لا اجد فيك بداية مدينتي الفاضلة خير من التي قالها ابنك الشاعر النور ودالبشرى
هدي المتقين تسعد القلب الحزين فيها ازان ما غفل وفيها راتب كالعسل

المساحة التالية اود ان ارسل فيها تحياتي الي كل نورس مهاجر

النورس المهاجر

مهداة الي كل من الزمته الضرورة ان يغادر ارض الهدي ونخص منهم زميل الدرب والدراسة صديق ادم يوسف وهو علي مقاعد الدراسة في الهند ارد الله غربته وكل غربة اهلتا الطيبين

التوقيع عصام الطيب بابكر الهدي حي التعاون

قبل ماتفوت اقيف يا ظريف نبل اشواقنا من ذاتك
ما معروف ليالي الفرقة تصبح كم وما معروف محطاتك
قدر قدرك مأساتك تطوف الدنيا تتعدد مطا رتك
مادام وطنك صبح ما بيك لا تهتم
علي مهلك تفرجنحيك تصابق كل زول فاتك
الا الحق قبل ماتفوت اقيف يا ظريف
نبل اشواقنا من ذاتك
ما معروف ليالي الفرقة تصبح كم
ومامعروف محطاتك
عليك المولي سبته منو خليفه يضوي حتتاتك
وليه ما قلت يوم حتفوت عشان نحطاط
وما ندخل مدخل مداراتك
صعب يا غالي تفطمنا بعد ما ضقنا لزاتك
وصعب يا غالي جد اصعب فراق الروح
لو الجتة في ذاتك
ليك الحق تمش لكن قبل ما تفوت
اقيف يا ظريف نبل اشواقنا من ذاتك
ما معروف ليالي الفرقة تصبح كم
وما معروف محطاتك
منو الغيرك يكون انسام وريش رسام
يلون لينا جلساتك ومنو الغيرك يكون
ويكون وما بتنعده وقفاتك
اطري مقام اخوك شريف كنت هواه
كنت غطاه كنت الباقي ليهو صريف
يصارع في همومك كيف اشيلها معاك ما ساتك
أكان بتعيش بدون دمك اسحب اسمو من ذاتك
شوف المحنه تتكلم عاصم اخوك من يوم شال فراقك توب
وبهم الفرقة اتعمعم صبح تاني يعا ني الفرقة وحداني
أكان بتعيش بلا انفاس اسحب اسمو من ذاتك
واطري الليلة قول هيثم من انفاسو بتوجع
بدونك كيف نعيش افرح ودنك حالنا كيف افظع
اتاريهوالولدمفتون وليهو اسمك بيعني شجون
أكان بتعيش بلا انفاس اسحب اسمو من ذاتك
بتطراك البلد بحنين حنين بتعرفو وقفاتك
بتطراك القماري حنين حني يوم تطري غنواتك
بتطراك الكويتية لامن تطري جلساتك
والطرق الفرايحية لامن تطري مشياتك
أمش ياغالي لا تهتم غدر تتحدي اهاتك
عليك المولي اطرانا قدر ما تطري لذاتك
الا الحق قبل ما تفوت اقيف يا ظريف
نبل اشواقن من ذاتك
ما معروف ليالي الفرقة تصبح كم
وما معروف محطاتك

مدينة الهدي

لا اكون مبالغا حين اقول

قبلة الانظار يا ارض الهدي والحق انتي ومنارافي دجي الايام للعالم عشتي
انت مهد النور مهد الفن والعرفان انتي

فهي الام الرؤوم والاب الحاني والاخ والصديق والاخت والصديقة الحبيبة فالعبارات الاتيات لك مني عشقا محبوبتي مدينة الهدي

نفس الكلام القالوا فيك نبراس حقيقة واشتعل
ماخاب حرف وصفك ولاقدرت خطاوي الشوق تصل
عجزانه عن وصفك بحور متعالي في موجها الكسل
قدري ما تدفق تفيض ما قا دره توصف فيك مقل
بس عشان انك فريده ومنك البدري اكتمل
واصتعار الليل قميص وكتين فريعك امتسل
وعانق الجيد والغوام ومن بهاك الصبح طل
يا فرح عيد المواسم والمرابع وكل خل
انا والقوافي احترنا فيك ولهفت لقاك قبال اصل
ماكنت فاكرك يا أنا قد فاق بهاك كل محتمل
واصبح حقيقة وسر يقين بعد ي ما كان ذي امل
ولقيت معاك سر خفي تتحا شي عن سر دوا الجمل
والبقول زينة السماء من بهاك حسنو اكتمل

المادة المطلوبة جاهزه باذن الله
بقلم عمنا حسن مصطفي واستاذ قسم الله البر وانشاء الله سوف تصدر قريبا وهنالك الكثير عن الهدي

يا لجمال هذه البلده التي عرفت بطيبت وكرم اهلها الفياض واذكر شعار لرابطة طلاب الهدى بالجامعات و المعاهد العليا كان يحوي في طياته سوف نعيدها الي سيرتها الاولى كم احب ان يتحقق هذا الشعار كم اكون حزين وانا بعيدآ عنها

الحبيب عاصم
لك الود والتحية
وعبرك احى كل اهلى فى حى التعاون
شرقا..وشمالا.وجنوب
اعرق الاحياء
جمعنا معهم حب الدعوة المهدية
وزادتها الزمالة والصداقة
والتواصل الاجتماعى
وذكرياتناممتدة
اتمنى لك التوفيق والنجاح
ومزيد من التقدم
وهذه احدى ايجابيات هذا المنتدى
فعندما طرحت فكرته على الحبيب ود الياس
كنت ادرك ابعاد دور المنتدى
فاليوم نلتقى.على هذه المساحة
فى حب مدينتنا الجميلة
واناشدك وعبرك اناشد كل الشباب
بان تسهموا فى هذا المنتدى
وترفعوا من شان مدينتكم الفاضلة
ودمتم
زيادة عبد الباقى محمد الفضل
ابو محمد

الاخ / زيادة
لك التحية
حتي تعم الفائدة بسرد تاريخ الهدى نتمني تقسيم تاريخ الهدي الي حقب زمنية وأهم التطورات في تلك الفترة وابرز الأنجازات والشخصيات المؤثرة في تلك الفترة حتي نقارن أين نحن الآن هل نسير الي الامام , كما ينبغي تحاشي السرد القصصي للتاريخ نريد حقائق وأرقام
ومارأيك في أصدار كتاب تعريفي عن الهدي يحوي شخصيات وأحداث في تاريخ الهدى مثل الآطباء الذين عملو المستشفي وأسهمو في تنميتها, والضباط الإداريين الذين عملو في المحلية وانجازاتهم ونواب المنطقة في المجلس الوطني بمختلف مسمياته والشخصيات العامة من تجار وزراع وكل من كانت له بصمه عندها سيتبين لنا أين نحن من عجلة التنمية

عوض خيارى كتب:

المادة المطلوبة جاهزه باذن الله
بقلم عمنا حسن مصطفي واستاذ قسم الله البر وانشاء الله سوف تصدر قريبا وهنالك الكثير عن الهدي

بسم الله الرحمن الرحيم

الله أكبر ولله الحمد

مش عايز أقول {آآآآآآآآآآآآآآآي دا الشغل }