هى فكرة بوست فى منتدى آخر

http://www.madaninet.com/vb/showthread.php?t=1359

قلنا ننقلها هنا ونديها طعم الهدى من خلال هذه اللمة الحلوة

اجمل مافى المنتدى تواصل الاجيال

ناس عمرك ماشفتهم .. بتسمع بيهم سااااى من بعيد لبعيد

زى عادل خيارى مثلا الزول الساكن بعيييييييد داك

من خلال كتابتو ممكن نخت انطباع عنو وعن ملامحو

اول حاجة منى انا سااااااى .. انا خاتى زول سمين

ماعارف لييييييه

يمكن عشان بحب الشية

ويمكن يكون عشان اخوه غازى






اها ياحبان تعالوا ساااااااااااى

نحكى عن ملامح ناس جديدة

شفناها من خلال المنتدى

او عن ناس شفناها قبل كدا

والمنتدى عكس لينا صورة اخرى


النبى يااااااخ تعالوا ماتقروا ساااااااااااى

الزبير محمد على
بين استاذ محمد على وبين حكمة عبدالمولى
اخد من الاتنين
الزبير دا صغير ياخ
زمان كان هادىء
بس مرات الانتماء بضيق ماعون الفكرة
عشان كدا ممكن يكون بقى عصبى شوية

احمد الامين دا وداختى
كنت مفتكروا طويل سااااااااااى بدون فائدة
لكنو ماشاء الله
من خلال المنتدى اثبت لى انو نخلة تجود بالثمار
وااصل ياابوطويلة ياخ
وشوف نمل الحلة جيبو
ماتخلى حتى النملة ابوريش سكها وجيبها

صديق الماحى دا اديهو الضحك بس
طبعا انا ما قابلتو
لكنو زول نكتة وبصنع من الفسيخ شربات
وبحب حوامة السوق
صديق دا كان حواااااااااااااااااااااااام

سلام تربيع ود مدثر
لك التحية اخي وانت تنثر عبيرك في كل المنتديات حقيقة بوست تحفة نشكر لك تلك الاريحية
نرجع لي موضوعنا عادل يحب الشية دي نبصم عليها وخروفك الموعود سيك سيك
لكن التانية دي يُنظر ويفاد

عبدالرحمن مدثر كتب:

صديق الماحى دا اديهو الضحك بس
طبعا انا ما قابلتو
لكنو زول نكتة وبصنع من الفسيخ شربات
وبحب حوامة السوق
صديق دا كان حواااااااااااااااااااااااام

عادل اكبر منى بى شوية يا شهر يا زيادة شوية الموضوع دة أسأل منو خالتى حواء .. عشان ما جات الحرقة كانت والدة عادل جديد يعنى ما تمت الأربعين وعنده شهادة ميلاد وانا لا والحكاية دى غايظانى غيظ .. اى زول يسالنى عمرك كم ما بقدر اقول الا ارجع لى شهادة ميلاد عادل وبرضو ما بقدر عشان خالتى حواء ما متذكرة ولا أمى بالضبط كم يوم
بالنسبة للحوامة احسبها انت
ستة سنين بس .. دى الطفولة
واتناشر سنة مدرسة وخمسة سنين عراق وتسعة سنوات ليبيا وعشرة مصر ولى هسة حائم أعمل حساباتك وأتفاهم مع عادل خيارى وورونى عشان الحساب تعبان وما متذكر تاريخ ميلاد عادل هسة
انشاء الله اشفيت غليلك وانطباعك
على فكرة انا أسمن من عادل

الاخ عبد الرحمن لك التحيه والاجلال
قريت البوست و ضحكتا بعد ما كلمني بيهو عادل
و كنت حا امشي لكن لقيتك بتحلف في اخر البوست و( شعرت بلجبن من المشي ساي )
و الله فكرتك مهضومه و بتقرب الناس و بتمسح الخيال و بتعكس صور ا قرب للواقع بعد ما الطرف التاني يرد
يعني انت بعد مداخلتك معاي في بوست انا كتبتو سابقا اتخيلتك (اسود اليشره)مربوع
ليس قصير اصلع (ماعارف الملامح دي جاتني من وين )لكن ده الشكل الظهر لي بعد ما استشفيت شي من صوره الامورات بناتك (رغم اني ما متاكد)
وزي حبيبنا صديق ممكن يكون اقرب لصوره ولدو الفي الصوره مع اضافت عمر اكبر و كرش كبيره (كل يوم بيقول عايز يتمرن و ينزلا)
اما عادل فهو معاي و ممكن اقرب ليك الصوره ماقصير ممتلئ (ما سمين)لانو لو وقف بين الناس السمان مابظهر عليهو

فكرة رائعة يا (جاقا )، وطبعاً لما نقول ود مدثر فكرتو رائعة زي الما قلنا حاجة لأنو هو أصل الروعة والإبداع ،
الفكرة جميلة لكن غير مسموح بيها لكل الناس ،
اها نحن أخوالك الكبار ديل بنعرف أغلب الناس حتى السافروا من بدري جداً ، لكن بن
تحرج أنو نقول ما بنعرف زول في الهدى ولو كان عمره سبعة سنين لأنو لااغتربنا وعذرنوا
ولا قاعدين مشاركين ومعارفنهم ، يلا بقينا مبوجنين في النص

عادل خياري كتب:

سلام تربيع ود مدثر
لك التحية اخي وانت تنثر عبيرك في كل المنتديات حقيقة بوست تحفة نشكر لك تلك الاريحية
نرجع لي موضوعنا عادل يحب الشية دي نبصم عليها وخروفك الموعود سيك سيك
لكن التانية دي يُنظر ويفاد

ينظر ويفاد دى دايره ليها صورة مصاحبة

خلينا من صورة ولدك الصعنبوتى داك الساكن فى حوض المتبخ

ودى دعوة ذاتها انو الناس تنزل صورها زى جووطة الاسماء المستعارة

صديق الماحي كتب:

عبدالرحمن مدثر كتب:

صديق الماحى دا اديهو الضحك بس
طبعا انا ما قابلتو
لكنو زول نكتة وبصنع من الفسيخ شربات
وبحب حوامة السوق
صديق دا كان حواااااااااااااااااااااااام

عادل اكبر منى بى شوية يا شهر يا زيادة شوية الموضوع دة أسأل منو خالتى حواء .. عشان ما جات الحرقة كانت والدة عادل جديد يعنى ما تمت الأربعين وعنده شهادة ميلاد وانا لا والحكاية دى غايظانى غيظ .. اى زول يسالنى عمرك كم ما بقدر اقول الا ارجع لى شهادة ميلاد عادل وبرضو ما بقدر عشان خالتى حواء ما متذكرة ولا أمى بالضبط كم يوم
بالنسبة للحوامة احسبها انت
ستة سنين بس .. دى الطفولة
واتناشر سنة مدرسة وخمسة سنين عراق وتسعة سنوات ليبيا وعشرة مصر ولى هسة حائم أعمل حساباتك وأتفاهم مع عادل خيارى وورونى عشان الحساب تعبان وما متذكر تاريخ ميلاد عادل هسة
انشاء الله اشفيت غليلك وانطباعك
على فكرة انا أسمن من عادل

ياشهر .. يازيادة دى ذكرتنى نسيبى المتالم اليومين دى زيادة
لكن ياود الماحى دى لفة طويلة خلاس
طبعا انا ضعيف فى الحساب
لكن لفة صينية الغربة دى جابت ليها انطباع تانى طالما انت اسمن من عادل
اها نجى ل12 سنة مدرسة معناها زمنك كان جميل
وكنت بتقوم بالريكة وديمة بتنتظر الزيادة
اها تانى جاء زيادة
زيادة برضو انا ماحتكيت بيهو لكن وليد اخوهو كان بااك ختر بقشك انت والكورة
وكذلك السادة

فى انطباع عام انو اولاد عبدالباقى الفضل ديل مامغاربة

ديل كواهلة عديل لانهم فى الحدود المتاخمة للمنطقية الصباحبية والكواهلية التقدمية

منتصر عيساوي كتب:

الاخ عبد الرحمن لك التحيه والاجلال
قريت البوست و ضحكتا بعد ما كلمني بيهو عادل
و كنت حا امشي لكن لقيتك بتحلف في اخر البوست و( شعرت بلجبن من المشي ساي )
و الله فكرتك مهضومه و بتقرب الناس و بتمسح الخيال و بتعكس صور ا قرب للواقع بعد ما الطرف التاني يرد
يعني انت بعد مداخلتك معاي في بوست انا كتبتو سابقا اتخيلتك (اسود اليشره)مربوع
ليس قصير اصلع (ماعارف الملامح دي جاتني من وين )لكن ده الشكل الظهر لي بعد ما استشفيت شي من صوره الامورات بناتك (رغم اني ما متاكد)
وزي حبيبنا صديق ممكن يكون اقرب لصوره ولدو الفي الصوره مع اضافت عمر اكبر و كرش كبيره (كل يوم بيقول عايز يتمرن و ينزلا)
اما عادل فهو معاي و ممكن اقرب ليك الصوره ماقصير ممتلئ (ما سمين)لانو لو وقف بين الناس السمان مابظهر عليهو

منتصر ياحبوب بالجد دخلتك الحلوة دى احلى من البوست ذاتو
اما بخصوص انطباعك فاصلع دى لوغيرتها بكون احلى لانها قريبة للصورة
والجلحات بداية الصلعة هكذا يقولون ..
اها انت شكلك كدا زمان كنت بتلعب بعلب الصلصة وتعمل ليها خيت وتقول الوووو الووو
عشان كدا الشغلانية دى اتطورت شئيا فشئيا لحدى ماغطست فى العولمة والحوسبة التقانة
انت زمان كنت بتقيف حارس او بتجيب الكووورة البره ما لعاب شديد
اما الملامح فهناك هدوء واضح .. زوابعك الرعدية ماكتيرة بس كتااااااامى
لونك قمحى عشان اللون الاسود بتاعى
وبتشكها طوالى

الاخ /عبد الرحمن مدثر
سلام
فى زول هناك
عايزنك تتخيل شكلو يا مبدع0
هو صديق خالد عوض الكريم 0
والله عجبتنى الفكرة ياموهوب 0
ما شاالله عليك0

علاءالدين عبدالرؤوف السني كتب:

فكرة رائعة يا (جاقا )، وطبعاً لما نقول ود مدثر فكرتو رائعة زي الما قلنا حاجة لأنو هو أصل الروعة والإبداع ،
الفكرة جميلة لكن غير مسموح بيها لكل الناس ،
اها نحن أخوالك الكبار ديل بنعرف أغلب الناس حتى السافروا من بدري جداً ، لكن بن
تحرج أنو نقول ما بنعرف زول في الهدى ولو كان عمره سبعة سنين لأنو لااغتربنا وعذرنوا
ولا قاعدين مشاركين ومعارفنهم ، يلا بقينا مبوجنين في النص

والله التبوجن ماحبابو ياجاغا

نحن معاك فى نفس المركب

خاصة مع شفع الزمن دا الزى النخيل

لكن تعال اقعد شوية واى موضوع بدنكل ليك انطباع مظبوط

وملامح جديدة

صلاح الشيخ كتب:

الاخ /عبد الرحمن مدثر
سلام
فى زول هناك
عايزنك تتخيل شكلو يا مبدع0
هو صديق خالد عوض الكريم 0
والله عجبتنى الفكرة ياموهوب 0
ما شاالله عليك0

ودالشيخ سلام ومحبة
اول حاجة انا ذاتى شوفتى ليك زى عربيتك الافراج المؤقت ديييك
شوفة بالجنبة كدا لكن من سفنجتك الجيت بيها هنا شكلك زمان كنت بتحب الغلااااااااااااات
تغالت الزول فى ضلو صاح ولا ماصاح ..
بس احلى حاجة انك مابتزعل من زول .. ولابتزعل زول
اما الملامح فعشان محفورة
مافى طريقة لنجرة كدا ولا كدا
اما بخصوص صديق انا بقوم بختو ليك فى النص كدا بين استاذ الزاكى وبين ابايزيد
بتقوم الصورة تطلع صديق زول نكتة
كلامو ماكتير زى ودالامين

كدى النجى لحسن اسماعيل
اول حاجة زول بتكلم براااااحة بقنعك برايو بطريقة جميلة
تنم عن دواخل فلاسفة .. حنكو سنين زمان
بحب التعددية زى انا (والكلام دا لو جاب هواء بسحبو )
اجتماعى لدرجة قف تامل
فى المناسبات بتلقاهو قدام شايل الصينية وحريص على الوصلة
ماطويل شديد وسط يعنى .. اخدرانى

عبدالرحمن مدثر كتب:

كدى النجى لحسن اسماعيل
بحب التعددية زى انا (والكلام دا لو جاب هواء بسحبو )

هههههههههه
هواء معاو
كتاااااااااااااااحة
الزول دي مراقب دوليا من قبل الحكومة

كدى النجى لمحمد الطيب شعلة النشاط فى المنتدى
والنحلة التى تجود علينا بشهد الحديث ومتعة المشاركات
واناقة الحضور
معرفتى به انو زول سباق من خلال نشاطات رابطة الطلاب
والجمعية الخيرية والمعسكرات الطبية زول تقيلة ..
انا كنت خاتى بتاع حقن ومضادات حيوية .. لكن لقيتوا ليك بجاى
عندو مهارة فى الكبسولات الاخرى المضحكة من خلال (خيالو الواسع )
التقول لافيها
لكن شكلوا لو الهلال اتغلب بقعدوا فى بيتو وبخلى الشغل لانو صعب خلاص
لمن يكون منتصر زى موسى الماحى

عوض خيارى كتب:

عبدالرحمن مدثر كتب:

كدى النجى لحسن اسماعيل
بحب التعددية زى انا (والكلام دا لو جاب هواء بسحبو )

هههههههههه
هواء معاو
كتاااااااااااااااحة
الزول دي مراقب دوليا من قبل الحكومة

داير اهدى ليك اغنية ممكن وخاصة لمن تغنيها حنان النيل
انسى بس ...

لاتقفلوا الابواب .. لاتقفلوا الابواب

خلوا الهوى يدخل

وزى الهوااااااااء ينسااااااااااااب

ياصاحبى سحبنا الحتة يااااااااااااااخ

حبيبنا عبد الرحمن لك التحيه
و الله انت ما مشيت بعيد و التلفون المصنوع من الخيوط لعبنا بيهو بس انا كنت بستمتع اكتر بصناعة البكاسي من الجوالين و اللواري من الصفائح (صفائح زيت الفهد) في الكوره لعاب شديد و ما بقيف قون و بلعب جناح لفت (لانو رجلي شمال) و بحب اتقدم عشان اجيب اقوان و كان رفعتها من صايدي ممكن تلقاها في الشبكه
بلمناسبه صورتك اخر وجاها ما عندك عوجه يا باشا

لذيذه جدا يا ود مدثر
بس العجيب وضعية الانطباع بالنسبه لشخص لم تره قد يكون الوضع صعب شويه بس الفكره اصعب
فمثلا انا اقراء مواضيع لبعض الاعضاء واتخيل شكله من خلال كلماته اجد تغير في موضوع اخر (حتي هذه الحظه لم استطيع تثبيت صوره لي عساوى وود الحاحيد ) فلك الشكر علي وضع صورتك ولك التحيه

ياود مدثر
البوست دى وقف ليه
نحنا منتظرين ناس كتار
كدى شوف لينا الصادق الشريقاوى
يا شواف اوعك تبخل
مودتى دوما

ياودالشيخ انا اول حاجة داير اعرف العلاقة

بين حلفا .. والسكر .. وشرقة الشريقاويين

زمان كان خليل الصادق دفعتنا مابخلى ليك استاذ فى الهجرة

من التقليد والمحاكاة .. وكان فنان لدرجة بعيدة فى القصة دى

آل الشريقاوى عموما ارتبطو بخفة الدم .. والحضور الجميل الدائم

من خلال ارتباطنا بهم ..

الصادق خالد من الناس الما احتكيت بيهم كتير بسمع عنو طراطيش كلام ساى

لكن من خلال المنتدى

بتكيف شديد لاى دخلة للصادق لانها بتكون اجمل من الموضوع ذاتو

زمان كان شعروا زى شاورخان وكت المطرة

لكن هسة شكلو كدا زى مشروع الجزيرة

لكن فى العيد بنديك التحميض الكامل للصورة من خلال المشاهدة

والحروف والخروف ذاتو

ياودالشيخ لو جيت العيد انا على الخروف فى غابة قوز الرهيد

لكن سؤالى القائم الصادق الشريقاوى بكون معلم فى تظبيط ام فتفت

ياعيساوى بمناسبة الصورة الجديدة الانطباع لاكن ماانطبع فيك بنفس ملامحو

بس ناقص نجيب الطابعة .. ونجيك هناك فى محل الطباعة وكدا

ورمضان كريم

سلام ود مدثر ورمضانك مقبول ان شاءالله
وينك انقطعت غسى ماشر (حلوة مش )
قبل كم يوم كنا في سيرتك بالخير مع اخونا عيساوي
سال منك قال صاحب البوست ده مشى
يازول انت لازم ولازم تكون متواجد لانك زي ماقال ترباس انت المهم
وبك ينتعش المنتدى وينعش اكتر من البيبسي زاتو
تحياتي

ياودخيارى رمضان كريم

اول حاجة قول لى كفارة اللابتوب اتسرق فى صمة خشمو

وعمك السرقوا خلى خشمى ملح .. ملح ..

طبعا اللابتوب بتعوض لاكن المابتعوض الاخلاق .. خلاص السودان انتهى

وهاك التفاصيل

عمك دقنو كبير يبدو عليها الوقار جاء يبحث عن مقعد افرنجى دواس او عن اى اشياء

اخرى .. كان المعرض فاضى قمت مع عمك عشان يتفرج على المقاعد وهو اتاريهو برنق

على لابتوبى ... والدنيا رمضان .. واذان الضهر يآذن .. قام اختار حاجة كدا من طرف

قلت لى بالشىء الفلانى .. قال داير مقعدين منها .. وانا بسمع فى الاقامة فى المسجد الفوق

لينا .. قلت ليهو انا ماشى اصلى .. قال لى خلاص صلى وانا بنتظرك .. وعندى ولد

معاى بتاع نضافة فهموا تعبان .. لحقت الصلاة بجاى .. وهو قال ليهو اعمل حاجة كدا او

جيب لى الطقم داااااااااك .. خلاصة الموضوع عمك نام باللاب توب واتخارج

وبقت هناك حسرة

شهر فضيل .. ونفوس ضعيفة

ربك يهون




خربشة

عشان كدا كنا محرومين من صلعتك على الاسكاااااابى


بالمناسبة

فى فكرة موضوع عن السكليب بالاسكاااابى كوسيلة جديدة عشان الناس ماتستف العربات

والبكاسى .. وتحرس الفراش .. بس نقرة وسكليبة من مواقعهم .. على الاقل بتكون مافى

خسائر تانية

يا ولدنا اولا كفارة وانشاءالله ما تشوف شر
والله انا اول ما دخلت شفت البوست البحبو جدا فرحت وجرى عليه لكن سرعان ما تحولت فرحتى لحزن عمممممممممممممممممممممممممممممممممممممممممممممممممميق
لكن نقول ربنا يعوض عليك
الحادثة ذكرتنى بخبر نشر فى احدى الصحف السودانية ( طبيبة سرقت لابتوب من احدى الاسر بالخرطوم وتمكن افراد المباحث بالقبض على الطبيبة وبعد التحرى اتضح انو من اسرة تعيش فى مستوى مادى ممتاز ) دا نقول عليه شنو واحد دقنو طويلة يسرق وكمان طبيبة ومن اسرة ميسورة طيب تانى فضل شنو يا حليل زمن الاخلاق والمبادى .
على العموم يا عبدالرحمن نقول دا بلاء وربنا صرفه منك بالابتوب .
مع كل الود والتقدير

يا ود مدثر و الله كفاره و البركه في صلاتك اللحقتها ربنا يشفع ليك بيها و يعوض الف خير علي اللابتوب
و مرحب بيك كان بتجينا حتي لو من غير الطابعه ابقي ماري موجودين و البركه في طلتك يا الاخو
و طلت الاخوان ناس بلال الشفناهم بلمتك
ليك التحيه

الاخ عبدالرحمن الليله اول يوم امر على البوست الرائع واديك انطباعى عن بعض الاشخاص اول حاجه انت ماحصل اتلاقينا لكن داانطباعى عنك (سمين+قصيروليك جلحات)ودود +ضحاك ذى مهدى وابراهيم وانطباعى عنك دا صحيح ولا بتشبه الاموره بنتك الفى الصوره؟ والجاتك فى لابتوبك سامحتك ان شاء الله ربنا يعوضك باحسن منه ولك التحيه

يامحمد احمد كل انطباعاتك فى محلها

بس ماسمين شديد

والجلحات موجوده بس بنكااااابر سااااااى

ابوالابداع وابوالفنون وابوالروائع وابوقوتة ذاتا

ودمدثر ..

بوست عجيب كلو كلو !! ويخليك تتخيل وتزكر وترفرش

الزاكره البقت اقل من قيقا..

انا طبعا كنت متخيل طارق مامون دا اكبر من بلال بى

شوية كدا .. لكن بعد ماشفت الصورة( الدساها ديك)

تانى الا اقول جدو طارق

الحبيب وليد التلب

انا والله شفت التعليق دا اليوم بس .. وماتشوف الجلحات دي ساي .. نحن صغار يعني أكبر من بلال
بيناتنا (بت ) .. والفرقة بين كل ولدة والثانية سنتين بس .. أحسبها بقى