الهدي هذا العشق الجميل _سأكتفي بأشعاري لها ردا لهذا الجميل الذي تغدعنا به ليل نهار_

أديني فرصه أذكرك أدب الهدي إتربينا كيف؟
أبدا ولا في يوم غلط نبحن كلاب الحله ضيف
بلدا تفوتو يرجعك حاني ووليف
وقلوبنا أصفا من البرش خرصاني في نص الخريف
ولساننا مابعرف كذب ودمانا مابتنبض نفاق وبطوننا مامليانه زيف
أديني فرصه أذكرك أدب الهدي البلد الممغنط بالذكر والراتب التيارو زي برقا بيطوي سحابو ليف
تشبهنا لو قلبك مكرب بالتقى وخالي ونضيف
تحلف أبوي الضي شعيد_وتحسو منك مابعيد_يملاك أبوه ونور وكيف
أوعاك تقول في الحله حاج الهادي_جدك_دا جدي الهادي يااللاهي ولفيف
أديني فرصه أذكرك أدب الهدي إتربينا كيف
يوم كل زول دخل قبيلتو وجنسو في بطن الجراب_واكاهو كربو شان يقيف
ناسو الهدي وجنسو الهدي_البلد القبيله بتقبلك لوكنت كيف
وشروطا بس تصبر علي الرزق الكفيف
تركز علي الجسد النحيف
تحلف علي العد القديم إنك ولا تنساها طيف
يات التشوفو كبير أبوك
الشافع التلقاهو رسلو_ود أخوك
أديني فرصه أذكرك أدب الهدي إتربينا كيف
وأديها فرصه تعلمك
إنك علي هذي البسيطه نزيل وضيف
مالك تلمو يفندرك تمرق من الجمع اللفيف
فقرك تضمو يقربك واحد من الرهط النضيف
أديني فرصه أذكرك أدب الهدي إتربينا كيف
شارع الدريب _حي الدقيناب والمسيري الحقنه مابتعمل نزيف
أحقننا لو مصلك بضيف
لكن عليك المولي ماتحقن بلد هادي وأليف
أديني فرصه أذكرك أدب الهدي إتربينا كيف
لو مره قمتو سألتو ود أرباب عن الزمن الشفيف
قولولو لما المرضي طار أصبحتو كيف جدي أحمد عيسي مالملم حرابو ودج متلافي الرياح الما بتقيف؟
وشنو البلم ود اليماني علي التلب غير القلب؟
أو عمي يعقوب لما يضحك في الشريقاوي اللطيف
أو لما يمدح بي صلاح ود الشريف
في الحاره حاج دفع الله وكريشنقه عمك قرشي_ينقذو يالطيف
أجمل أدب وأنبل خصال عايشين هدي وناسيين تماما في الحساب ألوان وطيف


ولأدب الهدي بقيه

والله عملت دخول قبل أسبوع_أكتب مساهماتي تحلف ماتترسل
إنتو عملتو في المنتدي دا شنو؟
أنا متخلف؟
برلمتونا

لك التحيه يادفعه ومرحب بيك كثيرا وسالين عنك وادهشتنا ونور المنتدي برجوعك والعرجاء لمراحه

عزالدين حسن _أهلا يادفعه_أخبارك وأحوالك
غبت وعدت وجدتك والإخوه والأخوات تثرون المنتدي بكل طيب وجميل وتثلجون الصدور بإسهاماتكم النبيله والأيادي البيضاء التي لا تعرف غير حب الهدي لا من ولا أذي_
شكرا لمرورك المقدر

أديني فرصه أزكرك أدب الهدي إتربينا كيف
العمده خالد كان بقالد كل زول
يحكيلو عن فن التعايش وعن تفاصيل الخريف
والسيد الطاهر_نفر نعم المؤدب والمهذب والمهندم والعفيف
كانت تبينه النور هنا وكان آدمو وكان عامر المقبول حريف
وأولاد خياري الدعوه ثابته_إنشاءالله في الجنات تباري
الناس ثوابت ماهفيف
جدي البشير ود اللمين ماطفطف الميزان
ومتواضع قويم في الحق أمين وحصيف
وكان جدي السراج صالح _مهاجرلاشهد بالزور ولا في البيعه وزنو خفيف
وأديني فرصه أزكرك أدب الرجال بالدور
أديبنا ودالبشري كان البشري
كان أدب المجالس والشعر منثور
وياالدرديري ياالفزع البيوصل قولة أبومرووه قبال الحذث مايدور
ولاد ودالتويم البلتمو المايلات حضور
في الدايره زي النور
وودرحمه وعلم _زروق وجابر_عمنا الباقر_شباب وبدور
وكان في الدايره ودفنات وكان الضالع الماصع وكان ود الخضر مشهور
وكان أبوحوه حوتة الدار وكان جلاد وكان مزكور
مهاجريه ورجال أحرار
رجال زي جدنا سماعين يخوضوا النار
رجال زي توركنيزه الهجره روح وعمار
وودالصوفي متصوف يقيف في الحق قوي وبتار
مهاجر جدنا المقبول وكان نعم القبول وفخار
محمد خاطرالتاريخ مهاجر ماقدل بي عار
جدي الطيب الهادي المرق راضي
ولاورث خلاف الحربه والفرار
وكان عبدالفضيل أحمر
يسل سكينو قبل الضيف يخش الدار
فكي محمد رضي وراسي ومستف قلبو بالأسرار
بشيرالسني ظاهر سنو ما أتراوح ولادو نهار
وكان الجمري زينة الناس ونعم الخوه
نعم الجار
وسيد الهجره_سيد السيره واضح_جدنا المختار
( هي أبو_هي أبو_يديني عشره ولاد أبو
يكتلو الزول ويتشالبو_ شايلين سنين ماطرقو)
حماس وجلاله صادق جدنا المختار
صلا في جدنا الصالح يولع بق مسلم
روحو للغفار
وكان أحمد صقير الخيل وحامي العد
وسقايا كما الأمطار
قدل ودالصباحي المؤمن العارف
ولاخرف ولانساي ولاودار
وكان خلف الله زاهي مديحو
كان مداح وكان مزاح وشعله تضوي للإنصار
عبيد الدايره شرف الدين خنين وأصيل وحافظ العشره مانكار
وفرصه أزكرك أدب الهدي
أتربينا كيف


ولأدب الهدي بقيه
دمتم

أديني فرصه أزكرك أدب الهدي إتربينا كيف
العمده خالد كان بقالد كل زول
يحكيلو عن فن التعايش وعن تفاصيل الخريف
والسيد الطاهر_نفر نعم المؤدب والمهذب والمهندم والعفيف
كانت تبينه النور هنا وكان آدمو وكان عامر المقبول حريف
وأولاد خياري الدعوه ثابته_إنشاءالله في الجنات تباري
الناس ثوابت ماهفيف
جدي البشير ود اللمين ماطفطف الميزان
ومتواضع قويم في الحق أمين وحصيف
وكان جدي السراج صالح _مهاجرلاشهد بالزور ولا في البيعه وزنو خفيف
وأديني فرصه أزكرك أدب الرجال بالدور
أديبنا ودالبشري كان البشري
كان أدب المجالس والشعر منثور
وياالدرديري ياالفزع البيوصل قولة أبومرووه قبال الحذث مايدور
ولاد ودالتويم البلتمو المايلات حضور
في الدايره زي النور
وودرحمه وعلم _زروق وجابر_عمنا الباقر_شباب وبدور
وكان في الدايره ودفنات وكان الضالع الماصع وكان ود الخضر مشهور
وكان أبوحوه حوتة الدار وكان جلاد وكان مزكور
مهاجريه ورجال أحرار
رجال زي جدنا سماعين يخوضوا النار
رجال زي توركنيزه الهجره روح وعمار
وودالصوفي متصوف يقيف في الحق قوي وبتار
مهاجر جدنا المقبول وكان نعم القبول وفخار
محمد خاطرالتاريخ مهاجر ماقدل بي عار
جدي الطيب الهادي المرق راضي
ولاورث خلاف الحربه والفرار
وكان عبدالفضيل أحمر
يسل سكينو قبل الضيف يخش الدار
فكي محمد رضي وراسي ومستف قلبو بالأسرار
بشيرالسني ظاهر سنو ما أتراوح ولادو نهار
وكان الجمري زينة الناس ونعم الخوه
نعم الجار
وسيد الهجره_سيد السيره واضح_جدنا المختار
( هي أبو_هي أبو_يديني عشره ولاد أبو
يكتلو الزول ويتشالبو_ شايلين سنين ماطرقو)
حماس وجلاله صادق جدنا المختار
صلا في جدنا الصالح يولع بق مسلم
روحو للغفار
وكان أحمد صقير الخيل وحامي العد
وسقايا كما الأمطار
قدل ودالصباحي المؤمن العارف
ولاخرف ولانساي ولاودار
وكان خلف الله زاهي مديحو
كان مداح وكان مزاح وشعله تضوي للإنصار
عبيد الدايره شرف الدين خنين وأصيل وحافظ العشره مانكار
وفرصه أزكرك أدب الهدي
أتربينا كيف


ولأدب الهدي بقيه
دمتم

لك التحيه يادفعه وانت تتحفنا بروائعك الغاليه علينا وفي سبيل الهدي يهون كل شئ

التحية للحبيب سراج الدين الفاضل

وتشكر على هذا البوح الجميل ..
الذي يحكي ويعبر عن نسيج الهدي الإجتماعي الأصيل الأجمل ..
ويحكي عن عبق الزمان .. ورحيق المكــان