عجيب امر التجارة السودانيه فهي لاتقوم على اي احترام للزبائن والذين هم عصب التجارة وارباحها ولايهتم ولايحفل بهم البائع
ولو قارنا قليلا بين تجارتنا وتجارة الغير لتحسرتنا على تجارنا وتعاملاتهم واحب ان اسرد بعض التجارب والتي مرت بي شخصبا
من تجار لايدينون حتى بالاسلام والدين والدين المعاملة و في ا لحديث رجلا سمح اذا باع واذا اشترى ولاتوجد عندنا اي سماحة
في منتصف الثمانينات كنت في زيارة الي تركيا وتحديدا اسطنبول وما ان دلفنا الى المحل حتى استقبلنا صاحبه ببشاشه واصر ان نجلس وطلب لنا قهوة تركية المذاق وما ان عرف اننا من السودان حتى ادار المسجل بشريط نادر للكاشف فبهرت بهذا التكنيك التجاري البحت واشترينا غصبا عنا
ولكن بحذر شديد حتى لانقع ضحية حيلة ماكرة الى ان نقارن الاسعار ولم يخب ظننا فيه فكانت اسعاره مقارنة بالسوق مناسبة جدا ولم نكن ضحيته بل ضحية سؤ ظننا وتجولنا مرارا في الاسواق وما ان تطأ عتبة المحل سرعان ماتجد حسن الاستقبال والبسمة التي تدخل الاطمئنان الى قلبك
اما عندنا فحدث ولا حرج
لم تكن التلفونات كما هي عليه الان ان اردت ان تتصل خصوصا في الخرطوم عليك ان تتحلى بالصبر من الصف ومن اخلاق صاحب المحل فكنت عاده الجأ الى مكتبة في السوق العربي فعادة ما اسال صاحب المكتبة لو سمحت عايز اتصل تلفون
ياهو داك والاسعار جنبك من غير اي ترحيب بل بتجهم وما ان ترفع سماعة الهاتف حتى يضبط ساعته قبل ان تبدأ المحادثة
وترددت عليه مرارا وكنت ا حسب نفسي زبون مستديم ولكن
لاشئ تغير من تجهمه بل زاد عليه يوما يازول انت بتتصل كتير
طيب وفيها شنو مش بدفع ليك قروشك
آي لكن برضو
تخيل المعاملة
وغيرت الى محل اخر وكان هذا الكشك مخصص للاتصال لا لشئ اخر ونلوم انفسنا ايضا في فهم النظام فما ان تضع التلفون حتى تجد مالايقل عن عشرة ايادي تتخاطفه قبل ان يصل الى مقره فصاحب المحل بدلا ان ينظمهم حسب الدور صاح فينا شنو هو قايلنو ضلع مدخلين يديكم كلكم بتكسروا اللفون ده اسه بقفلوا منكم
وهو مصدر دخله
اتخيل المنظر
برجع ليكم في مواقف تانيه وح تتحيروا

اصلو دي حالم الحكايه دايره صبر والصبر زاتو نفد

هنا برضو المصريين يحيروك
وعندهم مقولة الزبون دائما على حق

ياحبيب ماتنسي عندنا عبارة عجبك عجبك ماعجبك اتخارج

ههههههههههههه
والله يا عادل يا اخوي
تجارتنا بس البقت تحير
اي حاجه عندنا بتحير
وفي الاكبر من كده
انت قول غلبك الكلام ساااااااااااي هههههههههههههههههههههههه
التجاره هينه كعب ال.......................
ماقلت ليك انت غلبك الكلام ساااي
كلو بتصلح
اصبر بس انت
انشا الله لسنه 200038497864756852443 بتلقي البلد كلو علي السليم هههههههههههههههههه
انت بس ما تتضايق وخليك صبور يا مان
ثم تانيه التجاره عرفنا دي حالا
اها البصلح حال البلد شو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

نحن ذاتو التاجر بندي علي راسو...( نحن شاحدنك مابي حقنا )

المسألة ما في التجارة بس.
بل حتي بعض الدعاة الإسلاميين يعتبرون أن مجرد الضحك هو إنتقاص للهيبة والوقار.
هذه مشكلة عامة تحتاج إلي دارسة تشخيصية.
الحل بسيط؛ يكمن في إقتباس الأخلاق النبوية إلي عالمنا الذي صارت المصالح هي الحاكم الأول فيه. ولكن عندما نقرأ السيرة النبوية نجد :
ما تروني فاعلٌ بكم؛ قالوا أخٌ كريم إبن أخٍ كريم . قال إذهبوا فأنتم الطلقاء.

محمد الطيب ابراهيم كتب:

اصلو دي حالم الحكايه دايره صبر والصبر زاتو نفد

اخونا محمد الطيب تسلم على المرور
شكرا على التعليق الموجز
لو الصبر نفد ماتنفد انت برضو
عسى الله ان يغير الحال للاحسن

صديق الماحي كتب:

هنا برضو المصريين يحيروك
وعندهم مقولة الزبون دائما على حق

سلام ابووحيد
تحياتي عزيزي التجارة شطارة والشطارة انك تكسب زبائن اكتر لانك ح تكسب قروش اكتر بديهي
ولما تكسب زبون وتقنعو من معاملتك ح يرجع تاني واحتمال معه اخرون

عوض خيارى كتب:

ياحبيب ماتنسي عندنا عبارة عجبك عجبك ماعجبك اتخارج

ده الخارجنا
وخرجنا من الجنة وصقطها
والكلمة الطيبة صدفة ليس بعض التجار يفهمون ولا اعمم لان هناك اناس طيبون ولو قليلا

حسن اسماعيل صديقي وود البيت
تشكر على المرور ومساهماتك الثرة

اقتباس :

ثم تانيه التجاره عرفنا دي حالا
اها البصلح حال البلد شو ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.

حال البلد بصلحوها الجماعه اصحابك
كدي ياحسن بالمرة ماتحاول تسال لينا واحد منهم لو يديك خبر صادق واكيد بما انو الانتخابات انتهت مافي مساومة تاني
هل ناويين يصلحوا البلد ولا كمان ح ينتظروا نتائج استفتاء الجنوب المعروفه سلفا

عثمان الشريف كتب:

نحن ذاتو التاجر بندي علي راسو...( نحن شاحدنك مابي حقنا )

سلام تربيع اي اس 2 وان شاءالله تكون وقعت ليك هههههههههه
فعلا نحن بي حقنا ماشاحدنو وعشان حقنا ده يبقى حقو هو حقو يصبر الكم دقيقة دي
ومفروض نتعلم حسن الطلب
دمت بود اخي
والتحية للاسرة الكريمة

سلام حسن

اقتباس :

اصبر بس انت
انشا الله لسنه 200038497864756852443 بتلقي البلد كلو علي السليم

باقي لينا كم من سنتك دي؟