العكــارة
وفي رواية أخري يقال لها المـوص
لقظا .. اسمها مأخوذ من معنى تعكير الشـيء أي جعله عكرا
خبوبا غير صافــي ..
شرعا .. لاتوجد لها أي موانع وإعتبارات شرعية اللهم إلا إذا كان تخمير العجين المصنوعة منو الكسرة ..
وهي نوعان .. عكارة رهيفة .. وأخرى عصيدة ، ولكن الأصل واحد والمرجع واحد عيش الفتريتة أو زريزيرة .. ويفضل الكسرة البايتة من باقي العشاء ..
أفضل أوقات تناولها على بطن خاوية في ضحوة فوق التكنت معجونة بي موية اب عشرين تسد الجوعة والعطشة في آن واحد لأحتوائها على مواد نشوية عالية تتحول الى سكريات وسعيرات حرارية تجعلك تواصل المشوار الى موعد الضهرية ..
من موانع الإستعمال :
يجب أن لا تعطى للأطفال الرضع في حالة التسنين لإحتمالات زيادة الإسهال في هذه المرحلة .
ولكن بعد أن تغير الحال .. ودخول الكهرباء والزلط .. اصبح المجيء الى الضحوة بي ركشة أو أمجاد .. بدل الدواب .. وإستعاض الناس عن العكارة بالسندوتشات البرغر والبيض المسلوق .. والفلافل .. ومشروبهم المفضل المانجو و مازة.. وإستيم .. وبدل البسكلة .. بقي يأتي الترياق في صناديق مغرطسة .. وهاك الدليفري دا ..

يا سلام يا طارق على الزكريات العجيبة دى

ابعشرين - التكنت - الكسرة البايتة - البسكلة - الكسرة الرهيفة - والكسرة البايتة ( البريدة) !!

مصطلحات سادت ثم بادت ....!!

والله رجعتنا لايام حلوة وجميلة وتجعلنا نغنى مع الكحلاوى :

ريدة زمان .... ياحليلا . ... كان التاس محنة وكان الناس حنان .... وكان ...

والحمد لله العكارة شرعية مية المية !!

وطبعا من اشتهر بالعكارة فى ذلك الزمان هم التربالة والحفارين من ابناء الشرق

او ما يسمونهم ( الشراقة ) ....!!

وما زلت اذكر تلك العبارات وهم يناشدون صاحبة البيت وفى لكنة شراقية مميزة

المـــــــــــــوص ........ المـــــــــــــــــوص .......... المــــــــــــــــــــوص !!

ولكن الســـــــــؤال : هل هناك عكارة دليفرى ؟؟

العكارة ماذكرت العكارة الا وذكر
الشيخ ود ربيح
وعكارته المشهورة
التي ادخلته اوسع ابواب العلم

نقطة سطر جديد فط فقرة
‏ ‏ الكسرة البايته ماسمحة في العكارة
سمحة الكسرة المن الصاج قبل الريكة
والله دى فيها حلاة عكارة !

والله ايام يازمان زمن العكاره فوق ابوعشرين قبل نهايه الضحوه
مره بي مويه ساي ومره معها حبه سكر حليل الزراعه والمشروع
البقي مشراع واجيال هذا الزمن ما بعرفوها الواحد ماشي الحواشه
وشايل معاهو رغيف وطحنيه حنكشه والله واصبحت في الخلاوي
عند الشيوخ يسمونها المهيوبه .
رساله للجيل الجديد : مادام نسي الكسره واختار سواها رغيف
خلينا للافران بكره الافران بتقيف
لك التحيه الاخ طارق علي الزكريات الجميله

يا ابو الطا مشتاقين كتير و ايه الفكرك بالعكارة

واحد بيتشهى فى تواضع ،قالوا ليهو نفسك فى شنو ،قال والله نفسى فى ملاح خدرة بايت وأجيب الحلة وأجى لأم العيال وهى تعوس فى الكسرة فى التكل الصباح بدرى،لابس لى عراقى مشروط شرطة كبيرة فى الكتف على الضهر والجو غيمة وفيهو مطرة شكشاكة،واقعد جنب الحاجة على الباب وضهرى لى بره وأشيل من الريكة وامرمس فى الحلة واكل واتحداكم كان طرقتين يتلاقن فى الريكة!!! أمانة عليكم ،مو دقش يستاهل التسجيل فى موسوعة قنز؟

الأخ الحبيب وليد التلب
الأخ الحبيب عوض خياري
الأخ الحبيب محمد الطيب ابراهيم
الأخ الحبيب صلاح الشيخ ( ابو الصا ) وبعد غيبة طويلة
الأخ الحبيب ابو زينب

لكم جميعا لك التحيات العذبة . ـ
اشكركم على مروركم الجميل .. الذي الموص
يالها من ذكريات .. وتغير الحال وتبدل .. واصبح الموص يستعاض عنه بالوجبات السريعة في الضحوة والضهرية .. ودخول العولمة في حياة الناس حتى تري ومن ناس الضحوة من تحمل موبايل وترسل مسج ( رسالة قصيرة ) الضحوة يا بنات حدها عشرة ونصف فقط .. لأنو بتاع الركشة ح يجينا في الموعد ..
وزمن يا عكارة .. ود ربيح .. ومن زمن الملاح لما نتهي يزيدوها من موية الأبريق .. عشان البركة ..

اخ طارق كانت ايام من ذهب وايام صفاء

والله شوقتنا ليها عدييييييييييييييل يا فرده

الأخ المعز
لك التحية على المرور .. ويا لها من أيام .. جميلة خالدة في الذاكرة .. تغيرت مع الحياة وسرعتها ..
اشكرك على المرور

الحبيب حسن إسماعيل

وبسيطة ياحسن ما عليك سوى فتح هذا البوست وتتكي المنتدى ناحية مئذنة الجامع العتيق وتلقي كورة تحت .. وتكب ليك العكارة .. بس خت يدك عشان السندوتشات ماتجي واقعة ,, واشرب بالهناء وممكن تزيدها شوية سكر أذا كان سكرها قليل ...

من طرائف العكارة
إنو الحاج كان متعود إنو لمن اجي من
السوق ٠الحاجة تجيب الكورة وفيها طرقات كسرة وموية وسكر وتعمل ليهو العكارة وفي مرة من المرات وهي بتسوي في العكارة جاب ليها سيرة العرس وإنو داير اعرس نظام مشاغلة وكدا٠ ماكان منها الا وبعد ماانتهت من العكارة تقوم تشربها وبعد ان تفرغ من شرابها تخاطبه : الرسول ما حلوة

الحبيب عوض خياري
لك التحية . ـ
ههههههههههههههههها نستأذنك ياحسن هههههههههها

تشكرعلى هذه الطرفة الظريفة ..المرتبطة بالعكارة ..
لكن النسوان اصلا سيرة العرس دي مابحبن اسمعنا ..
الحاجة عاقلة .. و شربت العكارة .. واحدة جابو ليها سيرة العرس ساي .. خرجت الشارع تولول ولابسة جلابية الراجل مقلوبة...

الرسووووول ما حلوه ؟؟

ههههههههههههههههههه

اين انت يا سيد العكارة ؟؟ عايزين دليفرى سريييع

وعندك اتنين عكاااااااااارة وصلحهم ................ !!!

وليد التلب كتب:

اين انت يا سيد العكارة ؟؟ عايزين دليفرى سريييع

وعندك اتنين عكاااااااااارة وصلحهم ................ !!!

محل مغلق للتحسينات ..
يا أخ إنت ماقرأيت اللوحة والله شنو ؟

اقتباس :

محل مغلق للتحسينات ..
يا أخ إنت ماقرأيت اللوحة والله شنو ؟

دا من المطرة الشـــعـفـوفــــــــــة الضربتكم قبل اسبوع دييييك

ولا شنوووووووو ؟؟؟

وليد التلب كتب:

اقتباس :

محل مغلق للتحسينات ..
يا أخ إنت ماقرأيت اللوحة والله شنو ؟

دا من المطرة الشـــعـفـوفــــــــــة الضربتكم قبل اسبوع دييييك

ولا شنوووووووو ؟؟؟

ليس المطرة الشعفوفـــــــــة فقط .. وهنالك مراجعات من منظوري الربح والخســـارة

اقترح عليك يا طارق الاستعانة بخبراء اقتصاد لوضع

دراسة جدوى ( عكارية ) مبنية على اسس علمية

وعليك الاستعانة بالاخ عوض الله لما له من خبرة فى

الجدوى ( القرعية )....... !!!

لا احسن نستعين بالله ( ودي من قرى العوامرة ) .. والله اقول ليك احسن نستعين بالشيخ القرعاوي ( القرضاوي )

طارق مامون كتب:

لا احسن نستعين بالله ( ودي من قرى العوامرة ) .. والله اقول ليك احسن نستعين بالشيخ القرعاوي ( القرضاوي )

يا جماعة العكارة
عكرتو قرعي مامشكلة
قرعتونا وبقيتونا قرعاوين مامشكله
بس اوعي تقرضونا؟

العكاره ياودالمامون عندها علاقه بالناس الحنان والمتواضعين ونواياهم صافيه ماعكرانه_وعكارة الزمن دا بقت بالخلاطه ومقاديرها كألآتي:
1-كسرة زره طابت والعجين مصفا ناعم
2-‏ خمسه معالق كبيره طحنية الروضه
3-ملعقه صغيره خميره
4-‏ نكهه _قرفه_حب هال
5-‏ سكر+مكسبات لون طبيعيه
ماعكارة زمان البعكروها بموية البوغه ديك_لاحظ رغم إدعاء الحضاره وتغيير شكل الحياه_أصبح السرطان أقرب من الملاريه للناس والفشل الكلوي وإلتهاب المراره والمعده_
الظاهر موية أبوعشرين فيها مناعة مستتره

يا ابو مهدي داير تسوي عكاره ولا تورتا هههههههههههه

يا عم طارق ياحليل العكارة وايام العكارة تعرف مرة اتاخرت فى الونسة ووقت العشاء قلت ليهم شبعان ولما الساعة بقت اتناشر خلاص هويت والدكاكين سكرت صحيت طلحة قال لى ولا ربع رغيفة مافى مشيت التكل اكوس الريكة اكان ورقة الملح الفيها لقيت حلة فيها كسرة لقمة خاتينها للغنم ناشفة ليها قرف شلت القرفة ولا لقيت ملح ولا شطة التكتح المراة نايمة اتجهت الى الزير عجنتها واكلتها بشهية مكرونة باللحم الضانى تصدق

سراج الدين الفاضل كتب:

الظاهر موية أبوعشرين فيها مناعة مستتره

ياسلام عليك ياسلام
ذكرتني بي واحد صاحبنا
مابشرب الا مياه صحيه
ولا موية الترعة

اما المقادير مطابقة
للمواصفات والمقاييس
ولا لا
خلاص حانسجل العكارة
بي اسمك دا طبعا بعد اذن
الحبيب طارق حفاظا
علي حقوق الملكية الفكرية.

ودالبله يادهري ولزيز وحكاي
زكرتنا الكسهره المقرهبه والشيط البحكوه بالعواسه الأصلآ هي عقاب ملود
زكرتنا اللدايات وكورة الهبود البشحدوها للويكاب وعليها حبة دقيق بي فوق للفال الحسن
زكرتنا التكل الفيه طاقه تدخل غنم الجيران وراس الحمار
زكرتنا الجوع البحني الكدر
إت علاقة الجوع بالكدر شنو؟ غايتو أمثال عواليق بس

مصطفى البله على كتب:

يا عم لقيت حلة فيها كسرة لقمة خاتينها للغنم ناشفة ليها قرف شلت القرفة ولا لقيت ملح ولا شطة التكتح المراة نايمة اتجهت الى الزير عجنتها واكلتها بشهية مكرونة باللحم الضانى تصدق

ياحبيب الشغلة دي مع الهنقرة القلتها دي
الذا من اي هامبيرقر

ياأستاذ عوض قرعك دا حصل قيلت فيه وشلت كورة عكاره شربتها في الكتر؟

القرع تاااااااااااااانى
بدور تعكر لينا قرعتنا
مالك .
هو فى طين ؟
الدقيق بقى فى البقالة
الملوة تعدى اسبوع
يعنى ما كسرة اعكروها
بقت عظيمة .

اشكر الأخوة المتداخلين مؤخرا ..
عوض خياري
سراج الفاضل
محمد الطيب
مصطفى البلة
لكم التحية جميعا ...
وبعد أن اصبحت العكارة دليفري وتيك أووي .. قررنا .. عمل إضافات .. وتحسينات على أنواع العكارة .. وهي كالآتي : ـ
عكارة بنكهة الفراولة ..
عكارة بنكهة الكاكاو والشكولاتة
عكارة بنكهة الفانيليا
عكارة قليل الدسم لأصحاب الرجيم والسكري
عكارة كامل الدسم لأصحاب النحافة والباحثين عن السمنة ( طبعا مضاف اليها العروس لحظة تسمينها قبل الزواج )
وقريبا :
عكارة بالحليب والموز والجوافة
عكارة خلاصة ورق اللبلاب دواء مفيد لرشحات البرد
عكارة بالكريمة والبسكويت تأكل طازجة بالمعلقة

ولكن ننصح أخيرا .. بأن لا عكارة أجود وأحسن من عكارتنا المألوفة المعروفة وهي الأصل .. وخالية من أي اضافات ..

عكارة بنكهة الفراولة ..

اقتباس :

عكارة بنكهة الكاكاو والشكولاتة
عكارة بنكهة الفانيليا
عكارة قليل الدسم لأصحاب الرجيم والسكري
عكارة كامل الدسم لأصحاب النحافة والباحثين عن السمنة ( طبعا مضاف اليها العروس لحظة تسمينها قبل الزواج )
وقريبا :
عكارة بالحليب والموز والجوافة
عكارة خلاصة ورق اللبلاب دواء مفيد لرشحات البرد
عكارة بالكريمة والبسكويت تأكل طازجة بالمعلقة

سبحان الله ,, شوف العكارة اللقتا .. !!

ربطت حمارتا مع حمير الكتبة ... !!!

والله زمن ..

وليد التلب كتب:

سبحان الله ,, شوف العكارة اللقتا .. !!

ربطت حمارتا مع حمير الكتبة ... !!!

والله زمن ..[/quote]

ياوليد بطل الطمسة ..
وأزيدك في الشعر بيت .. توجد ايضا مربى العكارة بالقرع وتؤكل على الفطار سندوتشات

تعرف يا ود مامون يا صاحب الغذاء المضمون

قبل شوية كدا والبرد له صوت مخيف بالخارج مع الاشجار

قلت لام العيال : انا عايز لى عشاء لى يجى سنين ما اكلتو

الا وهو ,, عصيدة بى لبن ,, وبالفعل عملت العصيدة الاحلى من القصيدة

ولمن ضربتها , وفى النهاية جانى الحسكل او الحتروب واستمتعت باللقف

ضحكت ,, والمدام قالت لى مالك ؟؟ قلت ليها : هى دى ما عكارة طارق ذاتا ,, جات دليفرى .. !!

وليد التلب كتب:

ضحكت ,, والمدام قالت لى مالك ؟؟ قلت ليها : هى دى ما عكارة طارق ذاتا ,, جات دليفرى .. !!

الرسول ما حلوووووة ؟

عكارة مباشر ولا غباشة مكاشر
ودالمامون شكرا علي الكرم والبشاشه أمتعتنا بألذ طعم إن كانت كسرته فطيره أو خميره _إن كانت فتريتا أوهجين_إن كان عيشها جديد أو معاول_إن كان عيش مطامير أومن مخازن ودالجربان_
شكرا

عكارتك عينة ودالمامون
رايك شنو في عكارة الخلاطة
اتثقفت العكارة
ول اتخلفت الخلاطة

سراج الدين الفاضل كتب:

عكارة مباشر ولا غباشة مكاشر
ودالمامون شكرا علي الكرم والبشاشه أمتعتنا بألذ طعم إن كانت كسرته فطيره أو خميره _إن كانت فتريتا أوهجين_إن كان عيشها جديد أو معاول_إن كان عيش مطامير أومن مخازن ودالجربان_
شكرا

مشكور ياحبيب .. عكارة مباشر .. ولا ديك رقباني مشاتـــــر

كباشى خيارى كتب:

عكارتك عينة ودالمامون
رايك شنو في عكارة الخلاطة
اتثقفت العكارة
ول اتخلفت الخلاطة

وإنت تستاهل ياحبيب الحاجات العينة ..

لا إتعصرنت العكـــارة ..

احمد الماحي تاي الله كتب:

والله مشتاق لي البلد كل ما اشرب عصير موز باللبن في امستردام
اتذكر الهدي والغزازي والمناقل

شكرا ليك علي البوست الجميل الرائع

لك التحية الأخ أحمد الاحي
وشكرا على المرور والإضافة .. وعصير موز باللبن دا ذاتو ما من انواع العكارة بعد ما أخذت طابع عصري ..