ابداء ...معلوم ان الكرة مستديرة
وغالب ومغلوب..
ووهارد لك الاخوة ابناء العرضة شمال..
قبل كده التمساح بلعكم ...ست...قلنا خليهم
الجماعة عينهم على الكاس الكبيرة..
لانهم اسياد البلد.....وماهم اسياد لبن كما لا يحبون
مع ملاحظة ..وجود سيد البلد الاصلى
وجبنا شهادة الميلاد وحددنا يوم السماية
بس الصلبطة واللصيق ...وشيلنى معاك..
وجانا انيمبا ..وجانا هتاف من عند الشارع..
سيد اللبن اقصد سيد البلد تانى بلعوه....
جوة بيته بلعوه ...غرفة غرفة صالة صالة
زنقة زنقة ...والقذافى مشى .....
يارى اقدر القذافى تانى ارجع
ويحلم يكون ملك افريقيا
دى دايرة ليها همشرة..
المهم الكورة ما زلت فى اللعب
رقم انو هو الحلقة الاضعف..

هاردلك سيد البلد
ليفرح الشمات .. والأعلام الأحمر ..
اما البلع .. والقلــع .. دي ماشفناها وماسمعنا بيها .. إلا عند الصفوة ..
البطولة التى هزمت فيها .. ياسيد البلد ..عندما حانت لهم فرصة المشاركة فيها اوقعت القرعة الهلال والمريخ في مجموعة واحدة .. وأول زول بلع لسانــوا هم المريخ وعلى تصريحات .. مدير كرة عادل ابوجريشة .. حينما قال وبالفم المليان هذه ستة نقاط مضمونة وفي الجيب ..وبعدين نلقط من برة ..... ولكن كان ردك قاسيا وإبتلع عادل ابو جريسة لسانه حينما تعادلت معهم في القلعة الحمراء وهزمتهم بثلاثية في مباراة الرد .. والستة نقاط المضمونة لم يخرجوا منها إلا بنقطة واحدة !!!!!!! ودي بداية البلع ..
اما القلع .. قلع حمرة عين ورجالة .. فلها قصة ..
لعمري لم أري في حياتي مثل الصفوة الذين يشترون الفشل بي قروشهم ..
ان تعزم بلاتر .. وعيسى حياتو .. وحلف الأطلسي والناتو .. وتقيم الولائم .. والحفلات البالمبو .. والآلات الشعبية .. أحتفالات قبل المباراة النهائية المضمونة .. فريق هزمناه في التمهيدي .. الكأس مضمونة وفي الجيب .. وجهزوا ليها مكان في الدولاب .. خصوصا والمباراة والبطولة كلها على ارضكم القلعة الحمراء .. إلا أن للتاكسي الأصفر كلام تاني .. فبدل أن يحزم حقائبه للعودة بخفي حنين .. شال الكأس وجرع الصفوة مرارة الهزيمة ..وأصبحوا كمثل الذي يشتري الفشل بي قروشوا .....

الحبيب طارق...والله ذاكرتك قوية..
مشيت بعيييييييييييد..
وطفرت مبارة ...معركة ذات السواكه...
وتمريرة اتير الغرام ...
واطير حدى ....
ونسيت يوم ..المقبرة ...
وجونا ناس بالعيد اهنو ...يا هنو ..
وراجى منك ..بس اشارة
وكلمة تدينى البشارة..
ولسه ارجو الراجيكم ...

for else
nothing
is the
matter

الذين لا يعرفونك ...

قالوا الهلال وينو ؟؟؟؟؟؟؟؟
سؤال إستنكاري .......
وكان ردك عليهم .. موجود أنا .. وفي مكاني الطبيعي .. مع عظماء أفريقيا .. وعظماء التاريخ ..
وخاب ظن الذين ينتظرون إشارة الرجاء ..
التحية والتهنئة لكل ابناء القبيلة الزرقاء ....

عجبت لقوم ...يقيمون سراديق العزاء فى ديارهم.
وتفرحهم احزان غيرهم..
شكرا انيمبا فقد انقذت حياة الرحوم..
مسلسل الهمشرة متواصل ..
ونحن على بعد حلقات قليل من نهاية المهزلة
...

سمح...الملح...

كثيرة هى الاسباب التى اوقعت ناس العرضة شمال
مع (الكبار)
بالتاكيد ليس من بينها
المستوى الفنى ....

ماهى الحروف الشتركة
بين الترجى والرجاء وراجى ...
ويا الترجى ارجى الراجيك...

رسم في الوطن فرحتو
حقق المراد أتاهل بقدرتو
خلي الشوارع تعيش بهجتو
وافريقيا بتعرف الهلال
بتعرف قوتو
ما محتاج كلام معروفه
سمعتو
مع الكبار جالس
بهيبتو وعزتو
وجمهورو غرقان
في فرحتو
وأسال الكاف
وقول الهلال وين
راح
يقول ليك مع
الكبار مرتاح

الجنوب الجغرافي دائما وأبدا .. اقل مستوى من الشمال
والشواهد كثيرة .. جنوب السودان .. جنوب لبنان .. جنوب اليمن .. ايرلندا .. الخ ..
وجنوب العرضة بأمدرمان ..
ولهذا السبب كان شمال العرضة (الهلال ) مع الكبار .. ودا أكبر دليل على المستوى ...
اما المحليون ناس العرضة جنوب .. مكانهم الطبيعي ومستواهم الحقيقي .. دوري الباسطة أو تقسيمة
الروس الروس حباب التروس ...

احلام الناس في هذه الدنيا كثيرة ..
ناس بتحلم بالسعادة ..
وناس بتمني النفس بي نظرة بس من الحبيب :
فنان كردفان بلوم الغرب عبدالرحمن عبدالله قال :
صبرك لحظة واحدة يا ضابط السجن
اسمح لي اشــوفو .. أتزود بي نظرة
وأرجع أنسجن ...
وبرضو عشم وأمل ..
وناس بتتعشم وراجية إشارة من الرجاء ..
وكلو رجاء .. وكلو عشم ..
وزمان قالوا الحاري ( الراجي ) أخير من المتعشم ..
يا الله ياعم زيادة خليك راجي ومتعشم .. أمكن تجمع بالإشارة ..
وهاك الإشارة دي ... هههههههههههههههههههههههها عن إذنك يا حســـن

كل قاعدة ...شاذ...
لذلك فالشمال الجغرافى وتحديد فى العرضة
متخلف عن الجنوب الجغرافى
ودونك الرد كاسل ...وزريبة العيش ...لا توجد مقارنة..
والطابق الثانى والملعب الرديف...ولا ندرى اين وجد زنك مقصورة الزريبة
حينما (لفحو الهوى )

فى الجنوب الجغرافى التطور شمل
متصدر الدورى
متصدر هداف الدورى
متصدر افضل دفاع

فى الشما الجغرافى التطور الى الوراء شمل
رئيس ..يسب العقيدة .......

فى الشمال الجغرافى التطور الى الوراء ...
جمهور (جلد لاعبيه)بعد العار وسط الدار..

فى الشمال الجغرافى للعرضة ايضا ..تطور الى الوراء
جمهور يسئ لكابتن الفريق ويوجه له الاتهامات
من قبل الاداريين..

فى الشمال الجغرافى للعرضة ..
كابتن الفريق يعتزل
بسبب المؤامرات ..
من الاداريين والصحفيين0فى واحد مباريهو وكرهو فى المغرب..

(سيدا)قال
لم يؤثر فيه كل ما كان يوجه اليه من قبل جمهور المريخ
ولكنه تحطم مما وجه اليه من جمهور الهلال ..
(ظلم ذوى القربى اشد وامر )

الادارة كرهتو الكورة
والجمهور كمان..
اها خلاها ليكم
...واعتزل ....

المرارة فى حلق البرنس مما سمع من معجبيه
بعد مبارة واحدة ..
فاقت ماسمعه من جمهور المريخ طوال عمره الكروى
طبعا اكيد الصفوة ما طلعوا من النص
مثلما فعل ..سكان الزريبة...
فرق ...يا هيثم..فرق..

واخير ا كيف لا يكون الشمال اكثر تخلفا
عندما يصرح رئيسه ان المريخ لو لعب مع اسرائيل
حا يشجع اسرائيل...
(كل اناء بما فيه ينضح )

استاذ مضوى ..تحية واحتراما..
قصائدك بتجى مع الافراح تمد ايده..
وللحزن ماعندها مرسى ...
منتظرين ...
معلقتك
(الترجى داخل المقبرة)
يا كاتل يا مكتول
ونهديها مقدما
لاستاذ سيف وولده عثمان
ومحجوب بشرى
وعبد اله بشرى
وابراهيم الشيخ
وسعيد اخوى
وسامى حمد
وحسين دين
واهداء خاص
للاخ طارق مامون
والاستاذ الشاعر مضوى عبد الرحمن
وكل الهلالاب
المشرئبة عيونهم
للمستحيل ...
تشوفو ..شوف ..تشيلوا ..لا...
تشموا قدحة ...

لك التحية
الاستاذ زيادة
حقا لك التحية لقد حركت الساكن
الان الهلال علي اسوأ الفروض نحن في الترتيب الرابع وبفضل ما قدمه الهلال من عروض في ساحات افريقيا منح السودان التمثيل باربع فرق في البطولات الافريقية والهلال جعل السودان في ريادة الدول الافريقية يعني لو ذهب اي فريق سوداني بما في ذلك المريخ الي دول افريقية فما عليه الا ان يذكر انه من بلد الهلال وسوف يجد كل الاعتبار عظيم انت يا هلال وعظيم انت يا مريخ لكن بعد الهلال
كسرة :
مباراة الهلال القادمة مع الترجي
وناس الجنوب لاعبين مع جزيرة الفيل
ويا رب الحضري وصل ولا لسه وكان جا ياجماعة بيلعب ولا لا
عظيم انت يا هلال

جأنا ما يلي الان
إنسلاخ مجموعة من جماهير المريخ واعلنوا إنضمامهم للموج الازرق وذكروا ان سبب ذلك ما يفعلوه الحضري بالمريخ وذكروا ان عزة المريخ تضيع في وجود الإدارة الحالية
ويا أحوانا طارق المامون ومضطفي البلة ارفعوا ايديكم لنسأل الله ان يهدي اخونا زيادة وينضم للموج الازرق لمدة ثلاث ايام لكي يتذوق طعم الكرة فدولة الشمال ترحب به ويا جماعة ماتنسوا اخونا زيادة من مطايب الموج الازرق وعظيم انت يا هلال

الاستاذ مضوى ..لك التحية...
المريخاب الصحى ما بنسلخوا
حتى لو جلد النمل اتسلخ..
وولج الجمل من سم الخياط
والجماعة القايلين القبة فيها فكى
ان شاء الله سفر البن د وحرق...

استاذ مضوى ..سلام
دعوتك مقبولة بشرط..
تغيروا لون الظهرة ...والشاش
بلون التفاح والبرتقال
وان شئت بلون الدم ...المافى اغلى منه..
وبدل ما يظهر الهلال كل شهر مرة
يصبح نجوم تلالا فى سماء الكون كل يوم
وبعد داك شوف كمية الالهام الحا تنزل عليك
وتكتب شعر بلون الزهر الاحمر والاصفر

استاذ مضوى ..سلام..
بحكى ليك قصة حصلت فى اواخر السبعيتات
ان اللعب الفنان عز الدين الدحيش كان يلعب للهلال
وفى مباراة تكريمية ..سداسية لعب مع المريخ (محاولة لكسر الحواجزبين هلال مريخ وقبول الاخر )
لكن كانت المفاجاءة فى اول تمرين للهلال بعدها ..حيث دخل معه المهندس عبد الله السمانى
سكرتير نادى الهلال فى نقاش حاد وصل مرحلة رفع الكراسى على بعض
واستنكر عليه ..(كيف تلبس فنيلة الصهاينة )وبقصد المريخ طبعا..
يذكرنى ذلك بما قاله رئيس الهلال بانه سيشجع اسرائيل لو لعبت مع المريخ
ويذكرنى ذلك بموقف رئيس نادى قمة فى الهدى عندما حلف بالطلاق على احد اللاعبين
اذا ما ارتدى شعار الفريق المنافسة فى احد الدورات التى لم يشارك فيها فريقه
حيث كان قانون المنافسة..وقرار النادى يسمح لاى لاعب بالعب فترة الدورة على نظام الاعارة
سقت هذه الاحداث...
لتوضيح ان جمهور والمريخ والهلال..مظلوم فيما وصل اليه الحال من التراشق.وتبادل المسئ من الافعال والالفاظ..ذلك ان الالة الاعلامية للفرقين لعبت ذلك الدور فى سبيل المنافسة على توزيع المطبوعات...كذلك وجود اداريين فى مستوى فهم اقل من المشجع البسيط...
انتقل الينا هذا الممرض الخطير من الدول المجاورة والاوروبية التى لا تدرك معنى التنافس الرياضى
والذى يشبه اى تنافس اخريصب فى تقوية وتنمية العلاقات وترابطها خاصة نحن فى السودان
وما نتميز به من اخلاق فاضلة ونبيلة والمواقف الاصيلة فى الافراح والاتراح ..
يقولون ان الانسان ابن بيئته ...
فتجدنا احيانا ننساق وراء ماذهبت اليه انفا
بينما حقيقة النفس غير ذلك ...والقصد المداعبة والمناكفة دون التقليل من شان الهلال وجماهيره
تخريمة...
استاذ سيف خال ..صديق عزيز ودفعة وهو من مشجعى الهلال ..
وكنا نتاقش فى مداعبة جميلة ...حتى ونحن صغار..
واذكر اننا ونحن فى الهجرةقد ذهبنا الى ام درمان لحضور مباراة
للمريخ فى دورى الاندية الافريقية مع فريق من مالى
هذه الرحلة التى كانت فى 1976 تقريبا اوضحت لى بجلاء كبف
يمكن ان يكون تشجيع المريخ والهلال امرا ايجابيا جدا
اذا ما قررنا ان يكون التشجيع كذلك..

استاذ
زيادة نحييك
حقا لانتمني الكل يشجع الهلال
ولا نتمني الكل يشجع المريخ
لكي تكون هناك مساحة للتواصل
فلندعو للتعصب الايجابي
فالهلال والمريخ
عينان في راس واحدة
ولك مودة