الاعزاء اعضاء و متصفحي المنتدى كل عام وانتم بالف خير
السنين و الاعوام تمضي سريعاً و اعمارنا تسابقها بخطى اوسع و اسرع. تمض الاعمار ولا نشعر بها وينسل العام انسلال الشعرة من العجينة ولا تجد له اثر في حياتك، لا تلمس تغير اجتماعياً ولا مهنياً ولا اقتصادياً و دي مهمة لاننا متغربين.
اخر مره حسبت فيها عمرك قبل فترة وجيزه وجدته 40 مثلاً وتظل عايش عليها الا ان يفاجئك احداً بالسؤال عن عمرك فتتعتع 41،40،42، وعندما تدقق في حساب عمرك تجده 43 او 44، ولا تدري اين وكيف ذهبت تلك السنين و الاعوام دون ان تلحظ اثرها في حياتك سوى تلكم الشيبات التي تكاثرت على سدغك الايمن و الايسر.. و الحمد لله انا بنحسب عمرنا بالميلادي و لو كان بالهجري كان لحقنا امات طه.
اللهم طول اعمارنا و اعماركم في طاعته و احسن بالطيبات اجالنا.
و دمتم

اهلا وسهلا مرحبا
باخونا الهادي ومرحب بالعودة الطوعية والتي يزدان بها المنتدى لقلمك المتميز

كنا قاعدين نقول يادفعه لكن طلعت انت 44 و45 سنة بعد كدى مانقدر نقولها ليك
او نقول الهادي ده جاء المدرسة بعد ماسرح بالغنم زي 10 سنة كدة
على العموم يادفعة مدرسة ماعمر نتمنى ان يزيد الله في اعمالنا الصالحات وان يبارك في اعمارنا بان نعمرها برصيد ايماني ينفعنا يوم لاينفع مال ولا بنون

الاخ الغالي الهادي لك تحياتي وانت تعطر المنتدي بكلماتك ومعانيك الاصيله وهز ان دل علي شئ انما يدل علي اصالة معدنك وطيب اخلاقك فارجو منك عدم غيابك وكنت حينما اتزكر شخصيت الهادي محمد يحي وانت تحرس عرين منتخب الهدي اتزكر حامد بريمه واحمد ادم لك تحياتي

لك التحية الحبيب الهادي محمد يحيي
وكم نحن غافلون ..
وسارقانة السكينة كما يقولون ..
وتمضى بنا الأيام سريعا من غير أن ندري ..

وهل سوف تبقي علينا حكاية المغترب .. البشقي طول عمرو في بناية البيت .. ولما يرجع عشان يستقر ثاني يوم لرجوعه يحمل نعشه من الباب ..
ولقد قالها الطيب سيخة مازحا ... المغتربين .. يعتقدون بأن لهم عمرين الأول عمر إغترابي
والثاني عمر بعد العودة .. متناسين بأن العمر واحد ..

اللهم اجعل ماتبقي من عمرنا في طاعتك واتباع طريقك المستقيم...اميييين

الاخوة الاعزاء
ود المامون طارق ابو وضاح.
ود خياري عادل ابو الطيب.
عز الدين حسن محمد.
الصادق الطاهرخالد.
الترتيب حسب العمر.
لكم التحية ومشكورين على المرور
الاخ طارق رغم ان الناس شيفة السكينة الا انه مغمضه عيونها ، و ما بنتعظ بغيرنا و بنصر على الاغتراب الى ان نساق منه مكرهين بقرارات دولة الاقامة او نهاية العمر. يعني لما الواحد فينا يكون ماشي بجاز المصافي يلا بع داك يفر في الاستقرار.

الاخ عادل نحنا قلنا 41،42 طوالي اديتها كوز عملتها 45 - انت فاكرها حلة العزابة في بيت بري ولا شنو - نحنا ضربنا مثل بيكم انتو ما انحنا.عموما نفتخر بدفعتك ونعتز بعتز بكل من زاملنا.

الاخ عز الدين اشكرك على الاطراء و استذكار الايام الجميلة ايام الكورة والا هم ، وكم نحن تواقون للمة تاني في الهدى.

العزيز الصادق الطاهراشكرك على المرور و الدعوات الطيبة امين. اين الاخ محمد الطاهرله التحية و للاخ محمد احمد الحسن.

الله اديك العافية
جهجهتنا
خليتنا
نضرب ونحسب
تراهو العمر ماشي
ان شاء الله ربنا
اكتر من العمل الصالح