ياجماعة فى ناس كدا مابشاوروك

بشيلوا كل المساحات والدواخل وبزرعوها فل وياسمين

زمان بتذكر كنت بنظر مع استاذى العزيز عثمان ابوشيبة لما يقول واصل الكتابة

وكنت بصر على مقولة ( الواقع دوما يسطو على المساحات الخضراء فى حياتنا)

وهو دوما يصر على ان هناك اناس غيمة

مع جوطة الحياة .. وطرطشة الالوان وتداخلها .. فى ناس بدوك كدا طلية حريرية

تلفون من زيادة .. ياسلام

تلفون من ودالشيخ سيد الحنية .. وصلت لمرحلة انعدام جاذبية احساسية

تلفون اخر من طارق مامون ياجماعة انا وصلت لحتة الشاعر البدا القصيدة ديك

لحدى ما تسامى وتسامى وتسامى .. ويمكن من حالة البخار دى بقى غيمة اكيد



خربشة

الحتة دى محجوزة ساااااااااااااااااااى

ماعارف لكن اتذكرت كوميديا (القصير ودعشى ) صاحب الخيال الواسع
كنا وقتها نكون قد قاربنا من الانتهاء من لعب البلى .. ونحن راجعين فى المغيرب .. كان هو ياتى من الجهة الاخرى للكبرى حينما كانت (مولعة )
اجمل حاجة هى حالة الترقب لتصرف ود عشى الذى كان يكره الكبارى
وهو فى تلك اللحظة من حالة اغنية حمد الريح ولكن بلحنه الخاص
ونقعد نتغالت

ودعشى بجى بالكبرى

لالا انا متاكد انو بجلبغ

ويحلو الغلااات فى مثل هذه الحالات

ويقطع ودعشى قول كل غالااااااااااااااات عندما يدبز جوووووه الترعة

كنا صغارا لم نتعلم بعد مسالة التمييز بين هذا وذاك من عدمها

لكن ذاكرة الطفولة الخصبة جعلتنا نميز اكثر بين كبرى .. وشارع جديد فى

نص الترعة .. اكيد هناااااااااك حالة انعدام توازن

شكلى كدا خليت باب الذكريات (متااكى )

يحيى ودالفكى عبدالرحمن .. اروع من يحدثك عن كل شىء .. كان فى عز

جوطته اجد عنده براحات الونسة الطاعمة .. احدثه عن الجعجعة وعلاقتها

بقلة الطحين .. فيحدثنى بلباقة الفرنجة عن ذلك الاناء الكبير الفراغ الذى

(ميك الااااااااااااااود نيوز ) الحتة دى بالانجليزى طبعا

ويحدثك عن (دونت هيت زا ومان ايفان ويز افلور )

ياسلاااااااام على تلك الرومانسية المفرطة وانا من انصار شد النقاش

فياتى طواعية (المرة كان بقت فاس مابتشق الراس )

خلاصة الخربشة اننى وجدت كل الفائدة من صديقى يحيى

مرحب بيك ود مدثر بعد الغياب
ومرحب بعودة قلمك المجنون
ما تنسى فطور رمضان عليك
بعدها كمان العيدية ابدا جهز
الحمل تقيل بلحيل
عزيزى مشكور على الكلمات اللطيفات

خرباش واصل خبرشتك
وخرمج وخلي كل الابواب
مفتوحة
بنتاوق ليك كان لقينا
الجدار اتملي بنعمل
معاك جدار جديد فط
مدماك ومدماك جديد
والمونة راقدة

خرمج برطع .. خربش خرابيش ..
أنطلق بلا حدود ..
إنت وهج هذا المنتدى .. ونوارتو

تعرف لما ندخل .. هذا المنتدى ومانلقى لمبة متصل مولعة لأي واحد من الأعضاء .. نحس بأن هنالك شيء ناقص .. وعلى طول نقول إنشاء الله المانع خير ..
عدت والعود أحمد.

لك التحية . ابو وضاح

ود مدثر فاكي بخورو
سلام تربيع تغيب ياظالم وليك وحشه
وينك انت ياعبدالرحمن منتظرين الصور وابداعاتك

صلاح الشيخ كتب:

مرحب بيك ود مدثر بعد الغياب
ومرحب بعودة قلمك المجنون
ما تنسى فطور رمضان عليك
بعدها كمان العيدية ابدا جهز
الحمل تقيل بلحيل
عزيزى مشكور على الكلمات اللطيفات

الحبيب والجار القريب ودالشيخ

انا ماكلمتك عن زلابية الطيب الشيخ ياااخ بالغت

ياسلام على همة ودالشيخ فى وكت المناسبات دائما قدام

بمناسبة اللقيمات نحن بنتذكر ارتباطات الوجدان بحاجات معينة فى الهدى

خاصة لمن تجى لحتة تمامة الكيف والمزاج

خبيز عكاشة

زلابية الحورى

فتة ودامام

وشاى قهوة حسن البلة المقنن

بجيك راجع باقى ليك مزاجى ملخبت شوية

ياسلام على فطور رمضان

وجرسة رمضان

وحلاوة رمضان فى الهدى خصوصا

افتقدناها كثيرا ياودالشيخ مع حلاوة صوت شيخ والى الدين

وراحة ودالشريف وعكاشة

ونداوة صوت ودالخضر وخالد حاج النور

وختام ودبلتنا حاج الفاضل

بمناسبة رمضان ياود مدثر
نديك حتة من رائعة هاشم صديق
ست الشاى
الرادى يساسق بين برطانية وبين امريكا
وصابر سارح لنفسو يصارح
ياصابر هوى رمضان جاييكا
ح تجيب من وين قروش السكر وحق الويكة
***
ووالدة صابر مشدوهة
تقطًع عيش الفتة
تكب سرحانة فى موية الفول
يوماتى عشاهم (فتة بوش )
والرادى يساسق بين(بن لادن و مستربوش )

طبعا ياود مدثر دى كلو اشان تطلع المخبا

فى توارد خواتر او كما يحلو لصديق لى توالد خواتر

بالامس كنت مستمتع لدرجة بعيدة بحلقة مميزة عن هاشم صديق فى النيل الازرق

مع الاعلامية المتميزة نسرين النمر باسم (العودة الى النهر ) اجمل مافى

الحلقة عودة هاشم لاضواء الاعلام بعد قطيعة دامت لاكثر من 17 سنة تحدث

فيها بمتعة لاتضاهى عن سر مقاطعته للاجهزة الاعلامية ولكلية الموسيقى

والدراما من خلال مواقف متباينة .. وقدم اجمل قصائده وهى تتحدث عن هم

اكبر يواجه مصير بلادنا اليوم (الاستفتاء ) ليعطينا خلاصة القول ان الانتماء

يجب ان يكون للنيل الذى يمتد فى بلادنا دون الرجوع الاختلافات مستشهدا

بحكمة العبادى جعلى ودنقلاوى ايه فايدانى مادام النيل ابونا والجنس سودانى

عوض خيارى كتب:

خرباش واصل خبرشتك
وخرمج وخلي كل الابواب
مفتوحة
بنتاوق ليك كان لقينا
الجدار اتملي بنعمل
معاك جدار جديد فط
مدماك ومدماك جديد
والمونة راقدة

ودخيارى

خربشة جديدة مع المطرة الصاااابة فى الخرتوم هذه اللحظات

جعلها الله امطار خير وبركة .. خلينا نتذكر خربشات الفحم

بتاعت (حضرنا ولم نجدكم )

وباحساس عالى شوية لازم وحتما ولابد (لم نجدكم ) لانكم فى الاساس (اتوهطوا ) جوووه الجوووه فى الوجدان

زى ودالفريجاب د عمر لما غنى ليهو ودالامين

احاول مرة بس انساك
عشان ياغالىة اتذكر
اجى والقااااااااك ديمة معاااااااى
والقى هوااااااك ملك دنياى
وفى اعماااااااااااقى اتحكر



اتحكر يابا وتم الكييييييييييييييييييييييييف

طارق مامون محمد البشرى كتب:

خرمج برطع .. خربش خرابيش ..
أنطلق بلا حدود ..
إنت وهج هذا المنتدى .. ونوارتو

تعرف لما ندخل .. هذا المنتدى ومانلقى لمبة متصل مولعة لأي واحد من الأعضاء .. نحس بأن هنالك شيء ناقص .. وعلى طول نقول إنشاء الله المانع خير ..
عدت والعود أحمد.

لك التحية . ابو وضاح

ابووضاح ياخ انت زول صعنبوتى عملت تحريات كدا

لقيتك صغير ياخ .. لكن جمال الغربة ادى طعم خاص لقلمك المصادم

لك التحية
ولحميد لما قال نورة شافت فى رؤاها
حيطة تتمطى وتفلع فى قفا الزول البناها

هذه التفاصيل قريبة من مواقف ومحطات داخلية وخارجية

تسلم ياحبوب وسعيد انا بسماع صوتك
ونتمنى ان تكتمل الصورة فى ديوان ودالبشرى الوسيع

عادل خياري كتب:

ود مدثر فاكي بخورو
سلام تربيع تغيب ياظالم وليك وحشه
وينك انت ياعبدالرحمن منتظرين الصور وابداعاتك

ودخيارى .. انت عارف الواحد لسه فى حيرة من امرو بخصوص الناس البزرعوا الدواخل فل وياسمين

ومن ياتو شارع ادخلك .. وبين الغياب والحضور ياحبيب تجدنا نتارجح .. وبين ظروف الدنيا تجعلنى

اخالف وعدى واتلوم ..

انا من اشد المعجبين باحمد مطر.. وبالمطررره لما تدخل كل البيوت .. وتدغدغ على عصب الامانى الديمة

تحام بالهطول .. (شكلوا كدا الا العيد .. كل الحاجات جاهزة لكن دروب الرجعة بقت زلقيبة )


خربشة

الونسة دى ذكرتنى قصيدة جميلة كتبتها زمان عن المطرررة .. بلملم اطرافها .. وبدفقها ليك فى الثقافى

هناك ..

زمان كنت فاكرك شاعر وبس لكن من خلال خربشاتك انا شايف فيك ميلاد كاتب لخصوبة خيالك ومطاوعة القلم لك واختيارك للمفردات المحلية والتى هى حتما الطريق للعالمية,عبد الرحمن اكتب ..........

خالد ارباب كتب:

زمان كنت فاكرك شاعر وبس لكن من خلال خربشاتك انا شايف فيك ميلاد كاتب لخصوبة خيالك ومطاوعة القلم لك واختيارك للمفردات المحلية والتى هى حتما الطريق للعالمية,عبد الرحمن اكتب ..........

زمااااااااااان كنا بنشيل الود
ونهدى الود
ياسلام على زمان لما تكون كل الحاجات الحلوة (زووووم ان )
من خلال نظرتك الثاقبة .. ووجهك الخير .. وهمة ودالبلد الاصيل
اجمل حاجة ياارباب انو تعرف اصالة الدواخل من خلال اعمال هجرها الناس
وافرنقعوا يبحثون عن اشد خصوصياتهم
افتقدنا اللمة الحلوة ياصديقى .. والاجندة .. والزلابية
لعلها سانحة لكى يجتمع شمل الجمعية الخيرية .. بس محتاجين شوية همة

خربشة

ياارباب فى قصيدة كتبتها ايام الاسبوع الصحى لمستشفى الصائم مدنى
كانت جميلة لانها لبست عباية التضحيات من امثالكم والود ايهاب
ياخى مالقيتها .. لكن ممكن تجى لو عادت لنا الايام والاسابيع

والله ياعبدوش ذكرتنى بايام نحن الرابطة
نحن بنربط بين واقعنا وبين جواكم
ازكرت ايام الضحك والفرفشة والتخريج
والضيق لما الساون جا والناس فرحانة ونحن من الضيق قعدنا نغنى
الساون جا الساون جا
وهاك ياضحك
والله انا افتكرت ايامنا الجميلة ولت وتانى ماعد نلاقيك لكن المنتدى احيا فى داخلنا
فكرة التلاتقى من جديد
ويلا تعال نتلم
ونتزكر
عزنا بكبر ساعة الناس تتلم
ساعة الفرح الجوة قلوبنا وجوة قلوبكم يقوم انتم
ويلا نواصل

وين الخربشات يا ود ع القادر؟

البوست كان مدفون
شكرا يا الصادق