سلام شباب وصباحكم زين وسوداني
ياجماعة الخير الكلام المقتبس ده من جريدة الصحافة عدد اليوم في الصفحة الاولى للنائب علي عثمان محمد طه وهو كما جاء في الصحيفة

اقتباس :

واكد حرص الدولة علي المضي قدما في بسط الأمن والتنمية والتطور بالبلاد وفق منظور استراتيجي وترتيب للأولويات

كيف يكون تنمية وتطوير وكل يوم الاسعار زايدة طايرة السماء وفي نفس الصفحة خبر مفاده ارتقاع اسعار الحديد والاسمنت واللبن
كيف يكون تطوير وماقادرين يطوروا الزمة ويطهروا الفساد والمتلاعبين بقوت الشعب ويكفي ماجاء في تقرير المراجع العام وماخفي اعظم
زيادة في السكر واللبن والحديد والاسمنت
بس قول لي انت عايز تطورني ولا تتطيرني من الدنيا
انت ماعايز تطور الصحة والاطباء والمعدات الطبية والناس تتعب جدا قبل ماتموت بالتشخيص الخطآ واهمال وزارة الصحة له وعدم معاقبة المسؤلين عن هذا التدهور المريع
انت ماعايز تطور التعليم والمعلم ومدارس الحكومة تفتقر لابسط وسائل التعليم والكتب والمعدات المساعدة حتى المعلم حقه مهضوم ولم توفر له الاجر المجزي بل حتى ماهو متفق عليه بالكاد يتحصل عليه
انت ماعايز تطور الزراعه بل اجهزت وقضيت على مشروع الجزيرة ودمرته بالكامل عن قصد او جهل وكان بامكانك ان تجد منه كل الدعم المالي والسند المادي وكان هذا المشروع الاكبر في افريقيا هو من يمول السودان باكمله ولكن هذا جزاء سمنار
وجرائم النصب والاحتيال على عينك ياتاجر والمحاباه والمحسوبية
ياخي كلامك ده والله يصيب الانسان بالغثيان ونفاق على اكبر مسؤلي الدولة فما بالك بموظفيهم
الكلام الموجع كتير لكن الله في
وفي النهاية ياسودان معليش غصبوك ناس الجيش وانت مابتستاهل تكون كدة
انت كنت زراعه واللية فيك مجاعه
على راي الفنانة رشا شيخ الدين في اليوتيوب

يا ابو الطيب أعمل فيها ما بتفهم تاكل ملبن
كل تصريح من مسئول سوداني وهو بالطبع غير مسئول عن كلامه - لأن الشعب سوف ينسي ما قاله زعيمه قبل لحظه لأنه شعب وللأسف بلا ذاكرة - أعكسه وستجد أنه الواقع.
قبل سنوات ظهرت ظاهرة مجانية التعليم من قبل المسئولين _وهم بالطبع غير مسئولين _ ولكن كل طالب لو ما دفع الرسوم فمكانه الشارع.
أي تصريح أعكسه تماما وستجد النتيجة مطابقة 100%:
لا تفاوض مع .....................تأكد أن هناك تفاوض
نيفاشا سودانية 100% .......تأكد أنها غير سودانية 100%
الزراعة هذا الموسم ناجحة .......تأكد انها ...
وهكذا

يعنى يا ابو الطيب الحل فى حزب ضد الكذب ؟
انا عارف يوم من الأيام بعد ما نموت ونشبع موت حا يجى احفادنا ويقولو ياريت أجدادنا اولاد اللذين ديل كلنوا ضادقين

سلام حبيبنا صديق خالد
وتسلم انت الفي اليمن من محن الومن

اقتباس :

كل تصريح من مسئول سوداني وهو بالطبع غير مسئول عن كلامه - لأن الشعب سوف ينسي ما قاله زعيمه قبل لحظه لأنه شعب وللأسف بلا ذاكرة - أعكسه وستجد أنه الواقع

والدليل آلولو
شفت الوعود بتاعة المسؤلين في زيارتهم الاخيرة للهدى
ح نعمل ليكم ونسجل ليكم ونجيب ليكم
وفي بهجة وعدك مازلنا وفضلنا وحاتك منتظرين

سلام ابووحيك
كل سنة وانت صادق

اقتباس :

يعنى يا ابو الطيب الحل فى حزب ضد الكذب

جماعتك ديل لو قاعدين يفرتقوا الحزب لانو ح يكون ضد حزب المؤتمر بتاعهم

الاخ عادل خيارى
الواحد الايام الفاتت دى انطبقت فية النكتة بتاعة عمك القال الواحد ماينوم ولاشنو؟
والله الواحد بقى بخاف من تصريحات التخفيض
لانو الجهة المصرحين ليها بالتخفيض بتفهم زيادة مازيادة عبد الباقى
والناس كانو مافى غلا حاصل تخم وتجيب
اكان المدة منتهية ولا...............
تخم خم السرور
لكن
اعتقد الحل فى بلدك زاتها