تناولت خطبة الجمعة اليوم في كل مساجد الهدى موضوع المدارس حيث تلخصت خطبة مسجد حي البان في النقاط التالية :-
عدم توفر البيئة المدرسية – اثر لك على هروب الطلاب من الدراسة – المجتمع مسئول عن تدهور المدارس
معاناة التلامي مستدامة فالشهرين الأولين حر الشمس الشهرين الاوسطين الامطار والشهرين الاخيرين زمهرير الشتاء -ضرورة الدفع من كل القطاعات المجتمعية للمال لازعاف مايمكن ازعافه – الانفاق على التعليم عمل يصل المرء بعد موته – ينبغي على مجتمع الهدى ان يتجاوز مسألة تأهيل المدارس إلى مواضيع أخرى فالمدرسة ثيرموتر لقياس درجة حياة المجتمع .

انشاء الله ياعوض الناس يكونوا من الذين يستمعون الي القول فيتبعون احسنه. حقيقه الخطبه كانت مميزه

[color=green][quote="عثمان الشريف"]انشاء الله ياعوض الناس يكونوا من الذين يستمعون الي القول فيتبعون احسنه. حقيقه الخطبه كانت مميزه[/quote]

الحمدلله على هذا التميز .. نشكر عبركم كل خطيب فى كل مسجد
والمساجد الحمدلله فى الهدى كتيره.. اكيد الصوت وصل
وعبر الاسر وعبر المنتدى وصول الصوت الى ابناء المهجر
والله الموفق ..

ام ضحى كتب:

المدارس والبيئه المدرسيه محتاجه لتكاتف الايد والبكاء بحرروه اهله .. الدعم بقدر المستطاع
المدارس التعليم .. ماتقول لى معتمد ولا والى .. كلهم بتاعين كلام وبس ..حال البلد عموما .. ولكن ابناء المنطقه الحمد لله ماشويه وايد على ايد.. ان شاء الله خير
الله فى عونك يابلد .. والله فى عونكم ابناء المنطقه .. الله معاكم .. وربنا يوفق الجميع
فى الدعم ..والله الحال اصبح حال .. وسمح الصبر وكعب السكات
والحمد لله مافى سكات المساجد ..ذلك الصوت العالى .. نتمنى وصوله لكل الجهات
كتر خيرك .. الاخ عوض الله
وفقكم الله

بالجد كلامك في محلو
ولو شفتو الصور بتبكي
وكتر خيرك علي التعليق

عثمان الشريف كتب:

انشاء الله ياعوض الناس يكونوا من الذين يستمعون الي القول فيتبعون احسنه. حقيقه الخطبه كانت مميزه

ان شاء الله يسمعو
ويستجيبو
فعلا الخطبة كانت مميزة والدليل انو
الناس كلها قعدت تعلق علي الخطبة

من الطرائف واحد علق قال(مدارسنا انطبقت عليها حكاية النكته بتاعت الولد الفي سنه اولي جاء راجع البيت ابوه سالو مالك جيت راجع الولد قال ليو فصل سنه رابعة وقع
الابو قال ليو فصل رابعه وقع اجزو ليكم انتو لي
الولد قال ليو نحنا بنقرا في ضلو)

عوض خيارى كتب:

من الطرائف واحد علق قال(مدارسنا انطبقت عليها حكاية النكته بتاعت الولد الفي سنه اولي جاء راجع البيت ابوه سالو مالك جيت راجع الولد قال ليو فصل سنه رابعة وقع
الابو قال ليو فصل رابعه وقع اجزو ليكم انتو لي
الولد قال ليو نحنا بنقرا في ضلو)

هههههههههههههههههههههههههههههههه
هههههههههههههههههههههههههههههه
دى بالغت فيها

عوض خيارى كتب:
من الطرائف واحد علق قال(مدارسنا انطبقت عليها حكاية النكته بتاعت الولد الفي سنه اولي جاء راجع البيت ابوه سالو مالك جيت راجع الولد قال ليو فصل سنه رابعة وقع
الابو قال ليو فصل رابعه وقع اجزو ليكم انتو لي
الولد قال ليو نحنا بنقرا في ضلو


دى ماسبقك عليها زول ..هههههههههههههههه

شكرا صديق شكرا
صديق وام ضحي
لكن فعلا دي الحاصل
ودي بالجد مانكته واحده سالت
بت صغيره قالت ليها قبلوك في ياتو
مدرسة قالت ليها المدرسه (3)
سالتها تاني عندكم فصل قالت ليها لا
الصباح بنقرا في الضل وبعد الفطور
بقولو لينا ماتجو

ومن التعاليق الظريفه علي الخطبه
واحد صياد فات للامام وقال ليو انت لما قلتا(اللهم اجعل جميع اموالنا في خدمة الناس )انا ماقلتا امين خفتا الشبكة ذاتا تروح مع الاموال كان قلت جزء من اموالنا كان قلتا امين

[quote="عوض خيارى"]شكرا صديق شكرا
صديق وام ضحي
لكن فعلا دي الحاصل
ودي بالجد مانكته واحده سالت
بت صغيره قالت ليها قبلوك في ياتو
مدرسة قالت ليها المدرسه (3)
سالتها تاني عندكم فصل قالت ليها لا
الصباح بنقرا في الضل وبعد الفطور
بقولو لينا ماتجو

حقيقه دى مانكات .. نحنا عارفين الحاصل شنو !!!
دا واقع وواقع معاش .. وربنا يسهل ..
يعنى بعد الفطور الشمس .. الصباح الضل ... ياااااربى
يعنى حقيقه الواحد ماعااااارف يقول شنو!!
يعن الناس عندها حق لو كرهت حاجه اسمها مدرسه !!!!

عوض خيارى كتب:

من الطرائف واحد علق قال(مدارسنا انطبقت عليها حكاية النكته بتاعت الولد الفي سنه اولي جاء راجع البيت ابوه سالو مالك جيت راجع الولد قال ليو فصل سنه رابعة وقع
الابو قال ليو فصل رابعه وقع اجزو ليكم انتو لي
الولد قال ليو نحنا بنقرا في ضلو)

نشكر الأخ / عوض خياري
على التنوير
من المفترض أن يكون حال المساجد متابعة موضوع الساعة وما يدور في الساحة ولكل مقام مقال
والنكات التي ذكرتها هي الواقع المعاش ولكن صراحة ضحكنا مليء أفواهنا
لأننا في الماضي لا نعرف مثل هذه الأوضاع .
لما كانت المدارس مدارس .ولابد من الجهد الشعبي والتكاتف .
والله والمستعان

الاخ عوض سلام
كنت اتنمني
رصد خطبة المسجد العتيق لشيخ والي الدين محمد علي
كانت في نفس الموضوع
بل واشارت لتفاصيل مهمة
ولولا ارتباطي بسفر وعدم استقراري بالهدي
لكنت كتبتها كما القيت لتعم الفائدة
ودالامين

ودالامين سالتك وكت داير اكلفك بالشغلة دي لا انك اهل لذلك وستضفي عليها طابع خاص بحرف الشهد لاكين مامشكله حالت المشغوليات دون ذلك وانا اسكت ساي خليني بحكي ليك بعد نتلاقي كان الله مدا في ايامنا

الاخ محمد نور انار الله عقلك وقلبك وقبرك شكرا لك وانت تتابع اخر ماوصل اليه حال مدارسنا