مااجمل العيد بعيدا عن الابواب المغلقه وضجيج المدينه
الى حيث الخضره تقالدك حد البصر
والالفه تشاركك يومك كلو
والدهشه تفارقك تبارى الشفع وهم لمو مراحهم وشالو الراعى
والضحكه تصابحك بدرى شديد
...
!

!

صباح البيوت المفتوحه ولمه شاى الصباح المفقوده

وصدق من نظم شعرا فى الهدى

فيها ماتحب نفسك
فيها حل المشبكه
فيها آآذاااان ماغفل
فيها راتبا كالعسل

تغيب وتغيب وتجى يوم الوقفة
الدنيا عيد بس وكل سنة وانت طيب
حتى انت يا ود كدثر تغيب عن المنتدى كل دة
غاطس وين
فى القيس زى ال .........................
.و............................

لك التحية الحبيب عبدالرحمن
بعد غيبة إفتقدنا فيها كل أحاسيسك الجميلة
حمدا لله على سلامة الظهور .. وعيدك سعيد ومبارك وبخيت
بي كل لمة .. وبي كل لفة ..وبي كل شارع وزنقة ..
نقول ليكم جميعا . كل عام وكل الأعوام وأنتم بألف خير ..

تخريمة :
قالوا واحد إحساسوا غلبوا إتحملوا ويشيلوا .. أجر ليهو كارو

كل سنة والجميع بالف خير
عيد جميل وفى الهدى اجمل وله طعم ومذاق خاص
بطم ام فتفت ونكهة الشاى المنعنع

عيدك مبارك يا مهند
وكل عام وانت بخير
وكل عام وانت تفتفت أم فتفت
ونحن نشاركك العيد من خلال طعم أم فتفت وغيرها من المطايب
التحية لك ولكل الأهل