في بلاد الله العديدة ما لقيت غيرك قمر
القي في رحابو السعادة وروعة الليل والسمر
يابلد ضما نا الفي إنشاء الله ما يغشاك شر
كيف أعيش من غير أمان وإنت الامان فائض يحر
بتزكرك شارع وشارع وبيت وبيت
بتراك كل ما يوم يمر
بتزكرك ونحنا ماشين للزرع
ضحوية تبدا مع الفجر
والناس علي باب الكريم
طربانه تسعي بلا فتر
وصوت لكويتية الجميل
والموية في الفنطاس تشر
والعم مهاجر كل صباح
واقف بوزع في التمر
نتمني كل يوم يكون خميس
نرجاه بفارق الصبر
والعم صلاح في الكرسي
في الشارع الكبير
والطلبة ما شه علي الفصول عالم يسر
واتخيل الناس في العصر
والمعزة راجعة من البلاد
سخلان تطعن في الفقر
وحبوبة في تحت القمر
بتحجي في أطفال صغار
أمونة والفيل الصغير وقصة الفارس نصر
يا غالية عات أنساك كيف
وعشتة فيك حلو العمر





خالص الوود

الرجل الهمام الشاعر عصام
تقبل منى فائق التحية والاحترام
احي فيك الوطنية وهذه الشاعرية
ما أجمل ان تكتب عن وطنك الصغير
قصيدة رائعة بروعة أهل الهدى
اثلجت صدورنا حقا كتبت فابدعت


أسال الله ان يجعل لك لسان صدق فى الاخرين
وبارك فى عمرك ورفع درجتك

مليون سلام وتحية
الحبيب مهند
خالص الود والتقدير تشكر ياغالي

علي المرور والتعليق فما جدوي الحروف
إن لم نعبر بها عن ما نحب ونهوي
ولا تنسي إنها الهدي



خالص الود