الْورقَةُ الاولى **************** الدوبيت السوداني
*
للوز المعاك الليله ماكا مرفِّق00وحلة إيديك بلا الدقش البليبه بصفِّق00 شن جابرك على الوكر الدبيبه يشفِّق00 غير وجهاً نداه من الملاحه يدفِّق

***
في الريد والغرام أنا رأيته مثيلي00مشغول فكري بزولاً خديده عسيلي00نور وجهك يفوق العند خواجه بسيلي00أنا أهلي وكت أموت جيبو أم شليخ لغسيلي

***
فات في الليل تلت بعد الخلوق ما صلو000وفضلو المبتلين بسمهن بتقلو00 مجنون ليلى والفراش مع الحردلو0 ما حضرو الشباب ساكت زمان بتسلو00
***

الحال العلي يعلمبه الله الخالق00 مرات أكتمه ومرات أقومبو مفارق00أم نفساً زعفران في الليل بجيك متسارق00بنات آدم كُتار إلا الطبع متفارق

***
غاب نجم النطح والحر علينا إشتده00قعدنا قلينا فصر ليلنا ونهارنا إمتده00نظرة المنو للقانون بقيت أتحدى00فتحت فينا مجرى الغُنا الإنسده

***
الزول السمح فات الكبار والقدرو00أكان شافوه ناس عِبد الله كان يعزرو00 السبب الحماني العيد هناك أحضرو درديق الشبيكي البنتوه في سدرو


***
الجواب كتبتو وللبنات رسلته00عاد جيب لي رده يالوصلتو00العيد جاني وما لقيت جديد فصلتو00ومن حالي العلي اللابسو ماغسلتو
***
[b]

الورقة الثانية ************ المدايح السودانية
***

الليله البريق شن علي غارته-بالسبي والسجن حاكمه علي إدارته
من بعد العمير ما انفضت بكارته- اسعده ياكريم للنبي بزيارته
(حياتي الحاج حمد)
صلاتن بالعطر ممزوجه- وصلاتن بالقبول منسوجه
يسكن ود تميم في بروجا- وتنجي المسلمين لهموجا
(ود تميم)
يا فدوره قول فوقو إتكلم- أمدح الرسول لا تتبكم
وسمع المُدَّاح التترزم- وادها التيراب التتقسم
(قدوره)
الصلاه والسلام تصل ضريح سيدي-ترد التحيه وتباك العيدي
ابن سليمان قال فوقك بهز إيدي-قادل بالعيوب بيك وحمد سيدي
(ود سليمان)
صالح ذوي العيوب-عليك صلى يالمحبوب
بعد من يتوب- والمذنب في الذنوب
(صالح)
شوقك شوى الضمير-بطراك مناي أطير
على حبه من صغير-بريدك يالبشير
(حاج الماحي)

الْورقَةُ الثالثة الشعر السوداني
♥ ♥
دنياي أنت وفرحتي ومنى الفؤاد إذا تمنى00 أنت السماء بدت لنا و استعصمت بالبعد عنَّا0إدريس محمد جماع
♥ ♥
أهذه الدنيا كتاب أنت فيه الفكر00أهذه الدنيا حياة أنت فيها العمر00أهذه الدنيا عيون أنت فيها البصر0 الهادي آدم
♥ ♥
يقول لي يا أنت يا ذا وعمداً لا يسميني-محمد سعيد العباسي
♥ ♥
بالذي أودع في عينيك إلهاماً وسحرا والذي أبدع فيك الحسن إشراقاً وطهرا
لا تدعني لللأسى يدفعني مدا وجزرا أثقلت كفي الضراعات وما تقبل عذرا0 جيلي عبد المنعم
♥ ♥
أنا ليتني زهر في خده الزاهي00أنا ليتني طير في روضه لاهي00أنا ليتني نهر تنساب أمواهي- مبارك المغربي
♥ ♥
وفتاة ثمت تجني ثمر السنط في إنفراد الغزالِ00تمنح الغصن أسفل قدميها ويداها في صدر آخر عالي
فيظل النهدان في خفقان الموج والكشخ مفرط في الهزالِ00أي أنس أتاحه ذلك اليوم؟ أي جمال
من جميل قد تناهى إليه كل جمالِ- الناصر غريب الله
♥ ♥
في حضرة من أهوى عبثت بي الأشواق حدقت بلا وجه ورقصت بلا ساق وزحمت براياتي وطبولي الالآفاق عشقي يفني عشقي وفنائي إستغراق مملوكك لكني سلطان العشاق 0محمد مفتاح الفيتوري
♥ ♥
كان صبحاً طلق المحيا ندياً إذ حللنا حديقة العشاق
نغم الساقيات حرك أشجاني وهاج الهوى أنين السواقي 0توفيق صالح جبريل
♥ ♥
جميل ما سألناه ولكنا هويناه بديع في تثنيه وديع حين تلقاه عجيب في معانيه إذا ادركت

معناه00 غزال في تلفته صباح ما أحيلاه جمال فيه إشراق تريح النفس رؤياه-مهدي محمد سعيد

تسلم يا مهند
الشغلانيه كده كتيره علينا
افضل الدوبيت المسموع
نبدا ليك بي ده

الْورقَةُ الرابعة أقوال سودانية
*
آخر الزمان القبلي يخيب والحره تعيب والأذى يجيك من القريب(( فرح ود تكتوك))
مره مره ومره نص مره ومره ما مره:مره مره من خشم بابا لا وره، ومره نص مره بتمش في الضر، ومره ما مره: في السوق جاني خبرها(( العبيد ودبدر))
العنده الرياسه ما تكمل معاه الفراسه(( ود بدر))
لا شيع لا طوائف لا أحزاب ديننا الإسلام :وطننا السودان((عبد الرحمن المهدي))
الحرية نور ونار:فمن أراد نورها فليكتوي بنارها((إسماعيل الأزهري))
لو قالوا سودانيه سود:ليس السواد عيب لليسود((عبد الرحمن الريح))

لك التحية الحبيب الشيخ مهند
ويسلم الذوق السوداني الرائع الجميل
بكل ألوان الطيف ( شعر - مديح - دوبيت - أمثال )

وهذه رائعه الشاعر الفحل ( سيد أحمد الحاردلو ) ( تقولي شنو وتقولي منو ) :

تقول لِى شنو

وتقولى لِى منو ،

أنحنَا السَّاسْ

ونَحنا الرَّاسْ

ونحن الدّنيا جبناهَا

وبَنيناها..

بِويت ..فى بِويتْ

وأسْعل جدى ترهاقَا

وخلى الفَاقة .. والقَاقا

تقول لِى شنو

وتقول لِى منو ،

تَالا أبوى .. بعنخى لَزَمْ

وتَالا اللُمْ..أَبوىْ أوْلبَابْ

وأمى مهيرة بتْ عبودْ

وأخويا المهدى ..سيد السيفْ

والخلى النصارى تقيفْ

هناك ..فى القيفْ ،

تقول لِى شنو

وتقول لِى منو ،

ونحن الشينْ

ونحن الزينْ

ونحن العقبه والعتمور

ونحن القِبله .. والقرعانْ

ونحن الشانْ

ونحن النانْ

أتينا عشانْ

نسوى الدّنيا للإنسانْ

تقول لِى شنو

وتقول لِى منو ،

ونحن الصّافى

والوَافى ،

ونحن الشّافى

والكافِى ،

ونحن الزادْ

ونحن العِينه

والزِيّنه ،

ونحن – يمين – أهالينا

أهلى سرورْ

ووكَتين ينزل المستورْ

تَرَانَه النور

تقول لِى شنو

وتقول لِى منو ،

ونحن الجبنه واللبريقْ

ونحن قداحنا سَاوات ضيقْ

ونحن بيوتنا مفتوحاتْ

مَسَاىْ .. وَصباحْ

ونحن وشُوشنا

مطروحاتْ

مَسَاىْ وصباحْ

ونحن السَمحه

والقَمحه

ونحن الطله .. واللمحه ،

ونحن الصِيدْ

ونحن العيدْ ،

تقولى لِى شنو

وتقولى لِى منو ،

ونحن عُزَازْ

ونحن حَرَازْ

ونحن هَشَابْ

ونحن قُمُوحْ

ونحن تُمُورْ

ونحن عُيُوشْ

ونحن النيلْ

وَكضَاب – يا زويل – منْ قالْ

إنّك .. تانى لينا متيلْ ،

تقولى لِى شنو

وتقولى لِى منو ،

ونحن الحَجه والتوبه ،

ونحن الهِجره .. والأوبه ،

ونحن كُتَارْ

ونحن كُبَارْ ،

ونحن – يمين – جُمَال الشيلْ

ونحن – يمين –نَضِمنا قليلْ ،

تقول لِى شنو

وتقول لِى منو ،

ونحن مِحايه

نحن طِرايه

نحن فِدايه

نحن سِمايه

نحن حجاب

ونحن اللوحْ

ونحن شَرَافه فى الدنيا

ونحن كِتاب عِلمْ مفتوحْ

على كل البُلودات ..نُورْ ،

ونحن – يمين – مَداين نورْ ،

ووشنا نورْ ،

تقول لِى شنو

وتقول لِى منو ،

ونحن الحِنه والجرتقْ

ونحن الزفه والسيره ،

ونحن ..أبشرى والشبال ،

ونحن السَىْ

ونحن الوَىْ

ونحن الرقبه .. والتُمْ تُمْ

ونحن اللَمْ ..

يكون فى الدنيا ..متلنا ..لمْ

تقولى لِى شنو

وتقول لِى منو ،

ونحن العَاجْ

ونحن الصَاجْ

ونحن البوشْ

ونحن الحوشْ

ونحن الناسْ

وكتين الديارا ..يباس

وإن درت العديل والزين

تعال يا زول ،

وإن كست الكعب والشين

أرح .. يا زول

تقولى لى شنو

وتقول لى منو ،

ونحن السورْ

ونحن الحُورْ ،

ونحن بناتنا محروساتْ

ونحن وِلادنا ضُلالاتْ

ونحن أُماتنا ياهِنْ ..ديلْ ،

وجِيب ورينى زيىِّ منو ،

وتقول لِى شنو

وتقول لِى منو ،

ونحن فَزَعْ

ونحن وجَعْ

ونحن اليُمه ..واليَابَا

ونحن أريتو بالتَابَه ،

ونحن – يمين – إذا حَرّتْ ،

نخلى الواطه ..رُقَابه ،

تقولى لِى شنو

وتقولى لِى منو ،

ونحن زَغَاوه والعطرونْ

ونحن الدُونَا ..مافيشُ دونُ

ونحن وِلاد مَلك خِرتيتْ

وسَابَ الجرْ

وحجَر السِكه ،

والتاكا ،

وسيّدنا الفى الجبل ..دَاكَا

ونحن – يمين – نضِمنا كُتُرْ

وشيَتنا كُتُرْ

وأسعَل ناس كَرن والطُورْ ،

وأسعَل كَررى .. والعَتْمُورْ

وأسعل – يا جنَاَ – الخرتُومْ ،

وشوف كيفن زعلنا كُتُرْ ،

وشوف كيفن فرحنا كُتُرْ ،

أنحنا الـ للرجال خُوسَه ،

ونحن –يمين – جِنَات موسى ،

تقولى لِى شنو

وتقول لِى منو ،

ونحن الدوكه

والضُلاله ، والدونكه ،

ونحن الدانقه ،

والراكوبه ، والواطه ،

ونحن الفَكَه

والشِبكَه

ونحن الحجزه .. والعكَه ،

ونحن الجُودْ ،

ونحن أسودْ ،

ونحن النَانْ ،

حديثنا إذا أرِدتو رُطَانْ

وحين دايرين ..نسوى بَيَانْ ،

تقول لِى شنو

وتقول لِى منو ،

ونحن الخَلوهَ والدايره ،

ونحن تَكيه العايره ،

ونحن الضُّلْ ،

ونحن الكُلْ ،

ونحن سبيل غريب الليلْ ،

ونحن صباح مسافر الليلْ ،

ونحن فَنَاجرةَ الدّنيا ،

ونحن حَبَابْ

حديثنا حَبَابْ

تعال شَرِف .. وشوفنى منو ،

وتقولِى شنو ،

وتقولِى منو ،

أقيف لِسَعْ

وأقيف وأسمعْ ،

ونحن صديرى منضوم ويلْ

ونحن القَرمصيص ..بلحيلْ ،

ونحن التوبْ

ونحن الووبْ

وناس حبوبْ

وناس حَرّمْ

ونحن إذا رأينا كبيرْ

نقيف طولنا ..ونقولْ لُه ..حَبَابْ

ونديه البُكَان ..ترحابْ

ونحن. اليَانَا ديل .. يا زولْ

وتسعلنى .. وتقول لِى منو

وتقولِى شنو ،

أقيف لسعْ

وأقيف .. وأسمعْ

ونحن التَايَهْ

والاندايَهْ

والزِريعهْ

والعيزومهْ

واتفضلْ ،

ونحن الرايَه مرفُوعه

ونحن الكُلفَه مرفُوعه

ونحن حلفتَ ... مدفوعه

تقول لِى شنو

وتقول لِى منو ،

-32-

وأما عجيبْ

وأما غريبْ ،

وأقيف لسعْ

وأقيف .. وأسمعْ ،

أنا الكَعَب البسوى الويلْ

وأنا الزول السَمِحْ ..بلحيل ،

وداير ..منَِّهُمْ .. يَاتُو ..،

تقولى لِى شنو

وتقول لِى منو ،

الورقة الخامسة

الذوق السوداني

الجمال و(الذوق) والأدب ساعيه – الرقيص هيلا ميها مدعيه-الشباب حاريك بالخدم واعيه-عبد الحميد إنتي اللدول راعيه( ود ماحي واللومنجي)
---
خلقوه زول وكسوه نور من شدة الحيا والشعور زادوه (ذوق )وكسوه تيه-إبراهيم الكاشف وعبيد عبد الرحمن)
---
ياغاية الآمال لو دعاك الشوق-ما كان جفيتنا زمان- وإنت الحنان و(الذوق)
سليم( الذوق) لو تعرف الشوق أبقى أ،زل يوم من علاك الفوق شوف عمايل الحب في الحشا المحروق-محمد وردي وإبراهيم الرشيد
---
بديع حسنك خفيف ظلك سليم( ذوقك) جميل كلك-خليل إسماعيل ومحمد علي أبوقطاطي
---
(الذوق )والجمال والخدود الساده أدو قلبي النار حرقوهو زياده-التاج مصطفى وإسماعيل خورشيد
ياشوق يا نغم يا قلوب فرحانه-يا(ذوق) يافهم يا عيونه سرحانه-عبد الكريم الكابلي ونفس المرجع
---
تختار الثياب منسجمة الألوان و(الذوق) السليم من اسمه كان برهان- علي إبراهيم والصادق الياس
---
أحب السمره السودانيه وأحب (الذوق) الميه الميه( عزالدين هلالي)
---

الورقة الخامسة

الذوق السوداني

الجمال و(الذوق) والأدب ساعيه – الرقيص هيلا ميها مدعيه-الشباب حاريك بالخدم واعيه-عبد الحميد إنتي اللدول راعيه( ود ماحي واللومنجي)
---
خلقوه زول وكسوه نور من شدة الحيا والشعور زادوه (ذوق )وكسوه تيه-إبراهيم الكاشف وعبيد عبد الرحمن)
---
ياغاية الآمال لو دعاك الشوق-ما كان جفيتنا زمان- وإنت الحنان و(الذوق)
سليم( الذوق) لو تعرف الشوق أبقى أ،زل يوم من علاك الفوق شوف عمايل الحب في الحشا المحروق-محمد وردي وإبراهيم الرشيد
---
بديع حسنك خفيف ظلك سليم( ذوقك) جميل كلك-خليل إسماعيل ومحمد علي أبوقطاطي
---
(الذوق )والجمال والخدود الساده أدو قلبي النار حرقوهو زياده-التاج مصطفى وإسماعيل خورشيد
ياشوق يا نغم يا قلوب فرحانه-يا(ذوق) يافهم يا عيونه سرحانه-عبد الكريم الكابلي ونفس المرجع
---
تختار الثياب منسجمة الألوان و(الذوق) السليم من اسمه كان برهان- علي إبراهيم والصادق الياس
---
أحب السمره السودانيه وأحب (الذوق) الميه الميه( عزالدين هلالي)
---

الورقة السادسة

الأغنية السودانية

المقطع من أإنية"لو تصدق" :ونحن من حلف المدى الفرقنا طوَّل لوبتعرف00 نرسم الليل في البعاد جنة لقا00 نبني تعريشة حنان طوَّل بدا 00ونعنانقه في أعانقنا باقات من مرح تجعل صبانا الغالي زغرودة فرح00 وحتى الكلام لوجيتنا ما بنرويه بنفس الحروف00 كلماتنا تتفجر غزل بين كل فاصله تضوق قطوف00والشوق دوام يغري الخيال يسرح وبحسنك يطوف أحلامنا تتناثر أمل بين كل روضه تعيش ظروف
(لوتصدق-المطرب عبد الكريم الكابلي-الكلمات لعبد العزيز جمال الدين)
♫
المقطع من أغنية "من غير ميعاد": كل الطيوب الحلوه يامولاتي والجيد الرقيق00وخطاكي والهدب المكحل وفتنة التوب الأنيق
واللفتة والخصل اللنامت فوق تسابيح البريق00في لحظه مرت كالظلال تعبر رؤياي إحساس عميق00فتحتي جرح الليل عزاء ومن صمتي ما قادر أفيق00من غير ميعاد واللقيا أجمل في الحقيقه بلا إنتظار00صحيتي في نفسي الوجود ورجعتي لعيوني النهار-
(من غير ميعاد –المطرب محمد وردي والكلمات للتجاني سعيد)
♫
مقطع من أغنية "الشوق والحبيب:":أي لحظه بعيده عنك ضايعه من أيام زماني00وكل يوم كان لي في قربك أتمنى لو أحياه تاني00روحي لو غنيتها ليك ما بتصور ما أعاني00شوقي أبلغ من غناي وحبي أسمى من المعاني
(الشوق والحبيب- المطرب محمد ميرغني والكلمات للسر دوليب)
♫
مقطع من أغنية "جيت مهاجر" :في عيونك شفت نبع الطيبه جاري وهدأة الليل في الصحاري
ومرقة النيل في العصاري وغيمه تمرح فوق رحاب فاصل مداري
(جيت مهاجر-المطرب عبد المنعم الخالدي والكلمات لعمر بشير
مقطع من أغنية "عندى كلمه": عندي كلمه عايز أقولها-
وليها بختار من فؤادي ألف خفقه يصفقولها
فيها من عمري إبتسامه فيها من عمرك طفولة
لو أقولها الأماني تكن قريبه والنجوم الفوق أطولها
في عيونك حاجه تسحر علمت قلبي البطوله
أنسي روحي وأعيش معاها وأنسي أيامي الخوالي
لو أقولها قلبي يرقص وأمشي في بستان خيالي

أنا والأشواق في بعدك ( السر دوليب )( غناء محمد ميرغني ) :

أنا والأشواق
في بعدك بقينا اقرب من قرايب
ما بنغيب عن بعض ابدا زي أعز اثنين حبايب
أي خطوة بعيدة عنك ضايعة من أيام زماني
وكل يوم كان ليّ في قربك أتمنى لو أحيــاه تـاني ..

أنا والأشواق

المابتدورو في الضلام تحدر ليهو

الورقة العاشرة - مدن

كسلا

إنها الحديقة المعلقة من فوق السحاب الذي يلامس أرض الثلاثة التي تذهب الحزن:الماء والخضرة والوجه الحسن أو بالأحرى التي لا يصح فيها إلا قول الخليل:كلهن متبلمات إلا من لحاظن أرحم الجلة بل يقول توفيق صالح جبريل:كسلا أشرقت بها شمس وجددي فهي بالحق جنة الإشراق
كان صبحاً طلق المحيا ندياً إذ حللنا حديقة العشاق
نغم الساقيات حرك أشجاني وهاج الهوى أنين السواقي
بورتسودان
أكبر زهرة ملونة في مزهرية كريستال من ألوان الطيف في مدينة تدين للمدنية بكل صلة لا سيما القوام الإنجليزي فلم أر كاليوم من ضمير عروس البحر و حوريات البحر وهذا وحده الذي يهز الضمير الإنساني والوجدان السليم الناظر على وجه السودان الناضر وثغره الباسم بورتسودان. English stature




الأبيض
عروس الرمال البيضاء كالرمال التي تقف أشجار التبلدي إجلالاً لمجئ المطر و يقف شعر رأس البيوت بالخضرة و ههنا( النسَّام ملص توب الحرور وإتبرد_ شي يغسل الأحزان بجدوال رقراقة وسيل سخيمة النفس وتبرد الحشا بشراب التبلدي وهي وإن كانت أكبر سوق للمحاصيل فهي أيضاً أكبر سوق للحاصل بين الرمال والمياه من برد وسلام.
ود مدني
الجزيرة وحسب المرء أن يعيش في جزيرة من خصوبة الخيال ولين القلب من السودان.ويوماً أبيض متل اللبن الذي كان فيه بيع اللبن يعد عيباً و كان فيه مشروع الجزيرة بحجم مساحة لبنان .وعلى أية هي لا تزال غنية على الأكثر لا الأقل بالغناء من الكاشف وود اللمين وعركي ورمضان حس ورمضان زايد وعبد العزيز المبارك والسقيد
أمدرمان
مدينة المداين وأم الزمان وكاره ومحل كباره وملخص للسوان الماضي والحاضر والمستقبل وبيت اللعبه وبيت القصيد من المدن الثلاثة و منها تحركت معركة كرري وفيها البقعة المباركة للمهدي ومعقل الحركة الوطنية ونادي الخريجين ويا سلام على أمدرمان أم در وأمان أما الدر فمن هنا بدأت الرأسمالية الوطنية وأما الأمان فتشعر به حين تجد الصبيان يلعبون هلال مريخ وجوز الحمام ثلاثة والنعجه لاتباع مع جناها وأي أمان إقتصادي كما أ، الفتاة لا تخرج إلا معها أخوها أوختها الصغيرة وهي بالتوب والسفنجة علامة الجودة والماركة التجارية المشهورة وإن كان بنات الرجال لا تزال تسد عين الشمش على إمتداد البلاد. فالتحية لود الفكي أول من أتي بالغناء لأمدرمان ولمعهد أمدرمان العلمي ودار الرياضة أمدرمان والمسرح القومي وكفى أن بها الإذاعة السودانية والتلفزيون

الاورقة (11)

(((الأدباء)))
1- عبد الله الطيب

2- عون الشريف

3- الحبر يوسف نور الدائم

4- إبراهيم إسحق

5- عبد اللطيف سعيد

6- الطيب محمد الطيب

7- عمر الخضر

8- عائشة الغبشاوي

9- صلاح الدين المليك

10- الأمين البدوي كاكوم

تشكر يازوق على الزوق السودانى
والمعلومات الجميلة
وتحية لكل المتداخلين

الورقة 12

(((الشعراء بالعربية الفصحى)))
1- مبارك المغربي
2- مصطفى سند
3- الهادي آدم
4- أبو آمنة حامد
5- عبد القادر الكتيابي
6- سيف الدسوقي
7- محجوب كبلو
8-


(((شعراء الأغنية)))
1- الحلنقي
2- السر دوليب
3- حسن الزبير
4 – محمد علي أبوقطاطي
5- محمد يوسف موسى
6-التجاني حاج موسى
7-صلاح حاج سعيد
8- أزهري محمد علي و عمر بشير
10- اسماعيل حسن و اسماعيل خورشيد


(((المطربون الكبار)))
1- محمد عثمان وردي
2- عثمان حسين
3- ابراهيم عوض
4- احمد المصطفى
5- حسن عطية
6- التاج مصطفى
7- الكابلي
8- إبراهيم إدريس محمد الأمين
9- العاقب محمد حسن
10-صلاح مصطفى


(((كبار شباب المطربين)))
1 -زيدان
2- عركي
3-عبد العزيز المبارك-
4-عثمان مصطفى
5-حمد الريح-
6 سيف الجامعة
7الأمين الغفار
8-مجذوب أونسة
9-أحمد شاويش
10- هادية طلسم

(((المطربون الشعبيون)))
1- عبد الله الماحي
2- أحمد الطيب
3- بابكر ود السافل
4- بادي
5- الكحلاوي
6- عطا كوكو ومحمود عبد الكريم
7- عبد الله محمد
8- عوض الكريم عبد الله
9- الفرجوني
10- محمد الحسن قيقم

(((الرياضيون)))
1-جكسا
2-سبت دودو
3-عز الدين الدحيش
4-علي قاقارين
5-برعي أحمد البشير
6-يوسف مرحوم
7-مصطفى النقر-
8- إبراهومة
9-عبد الكافي
10- حسن هاشم


(((الملحنون)))
1- عبد الرحمن الريح
2- برعي محمد دفع الله
3- الطاهر إبراهيم
4- عبد اللطيف خضر
5- عمر الشاعر
6-
7- السني الضوي

شكرا شيخ مهند
على هذا الذوق الجميل ..
وهذه المكونات الوجدانية للشعب السوداني ..
وبالجد بحث أكثر من رائع تستحق عليه الإشادة