نقلا عن الراكوبة :
---------------

قال امام أحد المساجد
أمدرمان امبدة الحارة 40
قال مانحن فيه من غلاء طاحن
وإرتفاع جنوني في الأسعار
السبب الرئيسي فيه هي الفنانة ( ندى القلعة )
وأخواتها الفنانات ..
لأنهن يغنين الغناء الهابط .. وأيضا مظهرهن العام
وإستخدامهن للمساحيق لتغيير لون البشرة .. هو السبب الرئيس
لتدهور الإقتصاد السوداني .. ولهذا الغلاء الطاحن الذي يشهده السودان ..

. وبالله شوفوا

الحبيب ابو وضاح
لك التحية
(بالله شوفو )
يا ها ذاتها
جراى الحصان وله غريق البير ...
هسى الشيخ ده كان ادوه ويكة السودان دى كلها
بلايق الكلام ده كيفن...
اللهم لا تولى علينا من لا يخافك ولا يرحمنا ...

لأنهن يغنين الغناء الهابط .. وأيضا مظهرهن العام
وإستخدامهن للمساحيق لتغيير لون البشرة ...
يا ابو وضاح ...
هسى الشيخ ...ما اقر على نفسه عديل كده
انو سمع الغنى وحكم عليه انو هابط
بالتالى قارنو مع غنى تانى غير هابط
ده معناه شيخ (سميع) وكيف غنى ...
وكيف حكم على مظهرهن العام ..
يعنى معناه ما شاف ندى القلعة براها فى واحدات تانيات (استخدام الضمير هن لجمع المؤنث الغائب)
طبع انت هنا بتكون اذكرت استاذنا الفاضل عمر وحصص العربى وخاصة القواعد
ومرحلة وصول الشيخ المعنى لمعرفة انواع المساحيق ده معناه (بيطالع فى وجوه (الحريم )عديل كده

سلام ابووضاح لك التحية وصباحك مبارك
قلت لي سبب الغلاء ندى القلعه لانو غناها هابط وبتستعمل كريمات
ياربي الكريمات دي يكون لحمة وطماطم وسيخ واسمنت
طالما في علماء السلطان اتوقع اي فتوى
مش قبل كدى طلعوا فتوى سفر الرئيس حرام
اسمع القصيدة الفوق دي دين ابوهم اسمو ايه

طيب السبب شنو لو ما ندى القلعة
نحن ما صدقنا لقينا سبب
سيظل السبب ندى القلعة زى ما قال الشيخ الى ان يظهر سبب تانى

والله يا أبووضاح بالفعل شر البلية مايضحك،فالسودان بلد جريح أبنائه الذين فتكت بهم مناهيج الخلاف والاختلاف فعموا وصموا عن الحقائق، لذلك طفى على السطح متنطعين كل على هواه، يتبعهم جرحى التاريخ وهم كثر ،ومنهم ذاك الشيخ القائم بدور استشارى الاوطان بتشخيصه لأسباب تدهور أوضاع السودان واختزالها فى ندى القلعة ورفيقاتها فى درب الفنون ،ولاتثريب على الحوارى ان تحامق ،فهؤلاء على دين شيوخهم