صاد المريخ ..اربعة افيال من ابة ام بارونة بجزيرة الفيل بود مدنى
الصيادون هم على التوالى
1/ اديكو..
2/ كلتشى ..
3/ بدر الدين قلق...
4/ اديكو ..
بهذا يكون المريخ متصدر
وامير على فرق الممتاز
..

لم يتخلى الجزار صالح سنار
عن عادته الزميمة فى اللعب على ارجل لاعبى المرخ
وتبعه فى ذلك الجزار الصغير خالد جوليت
طبع ديل خريجى سلخانة المعلم فوزى
...

هتفت جماهير المريخ ..
الليق ...الليف ..يا عواليق..
المقصود بالكلام صالح سنار وخالد جوليت
(الصعود الى الهاوية )

استهداف المريخ ..
بدا بالكارت الاصفر
لباسكال والحضرى
وجا يجى حكم ينذرهم فى واحدة من المباريات القادمة
حتى لا يتمكنا من مباراة المقبرة
ويحرمونا من الصعود على القائم الشمالى
ورفع علم المريخ
..

زيادة عبد الباقى كتب:

صاد المريخ ..اربعة افيال من ابة ام بارونة بجزيرة الفيل بود مدنى
الصيادون هم على التوالى
1/ اديكو..
2/ كلتشى ..
3/ بدر الدين قلق...
4/ اديكو ..
بهذا يكون المريخ متصدر
وامير على فرق الممتاز
..

كويس إنكم عارفين حجمكم الطبيعي ويـن .. ؟
تصادوا افيال في غابة ام بارونة
او تشركوا للطير .. أو تصادوا سمك في ترعة الكريبة ..
المهم الهلال يحتل صدارة الفرق لهذا الشهر .. حسب تقرير الفيفا ..
وفعلا هنالك فرق ......

زيادة عبد الباقى كتب:

صاد المريخ ..اربعة افيال من ابة ام بارونة بجزيرة الفيل بود مدنى
الصيادون هم على التوالى
1/ اديكو..
2/ كلتشى ..
3/ بدر الدين قلق...
4/ اديكو ..
بهذا يكون المريخ متصدر
وامير على فرق الممتاز

..

‏ ‏
ما شاء الله
صيدة كبيرة
الفيكم إتعرفت
هههه هههههههه هه

صيد سمين والحمد لله ثلاث نقاط واربعة اهداف وصدارة الفرق كم يا أستاذ مضوي؟

الحبيب طارق
تحياتى ..
ماتنسى الصيد السمين فى معركة ذات السكوهة ..
احتليتو الرابع ...(بالهمشرة)
ولو احتليتو الاول
برضو نحن صدناكم..
بسهم الكوبرا...

الاستاذ مضوى
تحياتى ...
بلغة الارقام..
لو قسمنا غلةالصيد (60 نقطة )
على غلة المبارة الواحد 3نقاط
يبقى صدنا 20 فريق...
اولها هلال الصحراء
ثم هلال الثغر
ثم هلال الجبال..

الحبيب الطيب ...
جندلنا عشرين فريق ...بالتمام والكمال
خدمة يمين وعرق جبين...
لا فيها همشرة ...
لا اتحاد...
لا تحكيم ...

زيادة عبد الباقى كتب:

الاستاذ مضوى
تحياتى ...
بلغة الارقام..
لو قسمنا غلةالصيد (60 نقطة )
على غلة المبارة الواحد 3نقاط
يبقى صدنا 20 فريق...
اولها هلال الصحراء
ثم هلال الثغر
ثم هلال الجبال..

استاذ زيادة
سلامات
الارقام ما في صالحكم
10ممتاز للموج الازرق
مقابل 5 للوصيف
وخلي بالك خمسة تتالي للازرق
وخلي بالك وهناك فوز بفارق
18 نقطة
تحتاجون لمعجزة
وكمان اول افريقيا والعرب
لاربعة شهور متتالية
بشهادة الفيفا
عظيم انت ياهلال
ومبروك ليكم الممتاز للمرة السادسة
وكمان بسبعة محترفين من العيار الثقيل والحصاد ممتاز والله دا فرح الغلابة والله يديكم

استاذ مضوى تحياتى ...
المريخ هزم الهلال 8 مرات على التوالى ..
المريخ فاز بكاس الدورى دون هزيمة او تعادل (علامة كاملة)
والمريخ فاز بكاس الدورى دون هزيمة وبتعادل واحد فقط
دى انجازات غير مسبوقة ...
والمريخ هو الفريق السودانى الوحيد
الذى سطر اسمة فى بطولات الكاف
كاس الكؤوس الافريقية ..الزعيم مانديلا
وكاس سيكافا ون وسيكافا تو...
وكاس دبى الذهبى ..
وكاس جوبا مالك علي...
بمناسبة انك متصدر العرب اربعةشهور نهديك ..كلام ترباس
القال فيهو ...مشيت اشرب موية جيت لقيت الهلال مغلوب سته...
سته اهداف فى ربع ساعة ...
هانت العروبة حتى تصدرها (داريوكان وسادومبا)

الاستاذ
زيادة تحياتي
با الله الكلام دا كان سنة كم
غايتو بقيتو ناس كان يا ما كان
وحجيتكم ما بجيتكم
غايتو هسه كان مشيتو افريقيا
الا تقول نحن من بلد الهلال
وعظيم انت يا هلال
حاليا انتو وين في افريقيا
الان الان الان الان
علي أسوا الفروض
الهلال رابع افريقيا
وعظيم انت يا هلال
والمريخ علي احسن الفروض
في المركز 33
وعلي اسوأ الفروض
في المركز 64
وعظيم انت يا هلال
انت عارف لو بيصعد للبطولة الكبري الضعفاء كان المريخ صعد زمان
لذا ما زال المريخ محلك سر
وعظيم انت يا هلال
الان الان الان
احد الاربعة الكبار
فليفرح السودان بالهلال

استاذ زيادة
نحكي ليك طرفة
واحد قال للاخر ناس المريخ ديل فصاحتون دي ما دايرين يخلوها
رد الاخر قال ليهو
لو جرينا انا وانت من السوق العربي في اتجاه جبل اولياء واحد وقع في ابوحمامة والتاني وقع في تفتيش الجبل دا الفرق بين الهلال والمريخ كمان ممكن تضرب 4 في 16
والله يديكم العافية

استاذ مضوى ..سلامات
الماعندو قديم ما عندو جديد
والنسى قديمه تاه...
والان الان المريخ متصدر الدورى فارق كبير من النقاط
ومتصدر هداف الدورى بفارق كبير من الاهداف
واحسن دفاع ..قياسا بالاهداف التى ولجت مرماه...
وبهزيمة واحدة فقط....
وده السجل الداخلى الان الان الان...
اما السجل الخارجى فانت حتى الان لم تصل لما وصلنا اليه
من انجازات اللهم الا كاس بنى (يأس)..اى الياس من تحقيق انجاز خارجى
تحمونا بيه القعدة فى السودان...
عشان كدى ظهرت طريقة الهلال الجديدة فى الوصول للكاس
طريقة الهمشرة...
ومنتظرين نشوف حا تعدوا
خور (اربعات ده كيف )

الاستاذ مضوى ...سلام..
بعد المسافة بين ابو حمامة وجبل اولياء
كمقارنة بين المريخ والهلال فيها ظلم واجحاف
للزعيم...
فلو بدينا المقارنة بالاستاد
بين الرد كاسل وزريبة العيش
لتيقنت ان المسافة بينهما
كالمسافة بين السماء والارض
والسماء دائما مرصعة بالنجوم..
عشان كده كل مل يمر الاهلة بالرد كاسل بيرددوا مع ابو السيد
انت السماء بدت لنا واستعصمت بالبعد عنا...

حارس المريخ العالمى ..عصام الحضرى
تم اختياره..ضمن منتخب افريقيا الذهبى ..
وحارس الهلال (المزل)
ما زال يمارس هوايته المفضله
فى الضرب بالبونية
واخرها ضربه للاعب الاهلى شندى ...فرانسيس..
فرق يا استاذ مضوى ..

يقال حدث في يوم ذات السكوهة ان احد الهلالاب دخل بيته وهو مشدود الاعصاب محمر الوجه . وكان يتكلم بصوت مرتفع جداً ( الجماعة ديل كرهونا حياتنا نخلي ليهم البلد دي ، كل يوم جايبن واحد جديد يلعبين ويجهجهنا) مرتو سمعت الكلام قلت ليهو تستاهلو عشان تاني تصوًتو للشجرة قاليها انت عارفاني انا قاصد منو . قالت ليهو ما الرئيس بعني منو الكرهكم غيرو قاليها ياولية ياولية انا بتكلًم عن سكواهاوووووووووووووووووووووووووووووو.

ياعمى زيادة لك التحية والاحترام مبروك عليكم الدورى وكاس السودان نحن ما فاضين نجرى وراء الحاجات البلدى دى نحن مع كبار القارة حبيبى تصيدوا فيل فيلين من امبارونة ولا تصطادوا سمك بصارقيل من ترعة بيكة لكم صيدكم السمين الذى جاء بسبعة اجانب ومع جزيرة الزمالك

ود البلة ...
حباب الطلة...
كبار مين يابا انت طيش الجماعة ديل ..
خدمتك الظروف والهمشرة....
لا خدمة يمين ولا عرق جبين...
ان تكون صيادا...ان شاء الله من ترعة الواصلاب ..
افضل من يصيدوك من مجرى فى شتدى ..
وياهو المك فيصل موسى ...
او يصيدك التمساح من النيل الازرق فى الحصاحيصا
او تصيدك الكوبرا الزامبية فى الرد كاسل ...
تقولى كبير .....
تخريمة ..محترفين ضارين ..
اوتو كنب 2مليون وهدف..
ابراهيم توريه...(عدو..سيدا) وتحانيس الاعتزال المزعوم..
الكوبرا الزامبية سكواها
فى الهلال سواها (اثير الغرام يا قلبى )
15 هدف ..اختيار لمنتخب بلاده...
اديكو ...بكائية تزوير التسجيل فى صحافة النضليل
8 اهداف خلال 8 مباريات.....
ويا ود البلة ..
بكرة بجى الخريف واللوارى بتقيف..
ونشوف منو البكوس الغراب عشان
(اجزو )
تخريمة ...(مصطفاوية )
اسعدنى مرورك ...لانك من الرعيل الذى تسلح بتثقيف عقله بوسائل متعددة
وانت احد اضلاع المثلث (السمانى والمهل )
كنتم تحبون الاضطلاع ومتابعة تلفزيون السودان فى النادى
وتفوقت مع السمانى فى الانجليزية...
نتمنى ان تعصر لينا الخلاصة فى المنتدى ويبقى زاد فى سكة السفر الطويل
دمتم ...

عمى زيادة تسلم ياحلو يا امر بعد المسمار بتاع الترجى ما عندى رد على كلامك خلاص كمل الحديث اجدع ياعم ولا يهمك وكل عام وانت طيب ومبروك عليكم اى حاجة مطروحة فى الساحة ودمت

زيادة عبد الباقى كتب:

صاد المريخ ..اربعة افيال من ابة ام بارونة بجزيرة الفيل بود مدنى
الصيادون هم على التوالى
1/ اديكو..
2/ كلتشى ..
3/ بدر الدين قلق...
4/ اديكو ..
بهذا يكون المريخ متصدر
وامير على فرق الممتاز
..

امير على فرق الممتاز فقط
ااخي وحبيبي زيادة نتمى من الله ان نسمع حتى ولو في الحلم المريخ او الهلال يحقق كاس ابطال افريقيا

الحبيب موسى
لك التحية واسعدنا وجودك داخل المنتدى
واسعدنا مرورك على البوست
تشرئب اعناقنا دائما منذ ان عرفنا حب المريخ والهلال والمنتخب
ان ننال بطولة افريقية ..
طبعا الزعيم فك الساجور ده 1989 لكننا نطمح ان نتنى شطر امنا
وامنياتنا ايضا للتؤم الهلال بان يغادره الكج وتبقى بطانيتو كحلى
ولك حبى

الاخ زياده
نومو كده علي الذكريات وخلو الوالي يعمل مع الجزلي برنامج من الامس
السنه دي عرفنا الفيكم وبالامل سلمت قلبي