سلام شباب كلكم وطني على معارضة
والله ربنا ابتلانا بلوة حكام لايعون مايقولون اسه عليكم الله ده كلام زول عاقل ناهيك عن مسؤل وكلكم راع وكلكم مسؤل عن رعيته
ياسعادة الوالي وليت امر هذه الامة الخرطومية لحل ازماتها وليس تعقيدها بالله كيف تهنأ عينك بنوم هانئا وانت تطرد اهل الولاية لتعيش انت وشاكلتك على انغام خروجهم بعد ان خرجت نفوسهم من العيشه في خرطوم الجن بارتفاع اسعار عن قصد ومن غير قصد
وبدلا عن وجود حل لمشكلة الاسعار تحاول ان تطردهم وترمي بهم خارج موطنهم
الى اين يذهبون
ياوالي اين انت من مقولة الوالي عمر(طبعا ده ماعمر حقك وشتان مابين العمرين) لو عثرت بقلة بالعراق لسالني الله عنها لِمَ لم تسوي لها الطريق وانت على مرمى حجر منهم وليست بالعراق
ترى وتسمع اناتهم وانينهم وتسمع عن الادوية المنتهية الصلاحية والفاسدة ماذا فعلت
تسمع عن تضورهم جوعا ويقاطعون اللحوم لعدم مقدرتهم الشرائية وحكومتك الرشيدة تدفعها للمصريين مجانا
وعندما تسمع شكوتهم وشكواهم تطردهم من الخرطوم بدلا من حل مشاكلهم
من اي كوكب انت بالله عليك
ونسالك لِمَ لم تخفض لهم الضرائب
لِمَ لم تعمل لهم جمعيات تعاونية مدعومة من الولاية
لِمَ لم تزيل عنهم كابوس ادفع ادفع والذي صار شعار حكومتك والتي جُبِلت على امتصاص دم المساكين بعدة اسماء ومسميات
نفايات عتب زكاة ضرائب اتاوات جبايات خدمات
لِمَ لم تلتزم بمجانية التعليم والعلاج
ياخي حرام عليكم بعد ان تمنكنتم من حكم العباد اردتم ان تستعبدوهم
نرفع امرنا الي السماء بعد ان عجزت الارض عن اقامة العدل فينا

الما فادر على عيشة الخرطوم يمشى الدمازين

زي دا ..مطرود من القضارف
وأهلو في الولاية الشمالية .. منطقته اسمها البيضة
والجابو الخرطوم هنا التنظيم طبعا ..
طبعا ماهو ولد باشا .. ولا حتى من مواليد الخرطوم ..
كل الناس ديل .. ابناء فقراء ومعدمين ..
وأول حاجة عملوها .. ضيقوا الخناق على الفقراء والمساكين ..
وماعارف دي ناس علماء النفس يسموها شنو ؟

شكرا عادل ...
والى عبد الرحمن الخضر ..نقول ..
اذا دعتك قدرتك الى ظلم الناس فتذكر
قدرة الله عليك...
والله انكم لتسالن يومئذ عما تفعلون ...

سلام ابووحيد
صباحك خيرات ومباركات
قلت لي يمشي الدمازين يطلع ليه عقار يعكرها عليه
الحكومة لاقادرة توفر عيشة لناس الخرطوم ولا امان لي ناس الدمازين
قاعدة تعمل شنو؟

سلام طارق المامون
لك التحية وتشكر على المرور

اقتباس :

وأهلو في الولاية الشمالية .. منطقته اسمها البيضة
والجابو الخرطوم هنا التنظيم طبعا ..

ذكرتني واحد صاحبنا كان بقول ام درمان الكبرتي بي جهلك تمكني في الغريب وتطردي ود اهلك
يعني اسه زولك بقت عليه حكاية جدادة الخلا الطردت جدادة البيت ولاشنو؟
ربنا لاتسلط علينا من لايخافك ولايرحمنا

سلام ابومحمد لك التحية وشكرا على المرور
وينك انت ياراجل بعد ماقلنا خلاص بديت تسدد في الغياب العليك رجعت تاني تتملي ديون

اقتباس :

والى عبد الرحمن الخضر ..نقول ..
اذا دعتك قدرتك الى ظلم الناس فتذكر
قدرة الله عليك...
والله انكم لتسالن يومئذ عما تفعلون ...

يازيادة دي حالة زول بيتذكر كلامك ده
في ناس بتؤمن بنصف المثل والمقولة اعمل لدنياك كانك تعيش ابدا
ناسين او متناسين لتسالن يومئذ عما تفعلون دي خالص
اللهم ولي من يصلح

والله كلام وبعد شوية يعملوا لينا الدخول باقامات وجاوزات من الولايات الى العاصمة
الله استر


اذا ماكنت فى قوم غريبا * فعاملهم بفعل يستطاب
ولاتحزن اذا فاهو اليك بفحش * غريب الدار تنبحه الكلاب

وردي تغني قائلا:
أنا أستاهل وضعت في مكانا ما مكانك
الوالي أطال الله عمره عنددما تفاقمت المشاكل قالوا له أستقيل فماذا رد سعادة الدكتور: أنا والي منتخب.
فهل المنتخب اذا في فشل في مهمته لا يستقيل........اذن فمن يستقيل الذي يأتي علي ظهر دبابة.
الشعب هو من ارتضي عيشة الذل والمهانة وهذه هي المحصلة.
الوالي كثر الله خيره وبارك الله فيه مش كويس أنه ما ماقال أمشوا لدولة تانية يعني من طيبته سمح للناس بالعيش في السودان بعيدا عن ولايته والتي انتخب فيها كما زغم فهي ملكه الخاص والما عاجبو يعمل شنو يعمل شنو يا عادل يلحس كوعه ولحس الكوع يحتاج تدريب خاص أولا تبدأ بالكوع اليمين (عشان ما تخالف السنه) وبعد ما تبطل و(ريالتك تسيل) حاول اليسار وهكذا دواليك.
واتحداك يا عادل لو بكرة عملوا انتخابات برضو الوالي المنتخب (بعد ما لحسهم التراب) سيفوز هذا هو الشعب السوداني يحب من يضربه ويخلي عيشته طين ورماد.

الله غالب

سلام شبخ مهند
لك التحية وشكرا على المرور

اقتباس :

والله كلام وبعد شوية يعملوا لينا الدخول باقامات وجاوزات من الولايات الى العاصمة
الله استر

في ظل هذه التقسيمات السودان الجنوبي والسودان الغربي والسودان الشرقي ماتستبعد يكون في سودان الجزيرة خلي جوازك جاهز ومجدد كمان للزيارة القادمة

سلام اخونا صديق خالد
تشكر على المرور والتحليل

اقتباس :

هذا هو الشعب السوداني يحب من يضربه ويخلي عيشته طين ورماد.

ذكرتني مظاهرات زمان الشعب جيعان لكنو جبان
ويابوليس ماهيتك كم ورطل السكر بقى بي كم
ورغم الثورات العربية والتي هي حوالبنا وماعلينا
نسال الله الغوث

مصطفى البله على كتب:

الله غالب

ودالبلة سلام
نشوفك بعدبن بدرا مكتملا باذنه
الشالت صاحب الكلمة الله غالب الليبية تشيل ديل تريحنا منهم