صديق الماحى ضيف الكرسى الساخن

من خلال مبادره سابقه .. وفكره دعمها الاحباب هنا

من خلال دائره الضوء هنا ..

الكرسى الساخن يستضيف (المصادم ) صديق الماحى

حتى نتعرف اكثر على عالمه الجميل

واحساسو القنديل

وونستو الزنجبيل

***

حبابك ودالماحى ...

ويلا بسم الله نبدا

همتكم معانا ياحباااااان

نخلى الكرسى على ود الماحى (ملهلب ) حت نستفيد

من تجاربه الثره

من افكارو

من نجراتو

ومن زنقاتو اكيد

صديق الماحى .. بعد ماتسجل فى لسته الحضور (وتتندس ) عندنا هنا

تعال لينا بالبطاقه الشخصيه كامله مكمله .. لان الكثيرون لايعرفون صديق الماحى

معرفه عن قرب ... ومنهم انا .. لحدى مااتلاقينا فى (مترو المطريه )

بالواااضح تعال .. اهطل .. امطر لينا هنا

* وحدثنا عن صديق المااحى ... للذين لايعرفون من هو ودالمااااحى

(النبى ... تعااال اندفق ) هاها

بالجنبه ...

ابوريان (ودالطيب ) تحياتى ... زمان ودمدثر عليه رحمه الله بقول للرايقات

غسلوا الماااعون وهو لين

ودى حكمه من انو التاخير (ماحبابو )

من اقتراحك

ومن دخله ودالماحى

ومنذ قفله مهدى محمداً سليمان

قلناه نجيب الشبكه

ونبدا بود الماااحى الانيق

يلا ياحبان همتكم معانا

* بعد جلوس ودالماحى فى كرسيه الوثير .. فى مده زمنيه تحدد لاحقا

لانها البدايه ...

* سيكون عليه اختيار الضيف القادم الذى سيجلس بعده

* فى الغالب الاعم يتوقف الجلوس على حسب النشاط المراد منه فائده اكبر

من خلال محطات .. مواقف .. وتجارب .. بها تكون الفائده للجميع .. لكن فى كل الاحوال

الجلوس على الكرسى لمده (اسبوعين )

* فكره الكرسى الساخن هى تواصل حميم بين الاعضاء وبين من يجلس على الكرسى ...

* لذلك رجاءا لاتقراو فقط وترحلوا ... نطالب الجميع .. بالتواجد .. والمشاركه .. والمشاركه

تسلم يا عبدالرحمن انشاء اخونا ود الماحى يظهر لينا وانت كمان نقول ليك انشاء الله اجر وعافية

عدد المساهمات : 3466 تاريخ التسجيل : 25/04/2010

السلام عليكم
عبدوووش جاى على تووووش
تمشى بالعكس ليه ؟
تخالف المرور ليه ؟
فكرة البوست جميلة وقلنا نستفيد من الناس ومنتظرين الناس تقوم تختار آخر الناس
ماش يا حبيب ارجى الراجيك فى سؤ اختيارك وذنبك على جنبك
وبسم الله الرحمن الرحيم نبدأ
فى اللنك الجائى بطاقة التعريف بس

اووووو حبيب الكل ظهر منور والله ودالماحى

بركه الجيت ... بركه الجيييت

آآآآآى بسكويت بسكويت

كدى اول حاجه اقالد مهدى محمد سليمان وارجع ليك

امانه ماااكترت (لينكاااااات )

مهدى يلا همتك معانا ... ونولع الجبخااانه

ارجو من اخونا التعريف الشخصى اى الاسم بالكامل ومنه ننطلق

عدد المساهمات : 3466 تاريخ التسجيل : 25/04/2010

فى حاجة غلط
انا لى نص ساعة بكتب وكتبت مداخلة طويلة عريضة وما نزلت مشت وين ما عارف

عدد المساهمات : 3466 تاريخ التسجيل : 25/04/2010

صديق الماحى حاج العوض يوسف مساعد ود النقارة
حلاوى وشايقى الاتنين مع بعض
العمر بالضبط مسئؤل منه عادل خيارى وبوريكم قصته
النشوف الكلام دة ظهر عشان ما ادقس تانى

نعم ظهر ما دقستة

المراحل التعليمية

جينا .. ومع ونستك اتحكرنا ... اندفق ماتدينا بالقطاعى .. عشان ندق النقاره

ونشرب شايهنا الساده .. ونتكيف بنضمك وزياده

اها زلاااااااااااااااااااابيه ساااخنه

[ندعوك للتسجيل في المنتدى أو التعريف بنفسك لمعاينة هذه الصورة]

عدد المساهمات : 3466 تاريخ التسجيل : 25/04/2010

مولود فى حتة اسمها الحرقة جنب مدنى لم ازورها قط وطلعت منها عمرى اربعين يوم ..
مقصر غصبا عنى .. لكن التحية للحرقة وأهلها الذين سمعت عنهم كل الخير وأتمنى ان ازورهم لو ربنا ادانا عمر ...
الطفولة فى السقاى الأنصار وأكتر حاجة بتذكرها هو الطهور المثير
كان يوجد تاكسى العم داجو وهو الوحيد فى السقاى وبالنسبة لينا نحن كأطفال الوحيد فى العالم والذى يركب هذا اللتاكسى يحسدوه جميه الاطفال ويمكن الكبار كمان
جارنا جبريل عنده ولدين احمد ومحمد ركبوا التاكسى ومشوا الكباشى لكى يطهرومم زنحن اتشبكنا انا والهادى الا نركب تاكسى داحو فعلا حتى لو كان فيها طهور

طبعا ياودالنقاره (دى جديده ) حكايه تدخل معاك عادل هنا مابنمشيها ليك

*جيب لينا صوره عديل من شهاده ميلادك ... وكانت راحت شوف التسنين

* خلطه حلاوى وشايقى .. والميلاد فى الحرقه .. والسقاااى .. والهدى ماشاءالله

كوكتيل ومنوعات احساس طفوله جميله اتشكلت فى كم حته

(الخلطه دى ادت ودالماحى شنو )

* ذكريات (الطهور ) زمان جميله شديد .. فيها كنا بنحس ببهرجتها الحلوه مازى هسه لييييه ..؟؟

* من الذكريات دى .. زمان ممكن الناس تعمل لمه ... تسرق اللبن .. تعمل قاااشيد .. وفيها محطات احلى

كدى ماتعزمنا معااااك ... وتونسنا

عدد المساهمات : 3466 تاريخ التسجيل : 25/04/2010

بعد الطهور الجماعى
تمينا باقى طفولتنا فى الثورة وانا شخصيا كنت مفتكر اى زول ما من الثورة أصلا ما زول
غايتو جنس جهل
نجى للتعليم للأسف
نحن كنا الدفعة التانية فى مدرسة حسن عبد الباسط الابتدائية
وكنا فصلين فى فصل واحد ...لمدة ستة شهور
وكان الواحد بجى فى الخمسة الاوائل بس هشان ما يدقع قروش درس العصر
فى الابتدائى كل سنة يبنوا فصل لحدى ما اتخرجنا منها لى بكار المتوسطة ثم الأهلية امدرمان الثانوية وبس
عرفت يا عبدوش الورطة الورطت نفسم فيها
آخرى الاهلية امدرمان
لكن ما بوح ليك من المرسى دة الا تنتهى مدتى ولا ناس المنتدى يحونى بالرجالة
ههههه

اهلا بالحبيب صديق الغالى غلاة امى وخالتى واختى ...
مرحب حبابك
الااااااف
دائما معتق
مدنكل العمة
كاحلى زول
شخصية
مالية المركز
ومدفق
....

[color=blue][b]ودايرين
المضيف
والضيف
اورونا
علاقة
منذر
و
مزن
ووحيد
شنو
بالتفصيل
وماعيزين الاستعانة
بصديق

بعدين
عاوزين
نسمع اخر نكته سمعتها
من المصريين
يعنى طازجة انتاج اليوم
.....

نعرج بيك شوية
للزمن الجميل
وحدثنا
عن ذكرياتك
فى شقلبان
ومرزوق

عدد المساهمات : 3466 تاريخ التسجيل : 25/04/2010

عبدالرحمن مدثر كتب:: طبعا ياودالنقاره (دى جديده ) حكايه تدخل معاك عادل هنا مابنمشيها ليك

*جيب لينا صوره عديل من شهاده ميلادك ... وكانت راحت شوف التسنين

* خلطه حلاوى وشايقى .. والميلاد فى الحرقه .. والسقاااى .. والهدى ماشاءالله

كوكتيل ومنوعات احساس طفوله جميله اتشكلت فى كم حته

(الخلطه دى ادت ودالماحى شنو )

* ذكريات (الطهور ) زمان جميله شديد .. فيها كنا بنحس ببهرجتها الحلوه مازى هسه لييييه ..؟؟

* من الذكريات دى .. زمان ممكن الناس تعمل لمه ... تسرق اللبن .. تعمل قاااشيد .. وفيها محطات احلى

كدى ماتعزمنا معااااك ... وتونسنا

الطفولة التى تشكلت فى كم حتة دى كارثة اسمها صديق الماحى
عشت فى غربة منذ الميلاد ولى هسة
ضائع انا ومضيع وطن ومن وسط هذا الضياع وجدت نفسى سابح ضد التيار فى عناد غريب ولكنه عذب وساهم فى تشكيل شخصيتى الحالمة
وبمناسبة شهادة الميلاد لازم تعرفوا ميلاد عادل خيارى وتزيدو على الأقل شهر او شهر ونص لكنه الدفعة القدامى فى المدرسة
عادل خيارى ابن خالتى وصديقى منذ الأزل ولم أكن اتخيل دنيا مافيها عادل حاتكون كيف

عدد المساهمات : 3466 تاريخ التسجيل : 25/04/2010

زيادة عبد الباقى كتب:: اهلا بالحبيب صديق الغالى غلاة امى وخالتى واختى ...
مرحب حبابك
الااااااف
دائما معتق
مدنكل العمة
كاحلى زول
شخصية
مالية المركز
ومدفق
....

الغالى ابو محمد
اول مرة اطلع من السودان وكانت االمحطة الأولى مصر فى ضيافتكم انت والزاكى خالد فى منشية الصدر ومنها الى العراق وبدأ ضياع السنين وتساقط اوراق العمر وهى فترة بدأ السودان ينزلق من بين أصابعنا لهثا وراء امل زائف باستعادته بقوة مال الغربة .. ولم نجنى المال وضيعنا الوطن القابع فى الصدور .. وآثرنا الهروب كعادة كل سودانى جبان يتكلم من على البعد وان كان فى يده النضال وتركه بأعذار واهية كلفتنا الكثير المثير

عدد المساهمات : 3466 تاريخ التسجيل : 25/04/2010

زيادة عبد الباقى كتب:: [color=blue]ودايرين
المضيف
والضيف
اورونا
علاقة
منذر
و
مزن
ووحيد
شنو
بالتفصيل
وماعيزين الاستعانة
بصديق

[b]طبعا ام وحيد غششتنى بالمصرى بالسودانى كشقت لى الامتحان
منذر زيادة ووحيد صديق الاتنين خيلان لى مزن

عدد المساهمات : 3466 تاريخ التسجيل : 25/04/2010

زيادة عبد الباقى كتب:: بعدين
عاوزين
نسمع اخر نكته سمعتها
من المصريين
يعنى طازجة انتاج اليوم
.....

زميلنا مصرى عزمنا لى فرح ابنه من خمسة شهور كدة
فبل يومين عزمنا وفال لى مرت ولده جابت ولد ومعزوم على السبوع
يادى الفضيحة
الجماعة بدأوا يهمهموا
طلع دة ولده الكبير

عدد المساهمات : 3466 تاريخ التسجيل : 25/04/2010

زيادة عبد الباقى كتب:: نعرج بيك شوية
للزمن الجميل
وحدثنا
عن ذكرياتك
فى شقلبان
ومرزوق

شقلبان هى الطفولة الحقيقية
محطة شقلبان دى المفروض كان اسموها حاج الماحي لأننا كنا مستحوذين عليها اكتر من عمك شقلبان
فى هذه الفترة الواحد كان طفل راجل غصبا عنه .. تعلمنا رجالة فى طفولتنا بسبب انت الكبير انت الكبير الواحد لمن نسى طفولته وعاش كذبة الرجولة ... كان الواحد عايش بى شخصيتين .. قاشر لى اولاد الثورة نسبة لكثرة الأهل من الجزيرة باننى كزارع لا يشق له غبار رغم اننا لا نمتلك حواشة ولا أفرق بين الجدول وابو ستة فعليا لكن نظريا قاشر بالجماعة لمن حاسدينى على جزيرتى التى لا يعرفون عنها شيئا وخرطومهم التى اعرفها جيدا فيظنوننى متميز ولكنى منافق كذاب فلم اذهب لحواشة يوما رغم كل أقرانى أحكى لهم بخيال ممتع عن الهدى والحواشات ولقيط القطن .. رغم انى لمن امشى الهدى بكون مضحكة فى عدم معرفتى بالزراعة

ومرزوق بديناها انا ووالدى بحجز قطعة هناك وبديناها من اوضة وراكوبة
زمن الخرطوم كانت خرطوم لم نستفيد منها ولم يخطر على بال ابى ان يكون فى سكان بعد مرزوق
هسة الثورة وصلت المرخيات وأطن أبعد كمان

عدد المساهمات : 3466 تاريخ التسجيل : 25/04/2010

زيادة عبد الباقى كتب:: نعرج بيك شوية
للزمن الجميل
وحدثنا
عن ذكرياتك
فى شقلبان
ومرزوق

شقلبان هى الطفولة الحقيقية
محطة شقلبان دى المفروض كان اسموها حاج الماحي لأننا كنا مستحوذين عليها اكتر من عمك شقلبان
فى هذه الفترة الواحد كان طفل راجل غصبا عنه .. تعلمنا رجالة فى طفولتنا بسبب انت الكبير انت الكبير الواحد لمن نسى طفولته وعاش كذبة الرجولة ... كان الواحد عايش بى شخصيتين .. قاشر لى اولاد الثورة نسبة لكثرة الأهل من الجزيرة باننى كزارع لا يشق له غبار رغم اننا لا نمتلك حواشة ولا أفرق بين الجدول وابو ستة فعليا لكن نظريا قاشر بالجماعة لمن حاسدينى على جزيرتى التى لا يعرفون عنها شيئا وخرطومهم التى اعرفها جيدا فيظنوننى متميز ولكنى منافق كذاب فلم اذهب لحواشة يوما رغم كل أقرانى أحكى لهم بخيال ممتع عن الهدى والحواشات ولقيط القطن .. رغم انى لمن امشى الهدى بكون مضحكة فى عدم معرفتى بالزراعة

ومرزوق بديناها انا ووالدى بحجز قطعة هناك وبديناها من اوضة وراكوبة
زمن الخرطوم كانت خرطوم لم نستفيد منها ولم يخطر على بال ابى ان يكون فى سكان بعد مرزوق
هسة الثورة وصلت المرخيات وأطن أبعد كمان

اها ياجدو نحن مصرين علي الميلاد دون الاستعانه بصديق ودون الرجوع لود خياري لانو دوره جاي

مستمتعين بهذا البوح الجميل

لبلبل من بلابل دوح الغربه

والنوح ...

صديق الماحى (المصادم ) هل هذه التسميه فى مكانها

بين الغياب .. والتغييب

وبين السياسه ودهاليزها المظلمه

دردش .. واحكى لينا عن متى رضعت السياسه

وبدايات تشكيل الوعى

والغربه لما تكون غربه ذات ... واحساس

ولما تكونوا مغترب جووه رويحتك ذاتها

بين القاهره المحطه الاولى لما جيت عابر بصحبه زياده والزاكى

والقاهره لما تصبح الوطن الام الذى احتواااك بكل رحابه صدر

عندك فلسفه جميله بتاعت تعامل مع اخوتنا فى مصر

قدرت تقرب بيها اكتر لعالمهم الذى يظنه الكثيرون من ان

المصريين ديل (بياعين كلام )

ومن انهم شعب (لايعاشر )

عدد المساهمات : 3466 تاريخ التسجيل : 25/04/2010

عزالدين حسن محمد كتب:: اها ياجدو نحن مصرين علي الميلاد دون الاستعانه بصديق ودون الرجوع لود خياري لانو دوره جاي

فى الموضوع دة بالذات لازم عادل خيارى كان رضيت ام ابيت ولا اكذب عليك
استنى لمن يجى دور عادل فهو يمتلك شهادة ميلاد
لو عايز تسنين ما عندى مانع
الدكتور قررها 1ينائر 1962
بس ما حقيقية

عدد المساهمات : 3466 تاريخ التسجيل : 25/04/2010

عبدالرحمن مدثر كتب:: مستمتعين بهذا البوح الجميل

لبلبل من بلابل دوح الغربه

والنوح ...

صديق الماحى (المصادم ) هل هذه التسميه فى مكانها

بين الغياب .. والتغييب

وبين السياسه ودهاليزها المظلمه

دردش .. واحكى لينا عن متى رضعت السياسه

وبدايات تشكيل الوعى

والغربه لما تكون غربه ذات ... واحساس

ولما تكونوا مغترب جووه رويحتك ذاتها

التسمية للاسف الشديد فى مكانها
المصادم المصادم
صدق اول مرة واحد يطلق على اسم أعتقد ملائم جدا رغم قساوته
ولكنى كنت المصادم المنهزم ولا زلت منهزما ولم انتصر وحققت الرقم القياسى فى الانهزامية
هزمنى التعليم
هزمتنى الظروف
هزمتنى الغربة
احسب من هنا لى بكرة عشان تفتش حاجة انا انتصرت عليها ما حاتلقى
لكن طبيعتى التى جبلت علبها هى الصدام رغم الانهزام
عناد عجيب مع سبق الاصرار والترصد
جاييك للغياب والتغييب
بعد الفاصل

عدد المساهمات : 3466 تاريخ التسجيل : 25/04/2010

الغياب والتغييب سلبنى أعز ما املك وأغتصب وطنيتى العذراء
عندما تشكلت شخصيتى وهذا حصل فى الأهلية امدرمان كنت انظر لكل الندوات السياسية والأبواق التى تنفخ لصالح جماعاتها واحزابها باستغراب شديد ولم يقنعنى اى منعمبالانضمان لكى اكون بوقا بالعكس كنت مصادما لا يشق له غبار ومعتزا باستقلاليتى التى احافظ عليخا الى الآن وأعض عليها بالنواجذ رغم ان استقلاليتى داومت على هزيمتى ايضا
لايمكنان تنجح ندوة لأى حزب وانا موجود فيها نسبة لقلة أدبى فى النقاش ختى كرهنى الجميع كرها استلذ له كثيرا زكان سببا مباشرا فى التفكير فى الهجرة والاغتراب رغم أطاذيب المغتربين بتصليح الحال فى البعاد
كنت صائرا بحق على الاوضاع الاجتماعية والأسرية وحانثا على الجهل ولم احاربه حتى فى نقسى وآثرت البعد خوفا من الجنون فقط رغم اننى عاهدت نفسى بعدم الجنون او الانتحار ولازلت على العهد
فى الفقرة الجاية احكى ليك موقف فى الاهلية امدرمان

عدد المساهمات : 3466 تاريخ التسجيل : 25/04/2010

كانت عندنا حصة انجليزى وكنت شاطر فى الانجليزى بالذات
فى نص الحصة الصول بتاع المدرسة جاب البريد وكان عندى جواب جاي من ابوظبى
فتحت الجواب بسرعة وشوق واستمتاع وبدات قراءته
الاستاذ كان واقف جنبى وانا مستغرق فى القراية ولم احس به ابدا
كان من النادر ان يتكلم عربى
فههرنى
HEEEA
SIDDIG
WHAT ARE YOU DOING
بقرأ فى جواب جايينى من ابوظبى
انفجر الفصل ضاحكا
قام قال لى بالعربى
لو جاتك فيزا حاتخلى المدرسة يعنى ؟
رددت عليه بصوت عالى وبالانجليزى كمان
IF I GOTTEN AVISA INSIDE THIS LETTER I
WILL LEAVE NOW
مش المدرسة حصتك دى بالذات ما حا أكملها
ضحك الفصل وحتى الاستاذ لم يتمالم نقسه من الضحك رغم كان صارما وماخد الانجليزى كأنه نهج حياة

عدد المساهمات : 3466 تاريخ التسجيل : 25/04/2010

عبدالرحمن مدثر كتب:: بين القاهره المحطه الاولى لما جيت عابر بصحبه زياده والزاكى

والقاهره لما تصبح الوطن الام الذى احتواااك بكل رحابه صدر

عندك فلسفه جميله بتاعت تعامل مع اخوتنا فى مصر

قدرت تقرب بيها اكتر لعالمهم الذى يظنه الكثيرون من ان

المصريين ديل (بياعين كلام )

ومن انهم شعب (لايعاشر )

اكتشقت نفسى فى مصر بعد لفة طويلة غير مجدية وفشل ذريع فى جنى ثروة ولكن نجاح منقطع النظير فى مدرسة الغربة التى هى والجيش تصنع الرجال .. دة من وجهة نظرى
اعدت اكتشاف نقسى بالأحرى هى الكلمة المناسبة
لم أكن انوى البقاء فى مصر .. جئبها هاربا من ملل ليبيا اللذيذ
ومتوقعها محطة استراحة
زلكن أحببتها عندما عاشرتها
مصر ام الدنيا ورونقها
مصر هى امريكا بصورة ما
حتى السباك له معاش
العلاج مجانى
ممكن تشتغل لوجاد ومافى زول بيرسل ليك قروش
ممكن تحرف لو انت مستقيم ولو لم ترد لما أصرت عليم مصر
لقد ارتكبت معاصى فى السودان يشيب لها الرأس ولم اتأدب الا فى مصر
عرفت فى مصر كلمة معنى الممنوع مرغوب
لم يخبرنا والدنا السودان بأننا أحرار حتى نختار فوقعنا فى مصيبة الممنوع ورغبناه
فى مصر عرفت معنى ان تكون حرا وحرا فى اختيارك
وحا نواصل
عندى مشوار مهم

أبت نفسى الا أن تشارك بوحك فأتيتك هروله

يا مرحباً بالاخ الفاضل صديق المــــــــــــــــــاحي ، ممتنه لك و شاكره
سعة الصدر ،
من فتره طويله فكرت بالموضوع بس كنت ما ح اقدر اختار مين اللي يجلس بالكرسي بس هسي لقيتك واسئلتي كتيــــــــــــــــــــــره بس بدايه واول ضيف علينا بقلل الاسئله...
وانشاء الله انت قادر علي تخطي الصعاب مهما كانت صعوبة الاسئلة ..

س1 : إذا اصابك حزن أو ضيق فانت تبحث عن شيء لتفريغ حزنك و ضيقك.. فالبعض يكتب و البعض يبكي و البعض يكسر.. الخ.. فماذا تفعل أنت في هذه المواقف ؟!

س 2 :-ماهي الفائدة الذي جنيتها من جلوسك خلف شاشة الكمبيوتر على النت ؟

س 3 : ماهو الشي الذي أمامك ولكن صعب الوصول اليه؟!!

تقوى الماحى سعداء جدا بمشاركتك وتفاعلك حتى نصل للفائده من خلال

محطه من محطات المنتدى المهمه (محطه ودالماحى ) ...

من قبيل بنفتش لقهوه كاااربه .. تخلى لينا صديق الماحى يتوهط لينا فى الكرسى

معديها ... عندى مشواااار ... عندى مشوااار

ومشواااار القاهره معروف الزول بتطلع من بيتو ... وبجى راااجع بكره الصباح

زحمه يادنيا زحمه

****

وبالنسبه للاسئله ماتقلليلها ولاحاجه ... نحن دايرين نفلفل صديقالماحى دا ونطلع منو بكتاب تجارب

وذكريات .... فزيدى الغله ... وجيبى الاسئله بالشوالاااات

المشاهدات 165 رقم قياسى

المشاركه فقط من مهدى ..زياده .. عزالدين .. وتقوى

معقوله بس

لاتقرأ ... وترحل

ارمى حجر فكرتك ورايك ... فى بركه منتدانا الساااكن

عشان نجتمع حلو صينيه (سمك ) مدنكله

عدد المساهمات : 3466 تاريخ التسجيل : 25/04/2010

tagwa elmahi كتب:: أبت نفسى الا أن تشارك بوحك فأتيتك هروله

يا مرحباً بالاخ الفاضل صديق المــــــــــــــــــاحي ، ممتنه لك و شاكره
سعة الصدر ،
من فتره طويله فكرت بالموضوع بس كنت ما ح اقدر اختار مين اللي يجلس بالكرسي بس هسي لقيتك واسئلتي كتيــــــــــــــــــــــره بس بدايه واول ضيف علينا بقلل الاسئله...
وانشاء الله انت قادر علي تخطي الصعاب مهما كانت صعوبة الاسئلة ..

س1 : إذا اصابك حزن أو ضيق فانت تبحث عن شيء لتفريغ حزنك و ضيقك.. فالبعض يكتب و البعض يبكي و البعض يكسر.. الخ.. فماذا تفعل أنت في هذه المواقف ؟!

س 2 :-ماهي الفائدة الذي جنيتها من جلوسك خلف شاشة الكمبيوتر على النت ؟

س 3 : ماهو الشي الذي أمامك ولكن صعب الوصول اليه؟!!

ابنتى او اختى الصغنونة لتشابه الأسماء
فاسمك من اول يوم شفته حبيته لأن اسم الماحى من النوادر وياريتك شفتى ابوى الماحى الله يرخمه كان رجلا ولا كل الرجال
وبمناسبة الاسم دة اقول ليك حاجة تضحكك اولا
المصريين ماعندهم اسم الماحى او انا ما ثابلنى نهائيا لكن مريت بمواقف طريفة من خلال هذا الاسم
ااسمك صديق ايه ... الماضى
لا الماحى الماحى وهو اسم من اسماء الرسول
صلى الله عليه وسلم آه مانا عارف
بس الماحى يعنى ماحى خالص (بلهجتهم فاقد الذاكرة )
ولا تزعل ياصاحبى بكرة يفتكر
ماتقولى هروب من أسئلتك راجع ليك اوعى تمشى بعيد
عبدووووش يزعل يقوم يطردنى من بوسته

صديق الماحى لك التحية والود ورد الله
غربتك انت وعادل حيارى
الى ربوع السودان
مع الاحوان والحبان
ما تنسى الفترة الزمنية الطويلة
فى ليبيا

عدد المساهمات : 3466 تاريخ التسجيل : 25/04/2010

بالنسبة للسؤال الأول

بنفض
بسد دى بى طينة ودى بى عجينة ... عارفة حاجة اسمها البرود
بس هو بعينه الذى يعيننى على تخطى المشكلة الحزينة .. وأصدقائى زمان كانوا يسموننى جبل الجليد من شدة البرود ... البرود وجدته الحل السحرى ودلوكتى انا محترف برود وممكن أجى الأول فى البرود
2 /هى فائدة واحدة دى كميات من الفوائد ... لدرجة بقيت ما فاضى عديل كدة .. والجهاز العجيب دة عرفنى بى ناس ما كنت بحلم الاقيهم هسة عندى كمات من احباب لدرجة اى واحد فيهم لو جا الى مصر لا مفر من مقابلته ... وفى ناس عملت معهم شغل وأكل عيش من خلال هذا الكمبيوتر .. رغم انى لسة فى سنة اولى تكنلوجيا ولم أحظى بتعليم جيد ساعدنى هذا الجهاز فى زيادة التعليم
لا أستطيع حظر جمايل هذا الجهاز على
فى فائدة كدة بينى .. ما تكلمى بيها زول
لمن نكون زعلانين انا وام وحيد .. اديها ليك يومين كومبيوتر اكتر من اللازم وببرود شديد .. قبل اليوم التالت بنكون اتصالحنا .. يعنى موفر لى الزوغة من الفجور فى الخصام لمدة تلاتة ايام
3 / الشى الذى امامى وصعب الوصول اليه هو السماء ...............
وشايف بيت الشاعر بتاع
انت السماء بدت لنا واستعصمت بالبعد عنا
هو بيت بليغ فى الوصف
بس فى رأئى ايضا لو فى جاجة قدامك مافى اى حاجة بتمنعك تأخدها الا تكون هذه الحاجة بتاعة زول تانى فلي لك الحق فى اخذها .. ولاا الحاجة نفسها لا ترغب فيك فلا تستطيع ارغامها
اتمنى ان اكون رديت كويس
خليك فريبة لحدى ما السيد عبد الرحمن يزهج منى واتخارج

» @ مضوى عبدالرحمن ضيف الكرسى الساخن @
» دعواتكم لعضو المنتدى اخونا الجود حاج الماحى
» الكرسي الساخن
» صديق الكحلاوي مات
» سؤال عن صديق

صديق الماحى ضيف الكرسى الساخن

صديق الماحى ضيف الكرسى الساخن

مواضيع مماثلة

مواضيع مماثلة