غياب عربه النفايات لزمن طويل السبب شنو والمسؤل منو عن الخدمات ولا هى اصلا مافى خدمات

سلام اخت اسراء
مفروض واحد من الناس داخل الهدى يجاوبك لكن بنشارك من على البعد من غير دراية كاملة
على مااعتقد في انتظار اللجنة الجديدة حتى تستلم وبعدها يكون توزيع المهام
والله اعلم
لكن النجيضة فكرة جمعية الامل
عملوا تبرعات سريعه واشتروا ليهم كارو حمار ودفعوها لاحد الابناء على ان يجمع النفايات يومين في الاسبوع وباقي الاسبوع الكارو ملك حر يشتغلل بيها لمصلحتو الشخصية
كحافز وتشجيع على نظافة الحي
شوفوا لو الفكرة ناجحة 100% حسب تقييمكم ممكن ان تعمم
[ندعوك للتسجيل في المنتدى أو التعريف بنفسك لمعاينة هذه الصورة]

شكرا علي الإهتمام_وصحة البيئه مسئولية الجميع__وزارة الصحه ياإسراء عندها أكبر نسبة وظائف عماليه في السودان_ بصرفو رواتب وبدلات_الشي الغريب إنو ظهرت في السطح شركات خاصه تعمل في إصحاح البيئه _السؤال ؛مكاتب الصحه والعمال البصرفو رواتب ديل عاله علي الوطن؟ وللا الدوله ماجايبه خبر للبحصل_وللا الدوله شايفه وعارفه ومطنشه__
وللعلم تحركنا كجمعيات خيريه وناشدنا مسؤل الصحه بالمحليه وتحدثنا عن ملل المواطن ويأسو وململتو _وعن كمية عمال الصحه البيظهرو يوم المرتب _كانت إجابتو إنو كل الخدمات أحيلت للشركات والقطاع الخاص كسياسه معتمده من قبل الدوله_وبحثنا عن الشركه ولم نجد من يفيدنا في هذا الأمر_
عليه ننتظر اللجنه الجديده تفتينا في رؤيانا_
شكرا لإهتمامك

ونحن نسأل معك اين عربة النفايات
ولا فالحين بس فى جيبوا حق النفايات وبى البوليس كمان

طبعا فكرتك ياعادل قمنا بها فى ح المهديه ش بستجار دفار لكن مافى التزام والفكره ما عامه لكل الاحياء
وطبعا فاتوره النفايات مضافه لفاتوره المويه التى اضيفت اخيرا للكهرباء وتخلص شهريا بدون مقابل خدمه
شكرا ياسراج على الافادات كلها الحكايه بقت خصخصه لكن شركه النظافه بتاعت المتعافى دى حكرا على الخرطوم