امثال سودانية جديدة


* المطره لامن تنزل ما بتشاور بيوت الطين
** اذا عرسوا خطيبتك يبقى العيب فى نسيبتك
** الشطة اذا حرقتك ما بتشرب مويه مغليه
** الزول النضيف ملابسوا ممكن تكون وسخانه
** الجارى من عمايلوا ما بتلفت لى ورا
** اذا خنقتك الكلمات أحيانا تساعدك الدموع
** الراكب فى الجبل أسنانو مابتشاف
** الخميره تصحى الدقيق
** الموبايل لامن يرن ما بهمو انت تسوى فى شنو
** الميكانيكية شوفة العربات الجديده تزعلم
** أبو تلاته عيون لسه ما اتولد
** طول النعامة مابديا الحق تتاوق بالحيط
** المره التمشى سريع يدا طاعمه
** الشغال جنب النار الشمس مابتحرقو
** السمكه لامن تمسكا السناره يحرم عليها الضحك
** خروف العيد شراب المويه مايمنع قطع رقبتو
** شجرة النيم ضلها ما مر
** الماشى فى الضلام يحس بالشياطين حولو
** الراسمالو لسانو... ياكل حق أخوانو
** الجعان النصيحة مابتنفع معاو
** العرج مابمشو مع بعض
** نباح الكلب مابزيد عمرو
** القلب القاسى تخاف منو الحجاره
** عين الأعور غاليه
** السحابة اليتيمة مابتكون بيضا
** البكر لو بقى عوير... شوفو البعدو
** فسوة الامام تحرج المأموم!
** بسامة الدهب... ابتسامتها مزيفه
** أكل الحرام مابزيد الطول
** الدخله ما بتخوف كل البنات
** القعاد مع الخواجات مابغير اللون
** خرا الحصان مابعفن العربجى
** اذا ضحكت يوم الخميس كتير... القيامة ممكن تكون الجمعة
** جرح شهر العسل نسيانو صعب
** الكلام السمح يشرق السفيه
** الجات قسمتا ماتقولو انتظروا الكبيره تعرس
** الأحمق اذا زعل يتكحل بالشطه
** المصران الأعور عميان
** بكى الجزارين فى العصريه... يجوع الفقرا
** اذا بلعك الحوت المقابضه مابتحلك
** الصاقعه لامن تضرب... الدخول تحت العناقريب حلال للحلفاوين
** الصقر مابرجع الكتكوت لأمو
** عض المنابر مابجيب دم
** المرايه المكسوره تقسم الوش
** حنين الشوايقه ماطلع ليهم بترول
** الدهب المسروق مابجيب تمنو
** العنقريب اذا اتقلب بطنو تبقى ضهر
** نار القصب يضحكا الهوا
** أدروب كان أباك مايعزمك جبنه
** دروب الخير ماعايزه سؤال
** كباية الشاى البارده زى الفول بعد اللحمه
** آخر الشهر وشو واحد
** حرب المنابر أى زول يقدر عليها
** سلة السكين... طلة المسدس تضحكا
** سمك بورتسودان... ريحتو ما تتشم فى المورده
** حبة العنب ماتتبلع وحبة الزبيب ماتتخلع
** الزمن ما يغشوا الا الفرح
** حداشر نفر فى البيت مايكونوا فريق كوره
** العين لو ماشافت الشوك... الرجل تعيط
** أم درمان خطواتا للجامع بقت كتيره
** الفرح أوزعو والهم أشيلو براى*
رمضان والعيد لمتم صعبه
** شد البطن يخنق المصارين
** اللسان الزفر اذا اتقطع برضو ريحتو تتشم
** اذا عايز تعرف منو الحرامى .. أضحك بلا سبب
** الليمون والشطه حاقدين على الأم فتفت
** درس العصر ينتهى قبل المغرب
** السخانه والبروده اتلمت فى الملاريا
** الرسن ماينقص قوة الحصان
** ما سمعنا بى جعلى انتحر
طولة اللسان بتلحسك المكوه!
** الذاكره صفحات تتقلب بسرعه فى الوجع
** دخان السيجاره مابمرق بالعادم
** الملابس مابتغطى العريان والضحك ماعشا الضيفان
** شكل القرون يجنن المساطيل
** حفلات المغرب... آذان العشامايتسمع فيها
** العازف عن الكلام... عزفومابتسمع
** البحر كان عجز ماببقى ترعه
** يالناس الكاملين... الناقص منو ؟!
** ال الله ماجابو... يقيف هناك
** يتغير معنى الابتسام اذا كانت الأسنان سوداء
** عمايل الإنقاذ عشمت ابليس فى الجنه
** ضهر التمساح رقادو حار
** دموع الرجال مابنزلا الخوف
** العبادة الجد مابتخلى الواحد يسمن
** اذا وقفت ورا الحمار اتوقع رفستو
** صحن العافية مابشحدو بيو
** فى بيت الإيجار الكلب ينبح فيك
** الناس تموت مره والقاتل يموت مرات
** سلالم المطره مابطلعك السما
** أمك اذا قالت ليك انتا ماجناى.. عايزه تأكد انك جناها
** اللسان اذا طال مابحك العين
** كاس المعارضه اذا وقع مابتكسر
** الجمرة فى كسلا مابتحرق الواطيها
** البطاريه مابتضوى قفاها
** اذا بت مع الحراميه ماتصحى بالليل
** لو شقيت لسان الرباطاب .. تلقاهو حامل
** مابتخدر كسلا ... لو ما عندها جناحين
** الجارى من الشيطان يلقى الله
** مافى زول يحب الفوز بى كاس الملاريا
** اذا قست الدموع... العين تحمر
** سوء الحظ... تكسب اللوترى والحكومه تمنعك من السفر
** الماشى بى رجلينو خطواتو محسوبه
** رسالة البنوت فى المنتديات... دايما تصل مقلوبه
** البرىْء برضو بتسجن بالقانون
** العندو ضنب قعاد الكرسى يضايقو
** الأطفال ملح البيت والكبار... مويتو
** باروكة المعارضه ماجابت ليها وزارة الطاقة
** النحس... هو اليركب مع الزرقاوى فى طائره واحده
** الليل لو طال الهم كبير
** عائشه لامن قالت أنا فلاتيه... صوتا ما اتغير
** كترة السفر تسلب الهويه
** المره الطويله تخجل الرجال القصار
** البلد لما تبكى... شد الضراع للحنان
** مرض الحاسوب ما بعادى
** مؤخرة القرد ماتتباس
** البكا قدام البحر ما بطلع السمك
** حتى العميان بشوف الابتسامه الصادقه
** جنا السبع شهور مابتولد فى بيضه
** الموبايل لو مافيهو رصيد مابخف وزنو
** طول الحكومه مابتعرف الا بعرض المعارضه
** اذا عجزت الحكومه الرقيص يغلبا
** الحكومه اذا عرضت البلد للبيع... المعارضه مابتقدر تشترى
** الحكومه اذا سرقت عمرك... المعارضه مابترجعو
** مابشوت ضفارى الا الاتعتر بالكوره
** الواقع من السما... ترحيب الأرض بيو يكون حار جدا
عرس الجبهجى المتدين من صحن عشاءه
كان غلبك سدَّها أطلب يدَّها

هههههههههههههههههههه
رووووووووووووووووووووووووووووووووعه يارااااااااااااااائع

سلام اخونا عمر
والف مرحب بيك في المنتدى
وياريت تمر على صفحة التعارف والتواصل عشان نعرفك اكتر
باقي نحن طولنا من البلد
وامثالك تجنن
غايتو انا عجبني القعاد مع الخواجات مابخليك ابيض
تقول قاصدنا عديل لانو لسه لوننا مااتغير
اما الموبايل المافيه رصيد دي بالغت فيها
تسلم ياغالي وفي انتظار المزيد