيين من قضاء اعياد الفطر المبارك بين ذويهم


تسبب الجواز الالكتروني السوداني الذي بدأ التعامل به حرمان الكثير من المواطنيين السودانيين قضاء اجازة عيد الفطر الفطر المبارك بين ذويهم ففي المملكة العربية السعودية تم حجز جوازات طالبي الخروج والعودة من السودانيين الذين يحملون الجواز الجديد وذلك لقصور القنصلية السودانية في اداء واجباتها بعدم اخطار ادارة الجوازات والهجرة السعودية ببداية التعامل بالجواز الجديد.



و في القاهرة صرح سودانيين في طريقهم الي الولايات المتحدة الامريكية ان القنصلية الامريكية رفضت التعامل مع بعض الجوازات السودانية وذلك بسبب ان الجواز السوداني يصدر باسم رباعي والاقامة الامريكية تحمل ثلاثه اسماء فقط .



هذا وقد اعلنت ادارة الجوازات والهجرة السودانية ان الهدف من اصدار الجواز الجديد حماية الهوية السودانية بعد تحقيقها واثباتها بالوثائق القانونية اللازمة .
و تنظيم الهجرة من و إلى البلاد وضبط حركة الاجانب.



كما اعلنت ادارة الهجرة السودانية في موقعها الرسمي علي الانترنت ان من ميزات الجواز الالكتروني الجديد :
- توقيع حامل الجواز إلكترونياً وبصمته التي تؤخـد إلكترونياً أيضاً .
- مـدة صلاحية الجـواز 5 سنوات للجـواز العـادي وبه 50 صفحة و7 سنوات للتجاري وبه 64 صفحة وعامين لجواز الأطفال وبه 32 صفحة .
- تأخذ الصورة لحامل الجواز فورياً ورقمياً .
- ليس به أي إضافات للأطفال أو الزوجات فلكل مواطن جواز منفصل خاص به .
- عدد صفحات التأشيرات به عدد 48 صفحة بالإضافة إلي صفحة البيانات الأساسية والتي تحوي كل بيانات حامل الجواز وصورته وتوقيعه وبصمته .
- الشريحة الإلكترونية تحتوي علي معلومات حامل الجواز بالإضافة إلي البيانات الحيوية والشخصية وتطبع بواسطة أشعة الليزر .
- إشترك في الإعداد والتنفيذ للجواز الإلكتروني السوداني عدة شركات عالمية مختصة في هذا المجال ونفذت جوازات عدة دول أخرى . كما تم إختبار الجـواز
السوداني بواسطة بيت خبرة عالمي لتأكيد مطابقته لمواصفات المنظمة العالمية للطيران المدني بكل متطلباتها .
- يقرأ الجواز إلكترونياً بواسطة ماكينات للقرأة مصممه بمواصفات عالمية متفق عليها وموجودة بمعظم المطارات الدولية كما أنه مربوط بالسجل المدني والأدلة
الجنائية بواسطة الرقـم الوطني والبصمة العشرية .

منقوووووول

حقيقه شى محير .. ماشدنى لنقل هذا الموضوع
حدث لااحد المعارف .. وحقيقة لايمكن الدخول به لدول الغرب
الا الجواز القديم .. الجديد لا
باجماعه تغير العمله فى كل مره عرفناه
تغير الوثيقه الدوليه وهى الجواز وبالمليارات لماذا ؟؟
وفوق ذلك غير معتمد لبعض الدول واقصد دول الغرب
الجواز دا الحاجه الوحيدة التى تعتبر ملك للمواطن الحكومه مالها ومال الكلام دا
الجواز القديم ماااالو .. قايتو الجماعه ديل غلبهم البسوه
خلاااااص كل حاجه ههبشوها مانافعه
التعليم غيرو .. غطسوا حجرو
العمله غيروها مائه مرة نزلومن قيمتها ااصبحت الان فى الاسواق ارخص من بعض العملات
السودان ذاته بشتنوه وقطعوه ووزعوه
قايتو بس الحمد لله
المغتربين العندو الجواز الفديم يمسك فيه قوى
الدائر يسافر من اول جديد يشوف ليه طريقه لانه الجدبد مانافع لبعض الدول
وسمح الصبر .. وكعب السكات .. والدنيا رمضان .. لكن نسوى شنو لوجع الجماعه ديل ..!!!
تحياتى
تخريمه .. كل حاجه فى السودان بقت بالجديد وله القديم يقولون كذلك
والله المستعان

ياجماعه افيدونا

الانسان السودانى ذاتو بي شحموا ودمه نافع عشان الجواز ينفع
نحن ادمنا اللحبن خلاص
ما الذى يصبر هذا الشعب على هذا الهوان
عمر البشير قال الراجل يلاقينا فى الشارع
طلع هو الراجل ونحن لا مواخذة أشباه رجال
الوجع راقد

ام ضحي لك التحية
أهم حاجة بالنسبة للحكومة الفلوس يعني 400000 ألف حاجة تمام مع الحكومة أما الجواز ينفع أو لا ينفع دا موضوع تاني
الحكومة عايزة سيولة (يعني حاجة تسيل لعاب الجماعة) المهم انك تدفع قروش وبعدين يفكروا في حل المشكلة بمزيد من القروش يعني انتو يا الناس الحاملين للجواز الجديد استعدوا للقيمة المضافة من أجل التعديل
أول ما خرج الجواز الأخضر في عهد الانقاذ كانت مدة التجديد خمسة سنوات ولكن لما حسبوها لقوها ما بتخارج قاموا مرة تانية عدلوا الصلاحية لسنتين فقط يعني زي القديم تماما ولم يتغير الا اللون وزيادة الرسوم
حتي الجواز القديم به عيوب ما أنزل الله بها من سلطان خاصة الجوازات التي يتم اصدارها من السفارات فالخط فيها ردئ جدا ومخجل واحيانا غير مقرؤ
بالله عليكم في الدنيا كلها في مهنة اسمها زوجة
يامعين

طبعا دا الجواز القديم .. ماااااااااااالو ياناس

صديق خالد عوض الكريم كتب:

ام ضحي لك التحية
أهم حاجة بالنسبة للحكومة الفلوس يعني 400000 ألف حاجة تمام مع الحكومة أما الجواز ينفع أو لا ينفع دا موضوع تاني
الحكومة عايزة سيولة (يعني حاجة تسيل لعاب الجماعة) المهم انك تدفع قروش وبعدين يفكروا في حل المشكلة بمزيد من القروش يعني انتو يا الناس الحاملين للجواز الجديد استعدوا للقيمة المضافة من أجل التعديل
أول ما خرج الجواز الأخضر في عهد الانقاذ كانت مدة التجديد خمسة سنوات ولكن لما حسبوها لقوها ما بتخارج قاموا مرة تانية عدلوا الصلاحية لسنتين فقط يعني زي القديم تماما ولم يتغير الا اللون وزيادة الرسوم
حتي الجواز القديم به عيوب ما أنزل الله بها من سلطان خاصة الجوازات التي يتم اصدارها من السفارات فالخط فيها ردئ جدا ومخجل واحيانا غير مقرؤ
بالله عليكم في الدنيا كلها في مهنة اسمها زوجة
يامعين

صديق خالد ... سمح الصبر
الجماعه ديل حيرووووووووووووووونا عديل
والله المعين

صديق الماحي كتب:

الانسان السودانى ذاتو بي شحموا ودمه نافع عشان الجواز ينفع
نحن ادمنا اللحبن خلاص
ما الذى يصبر هذا الشعب على هذا الهوان
عمر البشير قال الراجل يلاقينا فى الشارع
طلع هو الراجل ونحن لا مواخذة أشباه رجال
الوجع راقد

ابو وحيد .. والله الناس فترت من جديد وقديم
الجنسيه غيروها .. الجواز غيروه
البلد دى كلوها غيروها وياريت للاحسن
ياسبحان الله