شيخ جامع قطع إشارة المرور الحمرا

ركن علي اليمين وسجد سجود سهو



سألوا الجعلى:

ليه إتزوجت القبيحة دى

فوق مرتك السمحة ديك ؟؟
الجعلى : الشينة دى لى حليفة الطلاق !!




فار مسطول لقى كديسة ميتة
ضربها شلوت طااااخ

وقال: انا لمن أزعل كعب


رباطابي داير يطلع جنسية

الضابط سأله: انت سوداني؟

الرباطابي قاله: لا أريبا


مسطول طالع من الدكتور

بيتكلم مع روحه :
ضب في صحن؟ .. لا لا
سحليه فى جك؟ .. لا لا
قعونجه فى جردل؟ .. لا لا
تمساح فى بانيو؟ .. لا لا
رجع للدكتور تانى وقاليهو:

إنت يا دكتور قلت عندي شنو؟؟

قاليهو : عندك سرطان فى الحوض



رجل قاعد في أمان الله يقرا الجريدة
بعد شويه زوجته ضربتو بالطوه التيفال على راسه
الزوج: مالك يا بنت الحلال؟
الزوجه: شنو الورقه دى الفى جيبك

المكتوب عليها هنادي؟؟؟
الزوج: يا بنت الحلال،

ده الحصان اللي رشحته الاسبوع اللي فات

في سبق الخيل
الزوجه صدقته وراحت لحالها
مر اسبوع اخونا قاعد يقرا الجريده

وتيجي مرته وتديهو بالطوه ‏التيفال على راسه
الزوج: يا ولية مالك جنيتى في شنو؟؟
الزوجه: حصانك على التليفون




رباطابي زوجته وضعت له ولد

بيشبهو شبه شديد

عاين للولد وقال لزوجته:

دي بطن ولا مكنة تصوير


واحدة دنقلاوية عينوها مضيفة في سودانير ..

اول رحلة طلعت فيها جات للكابتن
سألتو :اها نغرف العشا؟

واحد قال لي رباطابيه: بريدك
قالت ليهو ص. ب. 144



سواق تاكسي من التعب والعرق صار فيه ريحه كريهه. ركب معاه مسطول و سأله سيارتك كم حصان؟ قاله : 100حصان .قال المسطول: الظاهر انه في واحد منهم مات

سلام ياصديقي
تشكر على المساحة الفرفشية
لكن هنادي بالغت
هههههههههههههههههههههه
تسلم
واصل

تشكر منتصر
جاتني عشراقه
من الضحك
وقاعد اضحك
براي اتقول
مجنون

تشكر منتصر علي الابتسامات محتاجين ليها الايام دي

شكرا ياخ منتصر حاجات ابداع حيرتنا بيها
والفار دي ما عارفنو وكت يزعل كعب

ابو الطيب شكرا للمرور
هنادي دقست ههاهاهاه

حبيبنا عوض مشكور علي المرور

ود الشريف لك التحيه
و ربنا يسعدك في الدارين
مشكور للمرور

الاخ محمد الطيب
الفار زمان كان مسكين لكن الظاهر اتعلم الحقاره
مشكور علي المرور