الاحباب الاعزاء
متعكم الله بالصحة والعافية
نحيكم من الوطن العزيز
الوطن الذى احببناه
من كل قلوبنا
والذى غرس حبه
فى وجداننا
من الهدى
الحب
الذى
يتجدد
كل لحظة وحين

الهدى كلمة حلوة ينبض لها قلبى
كلما سمغتها
متعك الله بالصحة والعافية
يازيادة والمد لله على ىسلامة الوصول لاهل
والحباب والاصحاب
اجازة سعيدة انشاء الله

حمدا لله على الوصول لأرض الوطن واجازة سعيدة يا ابو محمد
وما نوصيك طبعا استفز لينا البلاقيك وخاصة المعلمين ال 300
معلمين السجم والرماد الما مشتركين فى المنتدى ولفة على النوادى كلها انت كلمتك مسموعة
ورائك يعمل له ألف حساب وصينا كتار وما اشتغلوا بالوصية وعليك برئس اللجنة وقول ليهو امشى سكت لينا صديق الماحى دة مكرهنا المنتدى .. وعماد هالد قول ليهو حا تخش النار رقم تدينك لغيابك عن المنتدى ولى عوض الله قول ليهو يعوضنا الله فى عوض الله
أقلب ليهم الدنيا واتخارج ما تخليهم ينوموا يا عاشق الهدى
ولو حبت لينا عصام خبيب الله تكون ما فصرت محمد الطيب خايف منو موت ولا يوم ما قطع عليه الطريق رغم اننا كنا مفتكرنو ارجل زول فى الهدى طلعوا كل الناس بتخاف منو

اقتباس :

محمد الطيب خايف منو موت ولا يوم ما قطع عليه الطريق رغم اننا كنا مفتكرنو ارجل زول فى الهدى طلعوا كل الناس بتخاف منو

__________________________________________
هههههههههههههه

والله يا صديق صوتي انقرش من كترة الكلام معاهم لكن ديل جلدهم تخين ومخهم تقيل
ما بحسو بالكلام واليد الواحده ما بتصفق.

لك التحية ابومحمدواجازة سعيدة بين الاهل والاحباب وسلامنا للكل ياغالي

سلام الف يازيادة
والف تاني حمدا لله على سلامة الوصول
نتمنى لك اجازة طيبة وسط الاهل
وعليك مكيف مسجد الصباحاب مازال ارضا مكيف
همتك معانا بس عشان يرفعوه خلي الناس الدفعت دي يجيها اجر
والصيف على الابواب ورمضان معاه

حمدا لله على السلامة يا ابومحمد
ونتمنى لك إجازة سعيدة في ربوع البلد وبين أحضان الأهل
وقطعا نتحرق شوقا للكتابة إلينا من أرض التقوى والإيمان
عن ناسها .. وأحيائها .. ومشاريعها .. ومدارسها
عن جمال تواصلها .. وقيمها
عن تكافلها .. وطيبة أهلها وساكنيها
بقلمك الرشيق وأسلوبك المميز

الكلمة لك أبو محمد من أرض الواقع وحال الناس
أجدد لك التحية ودعواتي لك بسلامة الأسفار

الحبيب ود العمدة تحية خاصة
من الهدى التى تعلق بها قلبك
والكل بخير واحمد بشرى كثير الخطى نحو المسجد
وهو على طريق محمد زيادة باذن الله
وكذلك ابننا عمر عثمان النعمة فهما ايضا يؤذنان للصلاة من المسجد العتيق
وفى حلقة الراتب نستمع الى تلاوة الراتب من الحبيب الفاضل ود العمدة بصوته الشجئ
وكنت فى زيارة الوالدة طيبة ووجدت الاحباب
الهادى والصادق واحمد يتناولون القهوة فى كنفها
متعها الله بالصحة والعافية

سلام يا الحبيب زياده
ليك وحشه كبيره قوي وين ما ظاهر طل علينا مره نتنور بس كفايه يا رياده يا قياده

الحبيب صديق الماحى
متعك الله بالصحة والعافية
وقد التقيت فى اطار تواصلى بتغطية المناسبات الاجتماعية المتعددة
بعدد كبير جدا من المهتمين بقضايا الهدى والمنطقة
وعن الذين ذكرت فقد التقيت
بالحبيب الدكتور محمد الطيب
وسوف نلتقى فى اطار ثنائ لنقاش اطول فهو يختزن ويمتلك الكثير
والتقيت ايضا بالاخ عصام مرتين
وما كان الوقت والظرف يسمح بالنقاش
وسوف اخصص وقتا له وساحاول اقناعة بفتح بوست خاصة
يطرح اعضاء المنتدى
فيه كل افكارهم وارائهم
ليتم الحوار لتستبين الامور
لوضع الحلول
والتقيت بالاخ حسبو (منظمة هدى المتقين)
والاخ الاستاذ الفاضل على الصباحى
والاخ عبد الملك فى جلسة صغيرة فى المسجد العتيق بعد صلاة المغرب
والتقيت ببعض اعضاء اللجنة
الاخ متوكل حسن حمد
والتقيت فى مركز استخراج الرقم الوطنى
بالاخ عبد السلام
كذلك التقيت الالستاذ الشيخ عماد خالد اكثر من مرة
وهذا الرجل يمتلك قدرات كبيرة اتمنى ان تسخر لخدمة الدين والوطن
كذلك التقينا بالاخوان
صديق احمد وحيدر ادريس وحيدر محمد سليمان والعم يعقوب فى المحلية
وفيما يخص الاساتذه
التقينا بالاحباب الزملاء زالى الدين خالد والاستاذ مضوى
وتناولنا ذات الشان
وكذلك التقينا بالاستاذ سيف الدين خالد
والتقينا ايضا بالحبيب الاستاذ الامين احمد عبد النبى
كل هذه اللقاءات كانت فى اطار اجتماعى بحت
او فى اطار التحية والسلام
وفى زحمة القدوم لارض الوطن
لم نجد حتى الان المتسع من الوقت للجلوس معهم ما عدا ثلاثة حالات فقط
ولكنى بالتاكيد ساحاول ان اخصص وقتا علنا نجد بسلما لما تعانى منه الهدى
وبالتاكيد ايضا لى الكثير من الملاحظات والاشياء التى ساقف عندها كثيرا
فيما يخص التغيرات الكبيرة والمدهشة التى طرات على مجتمع الهدى
والتى هى ليست كتغيرات الربيع العربى ولا تشابهه
الا فى اطار خلق البلبلة والفرقة والشتات
وساعود لاحقا
ببوستات الوجع
والهم والمرض
الاجتماعى

الحبيب عز الدين حسن الف تحية وكثير من الاشواق
الاهل كلهم بخير وتقبل تحياتهم
وقد قمنا بتغطية اجتماعيات كثيرة من حى المستشفى
اخر وفاة العم خالد تاى الدين رحمه الله

الحبيب عادل خيارى
الف سلام وتحية
طبعا نحن جيران المسجد
والاهل المعمرين له جيراننا واهلنا
والتقين بجلهم فى اطار التحية والسلام
وتخلل ذلك الكثير من القفشات
فى ظل الود والاخاء والمحبة العشرة السمحة بيننا
ومنها اننى عندما قابلت محمد على وهويصلى ويؤذن
وذكرت له اننى لم انم منذ وصولى من صوت المايكرفون العالى
وضحك وقال لى ( نحن الحاجة معانا ) وهو يقصد الوالدة زهراء محمد زين
وذكر لى انها فى المولد جابت لينا الزلابية والشاى وختينا ليها كرسى كبير قعدناها فيه
لغاية ما كملنا المديح .....وضحكنا جميعا
هذه هى الهدى رقم كل شئئ
..والموقف الثانى كنت ذاهبا الى اداء صلاة المغرب
وكان الوقت قد ازف
وبالقرب من المسجد العتيق التقين بالاخ خالد محمد
وانا اعانقه قلت له الليلة بحلف عيك تصلى المغرب معانا
فرد سريعا ( على الطلاق ما تحلف ) فضحكنا جميعا
هذه هى الهدى الى احببنا
وسنظل نحب

الحبيب ابو وضاح
تحية ملؤها الشوق الدفين والحب الكبير
هى الهدى المتاصلة فى الوجدان
المتلقة فى القلوب
من كل موقع فيها
تتنسم بعض الذكريات
وتتنظر كل الشجن
اكتب اليك ولسان يردد بعض تلاوة صباح اليوم من الراتب
والتى توسطها الحبيب عبد الفضيل خالد عبد الفصيل
(الى اصفيائك المقربين المكرمين واجعلنا منهم ولا تجعلنا من المخزولين يا ارحم الراحمين )
انها هدى الايمان والمتقين
وكفى

روضة قالت كلام جميل جدا وانا حارقنى يازيادة يا خوى
الهدى مريضة وقد نكون نبلاء فى الاحساس بألمها ولكننا لسنا بعظما ان لم نشارك ونساهم فى علاجها ومافى زول جايب خبر لى الكلام دة
محاولة منك لى نصيحة قوية للثالوث العظيم الذى يدير امر الهدى ان يجتمعوا مع بعض ولو ما استفزيتهم لما قعدوا مع بعض الى يوم القيامة
رؤساء النوادى وأئمة المساجد واللجنة الشعبية
لو ماقعدوا مع بعض ما عندنا مدينة وعلينا وعلى الدنيا السلام
نفسى فى زول يقول ليهم الكلام دة ويكتبه ليهم فى بيوتهم بالبوهية اولاد اللذين ديل
لو عرفت يا زيادة تعمل كدة لن ينسى لك التاريخ هذه البطولة فى سبيل الهدى
سيبك من عوض الله ومحمد الطيب ما عارف سكتوهم بى شنو
علبة البوهية رخيصة الصغيرة دى والله لو كنت فى الهدى الا امشى اكتب الكلام دة فى اى عمود كهرباء يا يسمعوا الكلام يا يكسروا عواميد الكهربا