حلاة الجيه في الزمن الغلط شان تقدر ترجعنا للزمن اليصاح
وتنشلنا من عمق الدرك وتخلينا نشعر باندياح
وتعلمنا ليه ربطو الكرم وطيب المعادن بالسماح
وترجعنا لي ايام زمان وتقدر تعوضنا اللي راح
وترسم عليشفاهنا ابتسامه وغصبا تذكرنا الفرح
ما نحن في زمن الجحود ونستطعمو خبز وملح
وفجاة نرجع لي وراء ونحن لي اطياب ملاح
ما الريدة تنشر احاسيسا زي وشاح
وتغلب علي كل الغرور بي اكتساح
لابتعرفو فوات الاوان لابتمزح الجد بالمزاح
لابتنتظر اذن الدخول وتسكن الحجي بي براح
وتنسينا معاناة اللي فات وتبصرنا وهج الانشراح
ما الطيبة في الطبع الجميل وجعل استحالة من المتاح
والانهزام يرجع بعزم ويرسينا في مرفا الفلاح
انت من الكرام وخلي العفو مفتاح نجاح

شنو يازول جاتخلي الدواء وتفتح في الشعر . عموما مشاركه جيده

المواطنين في الصيدليه عملو لينا ضغط قلنا نرفه شويه