عيدكم مبارك
جميع اهل الهدى
عيدنا اكيد سعيد ومبارك بوجود الوالد اطال الله عمره فقد اكرمنا الله بان يكون حضورا انيسا بيننا ملْ العين والخاطر
فكان عيدنا ولا اجمل
فتكررت الزيارات والمسلمون عليه والوالدة فكان بحق عيدا سودانيا خالصا
لدرجة توفر مقطوع الطاري المابنقدر نجيب اسمو داك البهضمو بيه اللحمة (جانا مستورد يعني مامننا)
واحد المعارف والاصدقاء والذي يعلم عن الهدى بقدر حكاوينا له عنها وعن اهلها وظرفاءها فاحبها دون ان يراها
فاخبرناه مرة عن القلاليز كما يحلو لاخونا عطاءالمنان تسميتهم وتميزهم وتطلعهم للاحسن
وراي صورة الوالد عند زيارته للبيت الابيض وهذه هي الصورة


[ندعوك للتسجيل في المنتدى أو التعريف بنفسك لمعاينة هذه الصورة]
قال لي لو كان ابوك قليز كان قال الا يدخلوه جوة السور لي اوباما ويقول ليه نحن ناس الهدى جينا نجدد البيعه

ربنا يحفظهم ويعودو بكامل الصحه والعافيه [img][ندعوك للتسجيل في المنتدى أو التعريف بنفسك لمعاينة هذه الصورة][/img]

تحياتنا للشاب الجذاب
القصر الجمهورى اتخايل لى لو جيت جنبو بى كاميرا ممكن تتسجن

لك كل الاحترام اخي عادل وربنا يحفظهم ليكم ويطول في اعمارهم وتحياتي لهم وكل عام وانت بالف خير هم الزاد البنتزود بيه في حياتنا ربنا ما حرمكم منهم اخبار الاخ صديق شنو تحياتي له

العزيز عادل
عيدكم مبارك
ادام الله عليكم لمة الشمل.
بس خليتوا خشم الجماعه في السودان ملح ملح.
ابوك ده صبر معاكم لحدي الان كيف شكلكم وعدتوه بمقعد في مجلس الشيوخ نائباً عن دائرتكم - ما دام اوباما قريبو ده بقى رئيس ايه البمنعو يكون عضو.-.
ولا صاحب ليهو خواجه قدروا.
اللهم لا حسد لك التحية يالغالي و للوالد و الوالده وللاخ صديق و اسرته.
وربنا يجعل ايامكم كلها اعياد.

الحبيب ابو الطيب لك التحية ..
والتحية عبرك لعمنا عبدالرحمن خياري .. والذي أسعدني كثيرا التحدث اليه عبر الهاتف ..


وكل عام وأنتم الى الله بالطاعات أقرب .. وتقبل الله طاعاتكم ..
ولك التحية وأنت تبر بوالديك .. وإنشاء الله يبروك أولادك ناس الطيب وأخوانه ..

والقلزنة .. ياعادل هي مواقف ..يصنعها الإنسان .. ومافي أحسن من هذا الموقف ..

محمد الطيب ابراهيم كتب:

ربنا يحفظهم ويعودو بكامل الصحه والعافيه [img]<script src='http://img510.imageshack.us/shareable/?i=1410376d38.gif&p=tl' type='text/javascript'></script><noscript>[ندعوك للتسجيل في المنتدى أو التعريف بنفسك لمعاينة هذه الصورة]</noscript>[/img]

شكرا اخونا ودالطيب ياراجل ياطيب
عيد سعيد وكل عام وانت بالف خير
والسنة الجاية امانيك واماني الهدى محققة يارب

سلام ودالماحي وكل عام وانت بالف خير

اقتباس :

القصر الجمهورى اتخايل لى لو جيت جنبو بى كاميرا ممكن تتسجن

طبعا ياصديق الناس ديل مازينا واضحين في التعامل والارشادات في مكان ظاهر للعيان
تخيل حتى شارع الزلط فيه كاميرات ترقب السرعه وتصور السيارة ورقم اللوحة ويرسلوها ليك بالبريد عشان تدفع الغرامة والغريب انو بكونوا قبل مدة كافيه عاملين ليك تنبيه معناه هنا في كاميرة لتصوير السرعة
يعني ماممكن يخلوك تجي جنب البيت الابيض تصور وقبل ماتمشي يجي العسكري يقول ليك جيب الكاميرة بتاعتك لانو هنا ممنوع التصوير
طبعا الموقف ده حصل معاي وانا في بورتسودان بصور لقطات على البحر والعسكري واقف جنبي ماقال لي اي حاجة ولافي لافتة مكتوب عليها ممنوع التصوير او اي شي المهم بعد ماصورت وجيت ماش قال لي تعال هنا جيب الكاميرة دي لانو التصوير هنا ممنوع
وقلت ليه طيب ماكلمتني ليه
بكل وقاحة وعجرفة اصر الا اديه الكاميرة وطبعا رفضت وبعد ضياع زمن ومماطلات اتخارجت منه
ويقول الشرطة في خدمة الشعب
يعني الراجل عايز يشيل كاميرتي اوانطة لو بقيت زول مسكين ساكت
وياهو ده السودان
تقبل تحيات الحاج

شكرا اخي عزالدين
كل عام وانت بالف خير وعيدك مبارك
شكرا للمرور ودعواتك الطيبة تحياتك توصل للوالد
الاخ صديق بخير هو وبنياتو جانا العيد وتحياتك ستصل ان شاءالله
لك كل الشكر والتقدير