تناقلت الأخبار ..
في الأيام الماضيــة
نية مرشح الرئاسة المصري المرتقب ( توفيق عكاشة )
لضم السودان الى مصر .. وإرجاع جنوب مصر الى شمالها (أي السودان ).. وهو لايعترف بشىء اسمه السودان
والحكومة الموجودة هناك .. وقال ليس من الوطنية أن لانطالب بضم جزء إنفصل من الكل ..
وقال سوف اسعى جاهدا بعد فوزي في الإنتخابات بالمطالبة بضم السودان الى مصر ..

وأنا أستغرب..
وهو مستعجل ليــه .. اصبر شوية سعادة الرئيس المرتقب ..
الجماعة براهم .. جايبننا ليكم .. وشادينا من أذنينا ..
وفعلا إنه زمن المهازل ..
وأبشروا بطول الذل والهوان ..

تشكر اخى طارق

هذه حاتكون دعاية انتخابية ناجحة وقد تجلب له الاصوات
بدل حلايب يصبح الشمال
ونرجع تانى لى مشكلة الجنسية الزدوجة ومناطق مشورة شعبية وووو
اللهم ادفع عنا كيد الاعداء واكفنا شرهم ومكرهم

لك التحية الشيخ مهند
وفعلا هي دعاية إنتخابية .. لكسب أصوات الناخبين .. على الرغم من أن الرئيس المرتقب لاوزن له
ومن الشخصيات المكروهة ويحتل ذيل القائمة في اسماء المرشحين للرئاسة .. والذي وجد كلامه هذا إنتقادا شديد وموجة غضب من كثير من المنتديات السودانية .. وحتى في الأوساط المصرية ..
ولكن هذه وضحت لنا مايفكر فيه بعض المصريين تجاهنا نحن السودانيين ..

سلام اخونا طارق
عليك الله مش احسن لينا من الناس ديل على الاقل المصريين بياكلوا لكن بيصلحوا البلد
يعني مابياكلو براهم شوف بلدهم رغم انهم 83 مليون
متقدمين علينا
تعليم
صحة
جيش
نظافة
عمران
اي حاجة
ودة توفيق عكاشة الرئيس الي مش خ يفوز

بالله هسي انا والمصريين المعاي هنا تحكمنا حكومة واحدة ويضمنا بلد واحد.....غايتو مهازل والله

بعض المصريون اخوتي الاعزاء لا يحترمونا حتى....وان كنا بينهم يتحدثون عنا بالسوء وكاننا غير موجودين..قال بلد واحدة قال...امشي بالله كدا شوف ليك بلد تاني اتسلبط فيهو.....

لكم التحية الوطنية
يعنى مادائريين تبقوا أبناء النيل ؟

يلا كلنا نرفع شعارالامام عبد الرحمن طيب الله ثراه

السودان للسودانيين
لاشيع ولاطوائف ولا احزاب ديننا الاسلام وطننا السودان

اهديكم هذه النونية-
باســم الشهــــدا في دارفور بــاسـم الشهدا فــي رمضـــــــان
رفـــاق التايــة والطــــلاب ضحــايــا الطـلقــــة والبـنـبـان
ننـاشــد كــل سـودانــــــي بيــحمــــل ذرة مــن إيــمـــان
يـراجــع نفسـه من تــانـي يــحكـــم لــي ضميــرو كـمان
حـرام بلــداً يهــز ويـــــرز نــدمــرو يبـقــي زي لبنــــان
حــرام شعــباً وفي وصـبار يــلاقــي مصيــره كــالأفغـان
عــشان عــزتــنا نتــوحـــد وصـفنـــا يبــقــي كــالبنيـــان
نــزيــل الظلـم عـن دارفـور ونـمـســـح دمــعـــة الأحـزان
ونرسم لوحة فـي التاريــخ بـديـعـة تـجمـــل الأزمــــــان
تغني مهيـــــــرة بت عبود ونعـــــزف أروع الألحـــــان
ويصدح تاني مــــــن أول خليلنا يحاكي للكــــــــــروان
نعيش فـي إلفه متسامحيــن وننـسـي المـاضـي مهمـا كان
لا جــهــويـــة لا قبــليــــة لا عــرقـيــة لا ألــــــــــوان
أبـونا مساحتـه مليون ميـــل وأمـــنا عــــازة الســــــودان