يا نيل يا شامخ كيف بتموت؟


يا نيل يا شامخ كيف بتموت
لو رحت معاك بنعدي نفوت
***
يوم غبت وشلت الجاي والراح
البحر اتوسد بطن الحوت
والزمن الخالد مات وارتاح
والدنيا بلاك لا حس لا صوت
***
يا وردي الخالد في الأزمان
ح تظل راجياك ضفاف وبيوت
بنستناك في كل مكان
ما سترنا انت وورق التوت
***
يا سيد الروعة ونبض الروح
الشمس اندفنت في تابوت
والنجمة تنوح في ليل مجروح
والغنية حزينة وآه مكبوت
***
لا نغمة سعيدة تهدّي البال
لا حلم عنيد وحنين مختوت
في ضل الشوق وصباح الفال
لا عافية حيل ورقيص بنّوت
***
يا قلب افريقيا ونبض الكون
يا ذخر الأمة دهب ياقوت
يا نخلة حلفا وسر اللون
في أرض اختارت فنك قوت
***
يا وردي العايش في الأعماق
يا ساحر انت بدون كهنوت
يا نور مستشرق في الأحداق
البصدح مين والدنيا سكوت؟
***
يا نيل يا شامخ كيف بتموت
لو رحت معاك بنعدي نفوت
د.المعز عمر بخيت

اللهم أغفر له وارحمه واجعله من أصحاب اليمين.

للفقيد الرحمة
وللسودان حسن العزاء فى الفقد الجلل

ربناء يرحمؤ ويغفر ليؤ
ولي كل محبيه الصبر والعزاء

مرثية الحنلقى فى رفيق دربه الموسيقار وردى:-
وإنت ياوردى المشاعر يالبقيت للموجه مرسى .. كيف يقولوا عليك مفارق وإنت عايش فينا لسع.
----------------------------------------------------------
ياأعزالناس حليلك وإنت حاضن العود تغنى
وقلبى سارح فى الغناوى الطالعة منك وشايلة منى
عندك إنت الفن رسالة تزرع الأيام تمنى
ياحبيب كل الغلابة غبت وين الليلة عنى
غبت ياالطير المهاجر وإنت لابس الشوق حراير
غبت ماشفناك بتشرب من عسل إحساسنا زاير
وإنت لودارت عليكا ياوليف عمرى الدواير
زهرة المقرن بتلبس من حروف اسمك ضفاير
ياسمح يازين حليلك فى السمح بعد السماحه
العصافير ليك تهاجر وبيك تعود أبيض جناحه
الجراح الفى قلوبنا بالنغم دوايت جراحه
ومنك اتعلمنا نغزل من دموعنا النازلة واحه
نحن ما بنمسك دموعنا لما نسمع لوبهمسه
أما نورالعين غرامنا مالو لو أهدتنا لمسه
وإنت ياوردى المشاعر ياالبقيت للموجه مرسى
كيف يقولوا عليك مفارق وإنت عايش فينا لسه
قلت أرحل وجيت رحلت ومارحل أبدآ مكانك
السحابة الفوق بتسقى وردة الأحزان عشانك
اوعى تمشى تقول مفارق إنت أسطورة زمانك
إنت ليك أنغام بتزرع فى القلوب أزهار حنانك

مبارك النعمه النعيم كتب:

مرثية الحنلقى فى رفيق دربه الموسيقار وردى:-
وإنت ياوردى المشاعر يالبقيت للموجه مرسى .. كيف يقولوا عليك مفارق وإنت عايش فينا لسع.
----------------------------------------------------------
ياأعزالناس حليلك وإنت حاضن العود تغنى
وقلبى سارح فى الغناوى الطالعة منك وشايلة منى
عندك إنت الفن رسالة تزرع الأيام تمنى
ياحبيب كل الغلابة غبت وين الليلة عنى
غبت ياالطير المهاجر وإنت لابس الشوق حراير
غبت ماشفناك بتشرب من عسل إحساسنا زاير
وإنت لودارت عليكا ياوليف عمرى الدواير
زهرة المقرن بتلبس من حروف اسمك ضفاير
ياسمح يازين حليلك فى السمح بعد السماحه
العصافير ليك تهاجر وبيك تعود أبيض جناحه
الجراح الفى قلوبنا بالنغم دوايت جراحه
ومنك اتعلمنا نغزل من دموعنا النازلة واحه
نحن ما بنمسك دموعنا لما نسمع لوبهمسه
أما نورالعين غرامنا مالو لو أهدتنا لمسه
وإنت ياوردى المشاعر ياالبقيت للموجه مرسى
كيف يقولوا عليك مفارق وإنت عايش فينا لسه
قلت أرحل وجيت رحلت ومارحل أبدآ مكانك
السحابة الفوق بتسقى وردة الأحزان عشانك
اوعى تمشى تقول مفارق إنت أسطورة زمانك
إنت ليك أنغام بتزرع فى القلوب أزهار حنانك

-
أعتذر بــشدة لدخولي المتأخر على هذا البوست ..
ورحم الله الفنان الإنسان الأستاذ وردي .. وهو فنان قامة بحجم هذا الوطن ..
وعزاءنا الوحيد بأن ماخلفه له من إرث .. يحتاج الى مئات السنين القمرية والشمسية
لتقيمه .. إذ حتى هذه اللحظة لم ننتهي من تقييم خليل فرح .. ومازالت عازة في هوانا
ووردي يمثل عشرات أضعاف خليل فرح .. فأننا كما ذكرت أعلاه نحتاج الى مئات السنين
لتقييم تجربته الغنائية .. فغني لأكثر من 53 شاعرا من فطاحلة الشعر الغنائي
السوداني .. عرب وحجم .. له الرحمة والمغفرة ..