اهلى وعشيرتى

ماكان الغياب إلا فترة إستجمام نلملم فيها ما تبقى من خيوط الامل

للعيش فى هذا الوطن الجريح،،،

وانقل لكم واقع مرير او صوت شباب تسيطر على افكاره نزوة الرحيل ،،،

... وكل منافذ الوطن أضحت مداخل للخروج منه،،،

إنه صوت قادم من غياهب جب الأعماق البعيده-

صارخآ ممتدآ عبر احاسيس كثيره ومتداخله

-إنه صوت الحنين والأنين -إنها لوعة الحزن

-والتسكع بين دروب الأمل المتعرجه

إنه تفكير بصوت عالى ينقل لكم إحساسى و

إحساس كثير من الشباب الذي انطفأت عنه القناديل متمسكآ برقراق ،،

يمده بأتساع البقاء ،،طاردآ هواجس اليأس ومتاهات الظنون

بأن لا مفر سوى الهروب من لسعات هذا الواقع

أنا اعلم تمامآ أن ليس فى اوردتنا ما يكفى لنزيف آخر

الآن وطنى يصرخ ويئن من وطأة احبار الكذب

-الكل منهم يتسابق لإصدار -اعلى ضجيجآ

-بأنهم هم من رفعوا هذا الوطن -نعلنها عاليآ بأنهم

اوصلوه الى هذا الدرك السحيق من البؤس والكآبه

- كيف لا وقد اختار معظم ابناء منطقه الهدى الهجره الى اسرائيل ملاذ آمن

والبعض ينوى السفر

قبلها كانت موسم الهجره الى لبنان والآن (ليبيا فتحت)

اصبحنا نفتقد حاسيه الإنتماء وطعم تواجد هذا الوطن جوانا

الانسان فى وطنى يكافح ليل نهار ولا يكفى حاجه اسرته

هل تريد منه الصدق في تعريف إنتماؤه لهذا الوطن!!!!!!!!!!!!!!!!

بلد من 56 و عمرها الآن

55 ومعاقه ذهنيآ

قتلة الأمل في هذا البلد يمرحون ويلهون ناسين بأن هناك رب يمهل ولا يهمل


ونحن نتساءل من الذى يغرس فينا ذلك الوجع ثم يمضى غير آبه بنا ؟؟؟


من أين تنبت تلك النبته التى نظن أنها تغذينا وهى فى الحقيقه تتغذى علينا ؟؟؟

هل نحن انفعاليون حتى التهور؟؟؟

او غرقى حتى التعلق بقشه؟؟؟

تساؤلات تجيب على تساؤلات!!!!!!!!

الكل يفكر فى السفر أنا قمت بأستطلا ع وبدأت بنفسى

فكان السفر هو الملجأ الوحيد

الكل يريد أن يتسلل ويسجل هدف صحيح يغير مجرى حياته

واخيرآ

هل هناك بريق يومض بهدوء؟؟؟

واخيرآ
واخيرآ

سافر مطارات الوداع ضجت قدامك وراك نيران

الاخ علاء
حمدا لله على سلامة الظهور من جديد
الكلام الكبار كبار ده شنو
يازول آخيرا انك ظهرت ودة البهمنا في الموضوع لكن موضوع الوطن ده حاجة تانية
اي زول عايز يتخارج ودي حقيقة واي زول يجي من السودان حقيقة مابطمنك ويديك اخبار ضبابية
او قل رمادية جدا وفي اغلب الاحيان سوداء جدا جدا
وربك يسهل بس
خليك قريب محتاجين ليك بشدة وعايزنك في حاجات كتيرة

عادل خياري كتب:

الاخ علاء
حمدا لله على سلامة الظهور من جديد

خليك قريب محتاجين ليك بشدة وعايزنك في حاجات كتيرة

تسلم من كل شر يا عادل

اوعدك ان شاء الله اكون قريب

نحن احوج للمنتدى منا

مراسلنا علاء صديق وييييييين غبت ؟؟ طولت شدييييد...مشتاقين لصورتك وانت لابس السديري بتاع المراسلين داك....هاهاهاهاااااا

رحلة اللا عودة
رحلة محاطه بالمخاطر
وتجار الاعضاء البشرية
بدون خجل إسرائيل
حتي لوحة الكتابة
تابي ان تكتب حروفها
ياصديقي اضف الي قائمة
التساؤلات
ماذا نحن فاعلون ؟
هل ندعهم يبحرون
باشرعة الضياع؟

elsadigeltahirkhalid. كتب:

مراسلنا علاء صديق وييييييين غبت ؟؟ طولت شدييييد...مشتاقين لصورتك وانت لابس السديري بتاع المراسلين داك....هاهاهاهاااااا

يا دكتور كيف الحال يا حاج
ياخ ما وريتك (السديري ) راح
واحد من الاخوة الظريفين قلت ليهو عندي جكت ضاع منى فتشت ليهو البيت (زنقه _زنقه)
قال لي افتح باب الحوش واكتب (جكت) واعمل بحث

عوض خيارى كتب:

رحلة اللا عودة
رحلة محاطه بالمخاطر
وتجار الاعضاء البشرية
بدون خجل إسرائيل
حتي لوحة الكتابة
تابي ان تكتب حروفها
ياصديقي اضف الي قائمة
التساؤلات
ماذا نحن فاعلون ؟
هل ندعهم يبحرون
باشرعة الضياع؟

الاخ عوض
وينك ؟ يازول الحقنا (السخلان بشتنن بمحمد عصام

أما بخصوص التساؤلات
لا أخفى عليك بعضهم ارتكب مخالفات خاصة الهجرة لاسرائيل
لكن الارقام كبيرة لهجرة الشباب
في السنوات الماضيه

ياسيد علاء بركة الجيت بركة الجيت
اول حاجة عايزنك توضح لينا في موضوع منفصل موضوع الاجلاس هل فعلا وصلت كنبات لمدارس الاساس
واي جهة داعمة لهذا المشروع هل تم بدعم شعبي من ابناء المنطقة جهة حكومية جهة خيرية على الاقل من باب الشكر والعرفان والعرفة بالشئ ولا الجهل به حتى ينزل بوست كارب شكر وعرفان لمن قام بهذا العمل الجليل وحتى لانكون نكارين جميل ومن لايشكر الناس لايشكر الله
ثم ثانيا موضوع قافلة وزارة الشباب والرياضة فعلا تم استلام دعم الاندية ولا استهلاك سياسي زي زيارة الوالي زمان وماهو نوع الدعم تفصيلا
وكم عدد الاندية التي استلمت
ومنتظرين اخبار من المستشفى اخونا محمد الطيب كتب عن موضوع الصرف الصحي والدعم السخي من اولاد السجانة والمقدر ب 15 مليون ج هل تم اكتمال المشروع والصرف الصحي والحمامات شغالة مية المية
ثم ثالثا موضوع الظلط الجديد فيه شنو هل الاليات مازالت موجودة في الموقع ام تحركت من المنطقة وماذا اُنجِز حتى هذه اللحظة
رابعا موضوع محو الامية التقنية معلوم ان المكان جاهز بالترابيز والكراسي وعدد 5 كمبيوترات
هل هناك اي عوائق لعدم ضربة البداية
خامسا عارف تقلت عليك لكن غايب من زمان ومالامين فيك والاخبار مقطوعه
نرجع ل خامسا
الشدر والخلا ولا الرفيق الفسل (اين وصل التشجير)
ماعايز اكتر
وبرضو ممكن الاستعانة بصديق او الجمهور بس مامعانا حذف اجابتين

quote="عادل خياري"]ياسيد علاء بركة الجيت بركة الجيت


موضوع قافلة وزارة الشباب والرياضة فعلا تم استلام دعم الاندية ولا استهلاك سياسي

زي زيارة الوالي زمان

وكم عدد الاندية التي استلمت


موضوع الظلط الجديد فيه شنو هل الاليات مازالت موجودة في الموقع ام تحركت من المنطقة وماذا اُنجِز حتى هذه اللحظة

الشدر والخلا ولا الرفيق الفسل (اين وصل التشجير)

اولا سلام من جديد أخ عادل المهموم دوما بقضايا الوطن الصغير

ثانيا بحذف ثلاث إجابات

المدارس ــــــ المستشفى ــــــــــ محو الامية التقنى ــــــــــ بحكم بعدى واترك المجال للأخرين

موضوع قافلة وزارة الشباب والرياضة فعلا تم استلام دعم الاندية ولا استهلاك سياسي

تم بالفعل كما وعد الوزير وحكومة الولاية

نرجع لمجهودات الأخت مسره

وماهو نوع الدعم تفصيلا

زى رياضى (شورت ــــــ وفانيلا ) وعدد 3 كرة قدم لا غير


وكم عدد الاندية التي استلمت

14 نادى منها 10 فرق الهدى بما فيها حى النور وحى

نور الجليل و4 من القرى التابعه للهدى

موضوع الظلط الجديد فيه شنو هل الاليات مازالت موجودة في الموقع ام تحركت من المنطقة

يا حليلك يا سيــــــــــــد الأستاذ قال اقلب الصفحه لا لقينا ظلط ولا لقينا آليات

وماذا اُنجِز حتى هذه اللحظة

ردمية جاهزة فى إنتظار السيد الاسفلت

الشدر والخلا ولا الرفيق الفسل (اين وصل التشجير)

انقطع الدعم وآخر 6 شتلات قلنا نختم بيها المشروع ولو لفترة مؤقتة

الأخ عوض ظبط ليهم حظيرة جميله جدا من ( القنا الخالص )

وللأسف دخلت عليهن غنماية واصبحن خاويات على عروشهن

وضربنا كفا بكف على ما انفقنا فيهن