هذا البوست للاعمال والقصائد التى كتبت فى الهدى وتوثيق للهدى
وتوثيق لكل من كتب فى الهدى ومنهم عمنا عبد الرحمن خيارى
والنور محمد البشرى وحسب الرسول مصطفى وسراج الفاضل
والصادق عكاشه وعاصم الطيب
وعماد خالد على سبيل المثال لا الحصرونرجو من الاخوة ان يسعوا
لتوثيق هذه الاعمال فى هذا البوست واعمال كل من تغنى للهدى
الكثيرين هم الذين تغنو للهدى وعلى راسهم ود البشرى :-

الهدى يا هدى المتقين
تفرح القلب الحزين
فيها راتبن كالعسل
فيها اذان ما غفل

الاستاذ عماد خالد تخيلت اني في عصر الجاهليه من جمال هذه القصيده الواصفه الي ابناء الهدى الكرام البرره ونريد المزيد من هذه القاصيد التي تتحدث عن الهدى وتاريخها الحافل

اتحنطرت بى ريدالهدى السكات



من بيت حسن الخباري الفوق لاعبداللة اخربيت
من بيت حسن بلة الكبيرلي اللية كان في يوم مشيت
بتشوف عجب.الناس تقالدك بس كانك انت دا المفقود وجيت
بتقول كضب كان شفت زي ناسناولقيت
لكك.طيبين.روش.مربوعنايعمل دستة في نص اركويت
لجنتنانحن تقوم براها مااتجمعنا.مااتلمينا لي تصويت
لحمتنالوطبخوهامابتنجض وكان اكلوها مابتقيت
سعرالجزمه نص الكيلو.اتاخرت مابتلقى التسوي ربيت
العيش نبيعو وناخدوبالاضعاف.تقول زي ناسي ديل لاقيت
مباهج الدنياماليهم ولاببارو البقول سويت
صعاليكنابره الحله يوزنو في الادب سادات
ساداتناساعة الحوبه يزرعوفي القمر رايات
وبناتنازي شمس التهاني الفي الشروق غنيات
جنياتنا زي صقر الخلا الفي الداره حلق وفات
مزارعيه وزراعه تسوي ضغط الدم
وياالمشروع وكت تتحلل الجثه بتفوح ريحات
شنو البوجع وكت تتخشب الراحات
شنوالبفرح وكت تتقفل السكات
بلد هدايه راس المااتولد بي راس
بلد كل اليجوها بخات
ونحن بلدنا ما بتلد الطرور الفي المحن لفات
بلد والده البسامحو دوام ومابتدنو للواقعات
ولافينا البمد ايدو ولافينا القطع رحمو ولافينا الخذل جارات
هناالافراح عموم الناس بتسهم فيها مابنوزع الدعوات
هنا الاتراح ولابتعرف منو المحزون وكل الحله هيلة المات
دي بلد الصحه حسن البيئه والتنظيم جمال ساحات
بنات الصحه مجتهدات ولابمرقن من المكتب ولا في منهج الصحه عمل ميداني للضابطات
هدي المستشفي شفايه مامختوته للهينات
ومي داب فلقه مي داب حمى واسهالات
جزم مبنيه للاخظر.جراحة الكليه والجلظات
منو الفكر يوظف عونها الزاتي ويجيب اسمنت كم سيخات
بلد موجوعه بتوجع
بلد مسكينه بتمسكن
بلد نوامه بتنوم
سنين ودنين حلولنا سكات
وياالتعليم وكت تتقطع الاحشاء
وياالواجعاه كلمة اصلو مافي ولاء
ويا الوالدين ولابتحسبو غير القفه وللا دوا
ونعم الله منها نجابة الابناء
شنو الحامينا مانسكت وكت ننضم نكون اعداء
قصاد كم طالب الكنبه وقصاد كم طالب الواطه
منو التابع سلوك ولدو ومنو الراجع دروس احياء
وكم ولى امرزارو المدرسه وجو يصلحو العوجا
سنين ودنين حلولنا سكات
انا اتحنطرت بي حب الهدى السكات
انا اتدوبلت بي ريدكم بتين يتصلحن عوجات
انااتحنطرت بي حب الهدى السكات
سراج الدين الفاضل

وطن نفتخر بإنتمائنا له ونحلم له بالرخاء والامن_وطن الحب فيه فطرة بين الناس مسكوب_وطن نشتهيه إن غبناعنه ولانمله ونحن فيه_وطن أبناءه مفخره والمرأة فيه كماالرجال شهامة ونبل _وطن أطفاله ألق _الهدي (قبلة الانظار ياأرض الهدي)

جميل ورائع ياالمتحنتطر بالسكات
وياريت تواصل وتكتب للهدى
كما كتبتا للهدي القصيده التي
يتغنى بها الكبير والصغير فى الهدى
انا تاني جيت لي مدني
وياريت تنزلها في هذا البوست

الشيخ عماد _حلوه الشيخ دي _مااجمل ان تجمع بين حلاوه الشعر وشهد البيان وتلاوه القران شيخا في الخلاوي ورع _مزيدا من الابداع

الشيخ عماد _حلوه الشيخ دي _مااجمل ان تجمع بين حلاوه الشعر وشهد البيان وتلاوه القران شيخا في الخلاوي ورع _مزيدا من الابداع

ايها الاحباب السلام عليكم ..ومتعكم الله بالصة والعافية
لا شك انها متعة حقا
ولا شك ان الحبية
تستحق ان ننشدها من الشعر حلاوة وطلاوة
والهدى تلهم مرهفى الحس من امثالكم
لتتناثر الدر المصون
شكرا لكم وقد تفجرت ينابيع الشعر والموهبة فيكم
والشعر من نفس الرحمن مقتبس والشاعر الفذ بين الناس رحمن
ودمتم لهداكم ذلك العشق..ومصدر الالهام الشعرى
ودمتم
زيادة عبد الباقى محمد الفضل
ابو محمد

الاخوه الكرام
الجميع يتفانا في التعبير عن حبه الهدى ذلك الكيان العظيم المترابط.
ولكنا تعجزنا البلاغة عن بوح عن مافي الدواخل.
كل كلمة يكتبها مبدع هي لسان كل اهل الهدى ، وبنشتاق للهدى ونحن فيها فما بالك في البعد.
التحية للاخ عماد خالد و القصيدة الرصينة.
التحية للاخ سراج الدين الفاضل وغير مستغرب هذا النتاج الجميل لانك من اسرة مبدعة على مدى اجيال، لك التحية مكرراً ونتوقع مزيد من الحنطرة و الدوبلة من درر الكلام.

اصلا استاذ عماد ما شاء الله عليه شاعر متمكن .... لا انسى له ابدا القصيدة التي قدمها لي في يوم زفافي.... مشكور جدا يا اخي العزيز وتحياتي للمدام والاولاد....

احماع الهدى
الشاعر مصطفى حسب الرسول


اجماع الهدى
اروع من كدا
لو تختارو زول
ماهل ما عجول
صادق مطمئن
عاقل متزن
يفهم ايه يقول
يبدا يبتكر
يسهم بالحلول

لكم جميعا كل الود فيما قدم,,
الاستأذ /عماد خالد لك .. قصيدة رائة بمعنى الكلمة
جزيت خيرا على فضل اتيت به@@لكم بمعروفكم فى الصالحات يد
أسأل الله ان يجعل لك لسان صق فى الاخرين
وان يجعلنا جميعا من ورثة جنة النعيم

سروري من الدنيا اجتماع أحبتي *** وغاية مقصودي إجابة دعوتي
ألا أيها الأحباب زوروا وشرّفوا *** لتزداد أفراحي وتحلى مسرتي

رأيت الطيور على الأغصان شادية *** فهزني شدوها وقلت ما الخبر
فقالت هي للأفراح في أرضكم نزلت *** فقم وخي من لها حضرو

يا مرحباً ترحيبة كلها نور *** ترحيبة مهدينها لمجتمعنا
بوجودكم يبدي لنا عز وسرور *** وحضوركم يكمل بقية فرحنا

رق النسيم ومالت الأغصان *** وبلبل السعد غنى أجمل الألحان
فيا أهلاً ثم سهلاً ومرحباً *** بمؤنس السعد ومشارك الوجدان

Every mind likes celebrations. It gives more pleasure & memorable moments. Today is One of that day. So enjoy it & feel the moments. Have a Nice Day.

وقوما ءازا ضربو بالنعالي********* اشتكت النعالو بما تهانو

adris ali albashir كتب:

وقوما ءازا ضربو بالنعالي********* اشتكت النعالو بما تهانو

قولها كدى بالهندى
تحياتى لود على ود البشير

يا عوض ادينى الرابط بتاع الاذاعة

ام المدائن



الهدى يا ام المداين
ياست الاماني السرمدية
يابت الحلال اذكريني
وبردي الاشواق عليا
ديمة فاكرك وماني ناسي
انك انتي ياغالية ليا
انتي جوة قلبي ساكنة
وانتي دائماً فيني حيه
انسجي الريد الخرافي
واكسي بيهو روحي البهية
خليني اعيش في الدنيا هادي
وافارق الهم والاسية
يا هدى في رحابا تهنا
وياما تاهو قبلنا مية
تهنا في حبك سكارى
وبعنا يا ستي القضية
ما اصلو نحن غمرنا حبك
وحبك انتي في الروح سجية
وديمة شوقك لينا واصل
من دغشنا ولي العشية
الحنان الشفنا منك
باني روحنا المعنوية
ما بنشوفو في حتة غيرك
ولا بنلاقاهو في اي قرية
ذكرياتك فينا خالدة
الراتب وشاي المغربية
وكرم لضيوفنا حافل
الدواوين فاتحات تكية
استقبال بي حفاوة
وقلوب صافية ونقية
ما بنكش من ضيفنا ابداً
ديمة ضابحين السعية
الكرم مطبوع جوانا
ومختوم بالمحبة الاحمدية
وكل ما ننوي لمدحك
باشعار صادقة و وفية
يعجز شعرنا عن مديحك
وتعجز حروفنا الابجدية
ما انتي اصلاً في الدنيا جنة
ومقامك عالي في الثريا

وليد محمد علي