لقد تعرضت لعملية نصب
وذلك لسذاجتي .. وطيبتي ..
كنت أنتظر واحد من الأصدقاء .. وجالس داخل سيارتي ..
أقترب مني شاب .. وقال لي أنه ليس لديه رصيد كافي ويرغب في مكالمة
كريمته ( أخته ) الموجودة بداخل مشغل نسائي .. ويطلب منها الحضور
لمقابلته عند الباب .. ولقد صدقته .. وأعطيته جوالي ليكلمها منه ..
غير أنه وأمام ناظري .. فأذا به يتكلم ويبتعد مني ..
ولما أدركت الأمر ونزلت من سيارتي .. فأذا به يتواري عن الأنظار ..
ودا كلو .. لأننا ناس طيبين .. وبنصدق أي شيء ..
والحمد لله .. أنها جاءت على الجوال .. وربنا يخلف علينا ..

وللذين يحبون التواصل معي .. هذا رقمي الجديد :
0545917884
ولكم التحية ..

الأستاذ الحبيب طارق مامون السلام عليكم.
ربنا يعوضك عن ما سرق منك، وهذه الموضى حتى في السودان موجودة.
بل موجود ما هو أكثر جرأة.
قبل ما يقارب العام كنت راجع على البيت في الكلاكلة، وبينما كنت ماشياً في الشارع، وهاتفي في يدي؛ فإذا بشخصين يستغلان موتر يحاولا نزع الهاتف بالقوة والموتر في سرعته؛ لكن ولله الحمد لم يستطيعا ذلك؛ لأنني كنت قابضاً عليه بقوة.
والنماذج كثيرة: سرقة شنط البنات وغيرها.
الواجب الحذر.

التحيه والتقدير ليك ياود المامون
والجاتك في تلفونك سمحاتك

الاخ طارق المامون
غايتو الزول السوى الحاجة ديه ماظريف
ثم تاني يعني زاتو سواها كيف

الجاتك في موبايلك سامحتك اليومين ديل عندنا في السودان سرقه مقننه فتاه تجلس بجوارك في كافتريا وبعد فتره تطلب منك التلفون لامر هام وبعد المكالمه تقول لك اذا سالتني عن التلفون سوف اصرخ والم عليك الناس .. اعوذ بالله

فى رمضان كنت منتظر زول فى العربية وفاتح القزاز
جانى ليك واحد من جنبى
بكل احترام
لو سمحت كبرى 15 مايو فين ؟
قعدت اوصف ليه والموبايل فى المقعد الجنبى
الجدع مشى من جنبى وانا مبسوط وصقت ليه
اعاين لى الموبايل فص ملح وداب رغم ان الذى سألنى بعيد جدا من مكان التلفون ولازم ياخده يمد يده من خلالى
اتارى معاه واحد تانى
شفت الغفلة
بس كان زمان 3310
تعيش وتاخد غيرها يا حبيب

الحبيب ابو وضاح ...
ولنبلونكم بنقص فى الاموال والانفس والثمرات وبشر الصابرين
الذين اذا اصابتهم مصيبة قالوا انا لله وانا اليه راجعون
ربنا يعوضك ..والجاتك فى مالك سامحتك
ما يؤسف له ان يصل بنا الحال كمجتمعات عربية ومسلمة الى هذا المستوى
وبدلا من ان نعين على الخير وننشره بين الناس
وتصبح المروة وفضل الظهر من الصفات والقيم النادرة
اللهم اصلح الحال ..وقوى الايمان ...وثبت القلوب على الدين يا رحمن

الغالي طارق مامون ربنا يعوضك والجاتك في مالك سامحتك وخيرها في غيرها وقد تعددت اساليب الاحتيال في بلدان المسلمين وقد رايت بعيني في الطائف شاب سعودي يدخل محل موبايلات ياخذ جوال ويهرب امام اعين الناس وفي مره طلب مني احد الشباب السعوديين وهو يركب موتر جوالي ليتصل به فرفضت ان اعطيه اياه وربنا يعوضك ياغالي

يا خال مش كان صرخت والله كان قالت الروب