قال مازدا: انا مدرب كبير وصاحب انجازات ومؤهل ونقول يوجد اكبر منك واكثر منك تاهيلا وانجازات وتبرعت دولة قطر بنفقاته كاملة فلماذا تريد حرمان السودان منه ارضاء للانانية البغيضة وانتهازية واستغلال خضوع الاتحاد العام لرغباتك الشخصية ونعيد السؤال المحرج لك ولاعلام المريخ: اذا كنت كما تقول لماذا لايتعاقد معك المريخ.. ولماذا استغني عنك عندما تعاقد معك اكثر من مرة سابقاً ولماذا يلجأ المريخ والهلال واندية عديدة للمدربين الاجانب.. ولماذا كتب علي المنتخب الوطني (الماعندو وجيع) ان يتبالي بمازدا حتي الممات؟
قال مازدا: ماحققته للسودان لم يسبقني اليه احد.. ونقول ياسلام بالله شوف قوة عين الزول ده لكن لو جيتو للحق فضايح الثلاثة صفر باجمالي تسعة صفر والوصول الي النهائيات علي اكتاف دول حمام ميت مثل سيشل وموريشوص مافي زول سبق مازدا عليها.. مازدا ده قايل روحو جاب لينا كاس عام 1970 ولي شنو!! احرز كاس الامم الافريقية الوحيد المدرب عبدالفتاح حمد وعاونه ود الزبير ومدرب الهلال فابيرا مسئولا عن اللياقة البدنية ورفع القدرات رحم الله عبدالفتاح حمد فقد كان المدرب الوطني الذي يساعده مدرب اجنبي ولا مقارنة بينه وبين ناس قريعتي راحت،
قال مازدا الاجانب فاشلون واخرهم قسطنطين ونقول اعترافك بان قسطنطين فاشل ادانة لكم. معناها قبل ماتجيبوهو ماعارفنوا ناجح ولي فاشل ويبدو انكم جبتوا مدرب اجنبي فاشل عشان تقولوا لينا اهم ديل المدربين الاجانب اللاخمننا بيهم فاشلين تاني مافي واحد منكم يزعجنا مدرب اجنبي مدرب اجنبي حتي يخلو لكم الجو يعني يامازدا عازو تقول لينا في العالم ده كلو مافي غيركم ياقسطنطين يا انت ياخي في مدربين اجانب احسن منك ومن قسطنطين شوف ليك شغلة تانية غير منتخب سودان الجمهورية الثانية جاتنا فرصة ذهبية لمدرب عالمي من دولة قطر لاقرش و لاتعريفه ارجع درب شمبات اصعد بيها للممتاز زي زمان او اغترب حسن شحاته تلقي عروضا بالكوم من خارج مصر انت مابتتلقي عروض ليه ياكافي البلا.. درب الصومال قال مازدا انه اهدي فوز المنتخب علي بورندي لرئيس الجمهورية ونقول رئيس الجمهورية يستحق هدية كاس امم افريقيا بعدين مباراة بورندي العاجباك للدرجة دي حمام ميت ويكفي ماقاله فيها مامون ابوشيبة وهو كاتب مريخي قال ابوشيبة لم يكن سنقبل اية نتيجة بخلاف فوز السودان الممثل في نهائيات امم افريقيا علي بورندي المتواضعة كرويا ومع ذلك لاحظنا الهرجلة في الاداء والعك والارسال العشوائي الطويل بينما المفترض ان نلعب كرة منظمة باللعب الارضي الممرحل عبر التمرير القصير والانتشار والطرفان لم يقدما السند للهجوم حيث لم يكن هناك اي تكتيك لحث لاعبي الطرف علي التقدم باسلوب سلس وعكس الكرات ثم الرجوع السريع للدفاع مثلما نشاهد الكرة الحديثة المتطورة انتهي حديث ابوشيبة الصدي 6/12/2011 وهذه مباراة لاتستحق ان نهديها الي (معتمد محلية) ناهيك عن رئيس الجمهورية اما هزيمتنا امام رواندا وخروجنا من سيكافا اقرأ صحف اليوم قال جمال سعيد: ياخلف الله عذبتنا
ونقول لمازدا : يامازدا عذبتنا!! وفي المنتخب كرهتنا!! بقلم صلاح التوم من الله
موضوع: يا مازدا عذبتنا !!! وفي المنتخب كرهتنا!!! 
الأربعاء 21 ديسمبر 2011 - 11:57
استاذنا وحبيبنا مضوى عبد الرحمن اولا لك التحية بنسبة للموضوع المدرب المعلم مازدا
