في ظاهرة تعتبر احتفال خاص بالطماطم في اسبانيا وفي مدينة بونول ذات ال10 الاف نسمة يقام هذا المهرجان سنويا في آخر اربعاء من كل اغسطس ويجذب اليه في هذا اليوم 40 الف سائح خصيصا لهذا اليوم ليتراشقوا بالطماطم
ولكن لك ان تعلم عزيزي ان في هذا اليوم يقوم البشر في تلك المدينة بتلف 100 طن من الطماطم (يعني دي كم حواشة طماطم )
وتعود تفاصيل القصه انه في عام 1944 حصلت مشاجرة بين شباب المنطقة ولم يجدوا امامهم الا بائعي الطماطم فما كان منهم الا ان اخذذوها منهم عنوة وتشاجروا بها وبعد ان انفضت المشكلة قررت المدينة ان يقام هذا التراشق سنويا ولكن كمهرجان وتخليدا لهذا اليوم وليست معركة حقيقة
[ندعوك للتسجيل في المنتدى أو التعريف بنفسك لمعاينة هذه الصورة]

ياسر اخوي عندو صاحبو في السعودية ضرب ليه تلفون قال ليه ياياسر انت راجل صاحبي وانا جايئ بعد اسبوع اجيب ليك معاي شنو؟
قال ليه جيب لي معاك طماطم لانو الكيلو عندنا بي 15 الف ج
ومن هنا نقول لياسر بدل تجيك من السعودية وبي قروش امشي لقط باقي الاحتفال من اسبانيا ببلاش

تمشى هناك تجى راجع بي برميل صلصة

والله حكاية .. ياعادل

عالم مفترية .. إفتراء بنعمة الله ..
اليوم عندنا في السودان .. وفي أكبر بلد زراعي في أفريقيا كيلو الطماطم 15 الف جنيه
وهذه النبتة السحرية لها في نفوسنا نحن العوامرة وقع وأثر كبير .. أولم أقل لك الطماطم والشطة
مواسم للأفراح ..
إتخيل ياعادل بس الكمية التى تم إتلافها .. كانت تفتح كم بيت ؟ وتعرس لي كم ؟ وتفرح كم ؟

والمثل بقول : تموت الأسد في الغابات جوعا ولحم الضأن تأكله الكلاب ..
والله حقو نقدم فيهم شكوى للأمم المتحدة ..

هذا ما لايعجبنا في الغرب
ولكن علي العموم عندما يكون الانسان شبعان يفتكر كل انسان شبعان
فهم يعتبرون كل الناس مكتفين من الطمام وغيرها من اصناف الاكل
وأكيد لا أحد منهم يعتبر أن في الأمر اسراف وانما استعادة ذكري وترويح عن النفس
ولو الخدرجيه عندنا حصلوا فيزا في تلك الايام ما كان الجماعة حصلوا حبة طماطم حتي الخربانة تنفع صلصة في اليوم التي تنعدم فيها الطماطم.
ولكن السؤال لماذا الطماطم غاليه في أرض المليون ميل؟آسف هي أقل من مليون. هي أصبحت كم حواشة أقصد كم ميل يا ناس؟

صديق الماحي كتب:

تمشى هناك تجى راجع بي برميل صلصة

سلام ابووحيد
مرورك جميل
لكن تجيب البرميل ببلاش يلم فيك كباشي ضرائب
يدفعك اكتر من حقو 10 مرات في النهاية تخلي ليهم وتمشي عوضك الوحيد يابووحيد تكون زرت اسبانيا وجيت

سلام حبيبنا طارق
تحية خاصة جدا دي لزوم العيد وكدة وطولنا منك بالمرة

اقتباس :

. أولم أقل لك الطماطم والشطة
مواسم للأفراح ..
إتخيل ياعادل بس الكمية التى تم إتلافها .. كانت تفتح كم بيت ؟ وتعرس لي كم ؟ وتفرح كم

ياطارق انا كتبت الموضوع ده وفي بالي اسالك السؤال دة عايز اقول ليك دي كان عرست ليها لي كم عامري
قطعتها لي في راسي
على كل بترولكم قرب يطلع والطماطم دي خلوها للاسبان الجيعانين ديل

سلام حبيبنا صديق خالد
لك التحية اينما حللت وربنا يمرقكم من العكة دي سالمين

اقتباس :

ولكن السؤال لماذا الطماطم غاليه في أرض المليون ميل

هي ارض المليون ميل دي الارض فاضية زاتها بي كم
هل تصدق ياصديق قطعة ارض فاضية في الرياض الخرطوم اغلى من بيت في امريكا
تقول لي الطماطم

كدى ياود خيارى ضوقة الرسول طاعمة
تلقاها ولاطاعمة وحامضة بس ويمكن تكون خربانة
بس نحن عندنا فى رمضان الكيلو حصل 20 الف لكن طاعمه وناعمة ولامعة
عليك الله نحن ماحقوا نموت من الغيظ على انفسنا
الطواطم اغلى من دستة التفاح
غايتو بلد؟